Бүген лагерьда "Җәй кызы" конкурсы, Кала тауга экскурсия , хәрәкәтле уеннар һәм баскетбол ярышы булды.

Бүген дә лагерьларда кызыклы чаралар үткәреләчәк. Ял һәм сәламәтләндерү лагеренда "Син табигатьне беләсеңме?"  дип аталган кызыклы тукталышлар буйлап сәяхәт, "Күңелле стартлар", ял һәм хезмәт лагеренда Кызыл-Мишә авылындагы фермага экскурсия планлаштырылган.

Бүгенге көн дә чараларга бай булды. "Наши любимые английские песни" дип исемләнгән чарада балалар инглизчә җырлар башкардылар, уеннар уйнадылар. Соңрак фельдшер тарафыннан  "Чисталык- сәламәтлек нигезе" дигән әңгәмә үткәрелде. Хезмәт лагерендагы балалар бакчада эшләгәннән соң футбол уйнадылар.

Бүген "Песиләр дөньясында" дип аталган викторина үтте, "Изгеләр чишмәсе"нә экскурсия оештырылды. Обедтан соң футбол буенча лагерь беренчелеге үтте. Ял һәм хезмәт лагеренда бадминтон буенча ярыш, компьютер классында презентацияләр конкурсы, спорт уеннары үткәрелде.

Бүген мәктәп яны ял һәм сәламәтләндерү лагеренда укучылар "Саннар һәм мәсьәләләр дөньясында" дип аталган математик чарада көч сынаштылар, "Нарат" боз сараенда булдылар. Хезмәт лагеренда эшләүче балалар  өчен "Суда йөзү кагыйдәләре" аңлатылды, табигатькә экскурсия оештырылды. 

Бүген лагерьның икенче көне. Укучылар "Тапкырлар һәм зирәкләр" бәйгесендә , "Табигатьне  саклыйк" дигән плакатлар конкурсында катнаштылар. Саф һавада кызыклы уеннар уйнадылар.

Бүген мәктәпләрдә лагерьлар эшчәнлеге башланды. Безнең мәктәптә ике лагерь эшләячәк. "1 июнь- балаларны яклау көне" уңаеннан плакатлар ясау конкурсы, кызыклы ярышлар, уеннар үткәрелде.

Башлангыч сыйныф укучылары укулар тәмамланганнан соң экскурсияләргә чыга башладылар.

25 май көнне безнең мәктәпнең 7 укучысы өчен соңгы кыңгырау яңгырады. Бу матур да, моңсу да бәйрәмгә чыгарылыш сыйныф укучыларының әти- әниләре, район башкарма комитетының мәдәният бүлеге җитәкчесе Хафизов М.Г., мәгариф бүлегеннән методист Давлетшина Г.Ф., авыл җирлеге башлыгы Вафина Н.С. да килгән иде. 

16 май көнне Балалар иҗат үзәге оештырган слетта 6 сыйныф укучылары катнашты. Беренче өлештә җырлар буенча конкурс булса, икенче өлештә Сабантуй уеннары үткәрелде.