Жар-птица в сказке лишь бывает,
А где живет она, кто знает?
Мечтают все ее поймать -
Свои желания исполнять!

Воспитатель Саматова Л.И.

Песнәк (Д. Гарифуллин)

Песнәк шакый тәрәзәдән,

Әйтер сүзе бар сыман.

Тышка чыксам, минем белән

Бергәләп уйнар сыман.

Үзе тәрәзә төбенә

Тамга салып бетергән.

Әти әйтә: “Ул кошлардан

Сиңа рәхмәт китергән”.

Кошлар синең җимнәр салып

Торганыңны белгәннәр.

– Илнур әйбәт малай икән,

Бик зур үссен! – дигәннәр.

Тәрбияче Саматова Л.И.

Тәрәз каршына килгән бер чыпчык,

Мине чакыра: "Чык әле, чык!"

Алдый ул беләм гел шулай итә.

Йөгереп чыксам , оча да китә.

Әвәләү шөгыле.Зурлар төркеме.(Тәрбияче Фасхиева Г.Т.)

Кошлар турында белемнәрен баету; тышкы билгеләренә карап сыерчык,карга һ.б. кошларны танырга, исемнәрен әйтергә өйрәтү, кешеләрнең алар турында ничек кайгыртуын күзаллый белүне формалаштыру; балаларның күзәтүчәнлекләрен, кызыксынучанлыкларын, чагыштыра белү күнекмәләрен үстерү; балаларның тасвирлый белү сәләтен үстерү; балаларда кошларга карата сак караш, мәрхәмәтлелек, кайгыртучанлык сыйфатлары тәрбияләү максатынан 2-6 апрель көннәрендә "Кошлар кайта җылы яклардан" атналыгы барды. "Хуш киләсез, кошкайлар!"  исеме астында  йомгаклау чарасы үткәрелде. Балалар табышмаклар ярдәмендә күчмә, кышлаучы кошларны аердылар, тавышларыннан аердылар. Кошларның табигатькә нинди файда китерүен аңлаттылар.

Менә ничек уңган без!

Иртәнге аш ашагач,

Эшчәнлекләр дә үткәч

Уеннарның төрлесен,

Уйнап инде арыгач.

Сәгать ун да сок эчкәч,

Чыгып киттек урамга.

Ә урамда тамаша,

Рамил абый бер үзе,

Кар тарата ләбаса.

“Кечкенә без”,димәдек,

Көрәкләрне алдык та,

Уңга-сулга,аска-өскә,

Кайсыбыз ничек булдыра

Кар таратабыз менә.

Бар эшкә дә өлгер без,

“Җитсен генә эш”,-дибез. (Тәрбияче:Сабирова Р.Р).

Сыерчык сайрый,

Ул шулай оя сайлый.

Кайсыбызның оясы яхшы,

Ул шуны сайлый.

 Балаларны яз, “күчмә кошлар”, сыерчык белән таныштыруны дәвам итү; балаларның сөйләм телен үстерү, сүзлек запасын баету, игътибарларын, хәтерләрен ныгыту; геометрик фигураларны, төсләрне ныгыту;кошларга карата сак караш, алар турында кайгыртучанлык, язын аларга оялар ясау теләге тәрбияләү максатыннан бүген без ,икенче кечкенәләр төркеме балалары белән,кисеп-ябыштыру эшчәнлегендә ,кунакка килгән сыерчыкның дусларына матур-матур ояларны ,геометрик фигуралардан ябыштырып ясадык. (Тәрбияче:Сабирова Р.Р.)

Язын күлләрдә

Искиткеч балкыш.

Җылы яклардан

Кайткан каракош.

Ул сайрамый да,

Тик йөзә бирә.

Шулчак күңелгә

Нәфислек керә.

Көчле булса да,

Мохтаҗ яклауга.

Их, кошларны

Ничек сакларга?

Зурлар төркеме.Рәсем шөгыле.(Тәрбияче Фасхиева Г.Т.)

Киң итеп җәеп колач ,

Килде яз, килде яз.

Елмаеп тора кояш ,

Көн аяз, көн аяз.

Кыш буе яткан карлар

Эределәр, эределәр.

Сыерчыклар, тургайлар

Килделәр, килделәр.

Икенче кечкенәләр төркеме балалары белән“күчмә кошлар”белән таныштыруны,уен формасында алып бардык.Балалар кошларның тышкы кыяфәтләренә,аерым билгеләренә карап танырга,дөрес атарга өйрәнделәр. (Тәрбияче:Сабирова Р.Р).