Татарстан Республикасында “Гражданнар сәламәтлеген әйләнә-тирә тәмәке төтене тәэсиреннән һәм тәмәке тарту нәтиҗәләреннән саклау турында”гы 2013 елның 23 февралендә кабул ителгән  15-нче федераль закон үтәлеше буенча 25 майдан республика айлыгы старт алды.

24-25 нче май көннәрендә Юлбат урта мәктәбе укучылары районыбызда үткәрелгән ГТО фестивалендә катнаштылар. Алар ГТО комплексына кергән сынау төрләре буенча үзләренең көчләрен сынадылар. Аларга киләчәктә дә уңышлар телибез!

26 июнь - Халыкара наркотикларны куллану һәм тарату белән көрәшү көне. Шул уңайдан 2015 нче елның 25 май көненнән Республикада "Наркотикларсыз тормыш"  айлыгы башланды. Мәктәбебез айлык кысаларында эшчәнлеген башлап җибәрде.

23 май көнне бер төркем укучыларыбыз район үзәгендә Спартакиадада катнашып кайттылар. Туп ату буенча 6 сыйныф укучысы Сайфуллина Л. 1 нче урын, 8 сыйныф укучысы Фәтхриева А. 2 нче урынны яуладылар. 6 нчы сыйныф укучысы Нигъматов Аяз 400 м йөгерү буенча 2 нче урынга лаек булды. Спортчыларыбызны уңышлары белән котлыйбыз!

Бөек Җиңүнең 70 еллыгы уңаеннан “Җиңү Байрагына тигезләнергә!” дигән девиз астында үткән тарих атналыгында актив катнашкан укучылар мәктәп дирекциясенең  мактау грамотасы белән бүләкләнделәр.

Бүген мәктәбебезнең 11, 9 нчы сыйныф укучыларының Соңгы кыңгырау бәйрәме, 9 кыз һәм 8 малай укуларын тәмамлап , дәүләт имтиханнарын бирү алдында тора. Башкарма комитеты җитәкчесе урынбасары Закирҗанов Р.Р., мәгариф бүлеге хезмәткәре Галимҗанова Л.Р., авыл советы рәисе Шәмсиев Т.Р. һәм мәктәп директоры Нигъмәтҗанов Ф.Т.лар укучыларга, бәйрәм кунакларына үзләренең теләкләрен җиткерделәр.

Укучыларыбызга имтиханнарын уңышлы тапшырып, тормышта чын кешеләр булуларын теләп калабыз!

22 май көнне Казан шәһәрендә үтәчәк робототехника күргәзмәсенә мәктәбебездән, өстәмә белем бирү педагогы Дәүләтшин Н.И. җитәкчелегендә, 6 сыйныф укучысы Нигъмәтов Аяз бара.

Мәктәбебезнең сәламәтлекләре буенча төп физкультура  группасына  караучы 11-15 яшьлек  укучылары  ГТОның официаль  порталында  регистрация  үттеләр. Хәзер 24-25 нче май көннәрендә  районыбызда  узарга тиешле  ГТО фестиваленә катнашырга әзерләнәбез

15   май көнне   мәктәбебезнең 3 сыйныф укучысы Рәхимуллина  Алинә “Фәндә беренче адымнар”  дип аталган  эзләнү-проект эшләре  бәйгесендә катнашып кайтты  һәм  Рәхмәт хатына ия булды. 

14-15 май көнне Балалар иҗат Үзәге каршындагы мәйданда Дәүләтшин Нияз Илгизович җитәкчелегендә шөгыльләнүче балалар әлеге исем астында үткән күргәзмәдә катнаштылар. Хезмәттәшебезгә һәм техниканы үз итүче укучыларыбызга республикакүләм ярышта да уңышлар телибез.