14 нче март көнне, Арташ төп мәктәбе базасында, Фәләхов Рифат Мәүлит улы истәлегенә 2000 нче һәм аннан да яшьрәк үсмер егетләр катнашында татар-башкорт көрәше буенча район турниры  узды.Бу бәйгедә мәктәбебездән 8 сыйныф укучысы Рахимов Илзат - I , ә 7 сыйныф укучысы Хафизов Хәйдәр II урынга ия булып кайттылар.Без аларны уңышлары белән ихлас котлыйбыз.

Казан федераль университетында  Регионара фән олимпиадаларының очный турлары тәмамланды. Юлбат урта мәктәбенең 11 нче сыйныф укучысы Шакирҗанова Ләйлә татар теленнән үткәрелгән олимпиадада катнашып, узган ел җиңү яулаган иде. Быел да Ләйлә 2 нче призлы урынга лаек булды. Ләйләне зур җиңүе белән котлыйбыз!

VI сыйныф укучысы Мансуров Райнурны Мәшһүр татар шагыйре Хәсән Туфанның 115-еллыгына багышланган X Республикакүләм “Дулкыннар” конкурсында җиңүче булуы, “Вокал” номинациясенең кече төркемендә II урынга лаек булуы белән чын күңелдән котлыйбыз!

Райнурның әти-әнисенә, җитәкчесе Ф.Г.Аубакировка олы рәхмәтебезне белдерәбез!

Мәктәбебезнең  10 нчы сыйныф укучысы Гүзәл Кәримова  27 февральдән 10 мартка кадәр Татарстан республика командасы составында, Кострома шәһәрендә үткәрелгән   Россиякүләм рус шашкасы ярышларында уңышлы гына катнашып кайтты.

         Гүзәлгә алга таба да укуында, ярышларда уңышлар телибез.

Мәктәбебезнең “Кәҗәмөгез “ КВН командасы “Школьная лига КВН -2015”ярышында ярым финалга чыгып, уңышлы чыгыш ясады. Мәктәбебез укучыларына алга таба да уңышлар телибез.

7 март көнне Бөек Җиңүнең 70 еллыгына багышлап “Чыңлагыз, медальләр” дип исемләнгән сугыш һәм тыл ветераннарын хөрмәтләү тантанасы узды. Анда мөмкинлекләре булган 10 ветеран килгән иде. Аларны “Саба таңнары” баш мөхәрире Исмәгыйлев Р.Г., социаль яклау бүлеге җитәкчесе Хуҗин М.М, Юлбат җирлеге башлыгы Шәмсиев Т.Р., Юлбат урта мәктәбе директоры Нигъмәтҗанов Ф.Т. котлады. Тантаналы төстә ветераннарның күкрәкләренә медальләр тактылар. Бәйрәмдә укучылар да катнашты. Алар үзләренең котлауларын шигъри юлларга,  җырларга төреп тапшырдылар. Килә алмаган ветераннар өйләрендә тәбрикләнде.

Хөрмәтле хатын –кызлар!Сезне  чын күңелдән 8нче Март-Халыкара хатын –кызлар бәйрәме белән котлыйбыз.Сезгә саулык –сәламәтлек ,бәхет, иминлек телибез.

Безнең мәктәп укучылары, бигрәк тә башлангыч сыйныфлар, кышның соңгы матур кояшлы көннәрен бик күңелле һәм файдалы итеп үткәрергә омтылалар. Тиздән бу ак карларны,саф һаваны, чаңгы юлларын сагынып искә алырга гына калачак. 

Бүген 28 нче февраль көнне Лесхоз мәктәбе базасында мәктәп укучылары арасында район күләм чаңгы ярышлары булып узды. Бу ярышта безнең мәктәп укучылары да уңышлы гына катнашып кайтты.

<span lang="TT" times="" new="" roman',="" serif;"="">Юлбат урта мәктәбенең химия укытучысы Хаҗиева Әлфирә Рифкат кызы "Ел укытучысы -2015" конкурсында катнашып, зона турына узды. Хезмәттәшебезгә алдагы конкурсларда да уңышлар телибез.