Мәктәбебездә 4 нче дәрес вакытында барлык сыйныфларда да "Универсиада дәресе" булып узды. 1-4 сыйныфлар арасында эстафета уеннары үткәрелде. 5-11 сыйныфларда махсус сайттан "Универсиада дәресе" буенча  видео күрсәтелде.

8 май көнне мәктәпләрдә  "Җиңү көне" билгеләп үтелде. Укучыларыбыз обелиск янына төште, 6 нчы сыйныф укучыларының чыгышы куелды. Чыгышны әзерләүче- сыйныф җитәкчеләре Миңсылу Фәнәвиевна.

Бүген мәктәбебездә тормыш иминлеге буенча ачык дәрес үткәрелде. Альберт Гыйльмуллович укучыларга янгын, табигый бәла-казалар вакытында үз-үзеңне тоту кагыйдәләре турында сөйләде. Янгын сүндерү, палатка җыю, ОЗК, противогаз кию буенча практик күнекмәләр үткәрде, гомуми эвакуация оештырылды.

Укучыларның куркынычсызлыгын тәэмин итү буенча чаралар даими үткәрелә.Экстремаль ситуацияләрдә үз- үзеңне тоту кагыйдәләре, өйгә кадәр куркынычсыз маршрут сайлау юллары аңлатылды.

Бүген мәктәптә Г.Тукайның туган көненә карата шигырь бәйрәме үткәрелде. Аны Зәмфирә Фәнәвиевна җитәкчелегендә 9 сыйныф укучылары әзерләде.Барлык сыйныфтан да укучылар катнашты.Алар шагыйрьнең һәм үзләре иҗат иткән шигырьләр сөйләделәр, җырлар башкардылар. Иң оста сөйләүчеләр район шигырь бәйрәменә барачак.

Мәктәптә Г.Тукайның китаплары күргәзмәсе оештырылды.

Бүген мәктәбебездә технология атналыгы кысаларында ярминкә узды . Укучылар укытучыларны, укучыларны тәмле ризыклар белән сыйладылар. 

Бүген тарих һәм җәмгыять укытучысы Айдар Ханифуллович 6 нчы сыйныфта "Парламент дәресе" үткәрде. Дәрес Россия Федерациясенең һәм Татарстан Республикасының символларына багышланды.

Мәктәбебездә ел саен "Кошлар көне" билгеләп үтелә. Быел 8 сыйныф укучылары Гөлфинә Ренатовна җитәкчелегендә башлангыч һәм урта сыйныф укучылары өчен ачык чара күрсәттеләр. Укучылар кошлар турында күп мәгълүмат алдылар, викторинада катнаштылар.

Бүген мәктәптә "Бөтендөнья Сәламәтлек көне" уңаеннан төрле чаралар булып узды. Көн иртәнге зарядкадан башланды. Тәнәфесләрдә "Кубок кемнеке?" дигән ярыш кысаларында укучылар турникта тартылу, гәүдә күтәрү, урыннан сикерү буенча көч сынаштылар. Егетләрдән кубокка 8 сыйныф укучысы  Латыйпов Рәзил, кызлардан 6 сыйныф укучысы Фатыйхова Нәзилә ия булды. "Оста мәргән"  ярышында кольцога туп керттеләр, башлангыч сыйныфлар арасында эстафета уеннары үтте. Волейбол түгәрәгендә укучылар һәм яшьләр ярышты. 8-12 апрельдә сыйныфларда "Сәламәтлек дәресләре" уза.