Без биибез тыпыр-тыпыр,

Без биибез тып та тып.

Бер башласак, бик тиз генә

Булмый безне туктатып.

Кышның салкын бураннары үтте

Менә кабат җиргә язлар килде.

Таллар бөре ача, кояш көлә,

Күчмә кошлар җиргә тавыш бирә.

Җылы яктан очып кайттылар

Көзен киткән кошлар, кошкайлар.

Җырлый, җырлый оя сайлыйлар

Безнең якын дускайлар.

Зурлар төркеме.Танып - белү шөгыле.(Тәрбияче Фасхиева Г.Т.)

1 апрель - Көлке көне уңаеннан бүген бакчабызда бәйрәм үткәрелде. Кунакка Слезинка  белән Смешинка  килде. Кызыклы уеннар, ярышлар, җыр, бию белән үрелеп барган бәйрәм балаларның күңелләренә хуш килде.

Бүген балалар иҗат үзәгенә район күләм балалар бакчалары арасында чит телләр фестивале үткәрелде. Безнең "Шатлык" балалар бакчасы балалары җыр номинациясендә уңышлы чыгыш ясап икенче урынны яуладылар. Инглиз телен өйрәтүче Аубакирова Г.А., музыка җитәкчеләре Аухадиева Н.А., Валиева Д.И., зурлар, мәктәпкә эзерлек төркеме кызларына зур рәхмәтебезне җиткерәбез, киләчәктә уңышлар теләп калабыз.

Балаларны юл йөрү кагыйдәләре белән таныштыру.Урамның тротуар белән машиналар йөри торган өлешен аерырга өйрәтү,җәяүлеләр чыга торган урынны “зебра” белән таныштыру. Светофорның яшел, кызыл, сары сигналлары турында аңлату.Урамда үз-үзеңне дөрес тоту кагыйдәләрен кабатлау, ныгыту ,алган белемнәрен хәтерләрендә калдыру максатыннан ,без икенче кечкенәләр төркеме балалары белән,бакчабызның “ПДД” бүлмәсендә булдык.Балалар,юл йөрү кагыйдәләре,билгеләре,транспорт төрләре турындагы сорауларга ,бик кызыксынып җаваплар бирделәр.Зәвыклы рәсемнәр аша белемнәрен ныгыттылар.(Тәрбияче: Сабирова Р.Р).

Борын-борын заманнан,

Болгар белән Казаннан,

Җаек белән Иделдән

Бу бәйрәм безгә килгән,

Нәүрүз мөбарәк булсын!

Бүген бакчабызда язны каршы алу бәйрәме Нәүрүз үкәрелде. Беренче, икенче кечкенәләр, уртанчы, зурлар, мәктәпкә әзерлек төркеме балалары Кышны озатып Язны каршыладылар. Бәйрәм күңелле җырлар, матур биюләр, уеннар, ярышлар белән үрелеп барды. Кыш Бабай белән Нәүрүзбикә көч сынаштылар. Нәүрүзбикә Кыш бабайга сынатмады һәм табигатьтә яз хакимлек итәргә тиешлеген исбатлады. Пешекче апаларыбыз кара бодай, дөге ярмаларыннан карга боткасы пешерделәр.  Балалар да, хезмәткәрләр дә карга боткасын авыз иттеләр.

Көннәребез аяз булсын!

Илләр тыныч булсын!

Яңгырлар явып, игеннәр уңсын!

Балалар акыллы, тәүфыйклы булып үссен!  - дигән теләкләр җиткерелде.

Балалар бакчасында макулатура җыю буенча эш ел әйләнә оештырыла.  Бу көннәрдә барлык әти- әниләр , балалар тырышлыгы белән бу өмә киң масштабта узды. Шушындый чаралар ярдәмендә балаларда әйберләрне исраф итмичә, сак караш тәрбияләү күздә тотыла. Бакчада, төркемнәрдә үткәрелгән эшчәнлекләрдә, тотылганнан калган материалларны : кәгазь,пластик  әйберләрне теләсә кая ташламыйча,  аерым капчыкка җыеп барырга кирәклеге аңлатыла. Өйгә кайткач та шул күнекмәләрдән файдалануның яхшы гадәт икәнлеге ассызыклап үтелә.(Тәрбияче Гилемханова Ә. Ә.)

Хуш киләсең, Нәүрүз!

Язлар, җәйләр имин килсен,

Күк йөзе аяз булсын.

Барчабызга сәламәтлек,

Бәхетләр алып килсен!