"Мәктәпкә җыенырга булыш" акциясе кысаларында Оет авылында туып үскән, Олы Шыңар урта мәктәбен тәмамлаган Яруллина Ләйсән Рәхимулла кызы "Хуҗабикә" түгәрәгенә спонсорлык ярдәме күрсәтте.

Сентябрь аенда "Экстремизмга-ЮК", "Куркынычсыз балачак" акцияләре бара. Мәктәбебездә Саба районы башкарма комитеты вәкиле Исхакова А.Р. укучылар белән хокук бозуларны профилактикалау максатыннан әңгәмә үткәрде.

Мәктәбебездә балаларның дәрестән соң вакытларын оештыру максатыннан 9 түгәрәк эшләячәк. Бүген "Вокал", "Флорбол", "Туган якны өйрәнү" түгәрәкләре үз эшләрен башлап җибәрделәр.

Бүген мәктәптә Корбан ашы үткәрелде. Авылыбыз имам хатибы балаларга вәгазь укыды, тәртипле булырга, өлкәннәрне хөрмәт итәргә кирәклеге турында тагын бер кат искәртте. Тәкъбир әйтеп корбан ашыннан авыз иттек. Аллаһ кабуллардан кылсын.

Мәктәбебездә бүген зур бәйрәм-Белем көне. 1 сыйныфлар өчен аеруча да шатлыклы көн. Бәйрәм тантанасында районыбыз кунаклары да катнашты: финанс-бюджет палатасы җитәкчесе Сөнгатов Шамсун Әкбәрович, шулай ук район мәгариф бүлегеннән Гимадиева Алисә Илһамовна. Бәйрәм җыр-биюләр белән үрелеп барды. 1 сыйныфка  9 укучы аяк басты. Аларның һәрберсенә җитәкчеләребездән истәлекле бүләкләр тапшырылды, әти-әниләр, укытучылар тарафыннан изге теләкләр теләнде.

Лагерыбызның эше әкренгә генә ахырга таба якынлаша. Буген 22 июнь – Хәтер көне. Укучыларыбыз белән  һәйкәл янында митингка җыелып, сугышта һәлак булган авылдашларыбызны бер минутлык тынлык белән искә алдык.

22 июнь – Хәтер көне. "Свеча памяти" акциясе кысаларында обелиск янында сугышта һәлак булганнарны искә алып, шәмнәр яндырылды.

Олы Шынар урта мәктәбе "Дуслык" лагеренең унсигезенче көнендә  укучылар Кече Шыңар авылы чишмәсендә кунакта булып кайттылар. Чишмә буйларының матур табигате, суларының шифасы  үзенә тартып тора.

Олы Шыңар урта мәктәбе Дуслык лагереның 17нче көне үтеп тә китте. Бүген укучылар табигатьне саклауга багышланган китапчыклар ясадылар, Мишә буенда ял итеп кайттылар, күңелле уеннар уйнадылар.