Бүген мәктәбебездә Габдулла Тукайның 131 еллыгына багышланган рәсем конкурсы оештырылды.
Укучылар шагырьнең әсәрләре буенча иллюстрацияләр, тормыш юлын чагылдырган рәсемнәр ясадылар. Әйе, Тукай бүген дә безнең арабызда кебек. Аның иҗаты, геройлары безнең күңелләрдә, безнең җаныбызда.

"Язгы игелеклелек атналыгы" дәвам итә. Бүген мәктәбебезнең 6-7 сыйныф укучылары белән берлектә сәламәтлеге чикле балалар катнашында түгәрәк өстәл оештырылды. Укучылар "Берәмлек" символын ясадылар, бу көн турындагы законнар белән таныштылар, төрле уеннар уйнадылар.

"Язгы игелек атнасы" кысаларында бүген мәктәбебезнең 5-7 сыйныф укучылары арасында күңелле стартлар оештырылды. Укучылар спортның төрле төрләре буенча көч сынаштылар. I урын - 6 сыйныф, II урын - 7 сыйныф, III урын - 5 сыйныфларга булды. Җиңүчеләргә рәхмәт хатлары, истәлекле бүләкләр тапшырылды.

Бүген исә 6 сыйныф укучылары катнашында "Теле барның-иле бар" темасына  зирәкләр һәм тапкырлар бәйгесе булып узды.  "Туган тел" һәм "Тукай оныклары" командалары үзара көч сынашты. Әлеге чара укучыларда туган телебезгә мәхәббәт тәрбияләүдә зур роль уйный.

С сотрудником УУП Гатиным М.М. среди учащихся 8-9 классов  была проведена профилактическая беседа по акции "Дети России - 2017" на тему "Предупреждение преступления по обороту, употребления среди несовершеннолетних детей наркотических средств и психотропных вещест".

20 апрель - Җирле үзидарә көне. Шул уңайдан бүген авыл советы председателе Алмаз Габделхакович, оешма җитәкчеләре һәм 8-11 сыйныф укучылары белән берлектә мәгълүмати дәрес үткәрелде. Чара башында Алмаз Габделхакович укучыларны авылдагы үсеш, төзелешләр белән таныштырды, слайдлар күрсәтелде, чараның икенче өлешендә укучылар өчен уен-викторина үткәрелде. Укучылар ике төркемгә бүленеп, сорауларга җаваплар җаптылар. Чара ахырында "Нәрсә ул җирле үзидарә?" дигән сорауга җавап табылды.

20 апрель - Донорлар көне. Шул уңайдан бүген  авылыбызның шәфкать туташы Рүзилә Мөхәммәтова мәгълүмати дәрес үткәрде. Дәрестә ул укучыларга донорлыкның кеше гомерен саклап калудагы әһәмияте, кан группалары, кан бирүнең кирәкле һәм файдалы булуы турында әңгәмә алып барды.

"Язгы игелеклелек атналыгы" дәвам итә. Бүген мәктәбебез укучылары белән берлектә әти-әниләргә, абый-апаларга uslugi.tatarstan.ru куллану тәртибе буенча буклетлар өләшенде. Барлыгы 7 укучы, 13 өлкән кеше катнашты. Бу чара катнашучылар өчен бик файдалы булды, алар күп кенә яңалыклар белән таныштылар.

"Язгы игелеклелек атналыгы" акциясе кысаларында бүген башлангыч сыйныф укучылары белән берлектә мәктәбебезнең "Туган якны өйрәнү музее"на сәяхәт кылдык. Укучылар төрле борынгы җиһазлар, бизәнү, киенү әйреләре, акчалар, төрле дини язулар белән таныштылар. Аларны куллану тәртибен өйрәнделәр.

Кече Шыңар авылында яшәүче тыл ветераны Гомәрова Мәсхүдә апага 90 яшь тулды. Мәдәният йорты хезмәткәрләре белән берлектә мәктәбебез укучылары да ветераныбызны юбилее белән котлап кайттылар.Аңа кызыклы шигырьләр, матур җырлар бүләк иттеләр. Мәсхүдә апаны юбилее белән тагын бер кат котлыйбыз. Аңа алдагы көннәрендә саулык-сәламәтлек, тынычлык, сөенечле көннәр телибез.