20 майдан 26 июньгә кадәр республикада "Наркотикларсыз тормыш" айлыгы бара. Көн кадагында торган әлеге проблема өстендә мәктәпләрдә эш айлык вакытында гына түгел, ә уку елы дәвамында алып барыла.    Шушы айлык кысаларында бүген Юлбат мәдәният йортында ата-аналар белән очрашу оештырылды. Очрашу эшлекле рәвештә алып барылды, ата-аналарга файдалы киңәшләр бирелде. 

БАЛАЛАРЫБЫЗНЫ НАРКОТИКЛАРДАН САКЛЫЙК, АНЫҢ КОЛЫ БУЛУЛАРЫНА ЮЛ КУЙМЫЙК!

Хөрмәтле укучылар, коллегалар, әти-әниләр!

Сезне ихлас күңелебездән“Соңгы кыңгырау” бәйрәме белән котлыйбыз!

Бүгенге бәйрәм уңаеннан сезгә сәламәтлек, куаныч-шатлыклар, иминлек, катлаулы һәм мөһим эшегездә зур уңышлар телибез. Киләчәк көннәр дә матур нәтиҗәләр алып килсен, якыннарыгызның кадер-хөрмәтен, игелеген тоеп бәхетле яшәгез. Күңелегез һәрвакыт көр, хезмәт көннәрегез имин булсын.

Юлбат урта мәктәбендә 20-21 май көннәрендә "Наркотикларсыз тормыш" республика акциясе кысаларында чаралар оештырылды. Класс сәгатьләрендә укучыларга наркотикларның кеше организмына зыяны турында әңгәмәләр үткәрелде, видеоматериаллар каралды.

Бүген район күләмендә кече группа укучылары арасында футбол ярышы үткәрелде. Ярышта безнең мәктәп укучылары да көч сынаштылар. Алга таба аларга спортта яхшы нәтиҗәләргә ирешүләрен теләп калабыз.

21 май көнне 11 сыйныф укучылары  татар теленнән мәҗбүри арадаш аттестация эше эшләделәр. Чыгарылыш сыйныф укучыларына сынауларны уңышлы тапшыруларын теләп калабыз.

9 сыйныф укучысы Гүзәл Кәримова шашка буенча район Чемпионатында хатын-кызлар арасында I урынга лаек булды. Аны чын күңелдән уңышлары белән котлыйбыз!

Мәктәбебезнең 9нчы сыйныф укучысы Кәримова Гүзәл Казан (Идел буе) федераль университеты үткәргән В.Гарифуллин исемендәге “Серле каләм” иҗат конкурсының “Сәламәт яшәү рәвеше” номинациясендә II дәрәҗәдәге Дипломга, акчалата премия һәм истәлекле бүләкләргә лаек булды (җитәкчесе Галимуллина Д.Г.). Гүзәлне һәм аның укытучысын чираттагы уңышлары белән котлыйбыз!

Район күләмендә үткәрелгән “Первые шаги в  науку” проект-эзләнү эшендә мәктәбебездән  3 нче сыйныф укучысы Хаҗиев Руслан (җитәкчесе Райханә Ханафиновна) катнашып, 1 нче урынга лаек булды. Без аны зур җиңүе белән котлыйбыз! Алга таба да яңа үрләр яулавын телибез!

Ел да 15 майда -. Табигатьнең иң гүзәл, алмагачлар чәчәккә төренгән вакытында Халыкара гаилә көнен билгеләп үтәбез  . Үз йортында бәхетле булган гына бәхетле . Кеше яшәешенең асылын шушы гап-гади сүзләр ача да сала Гаилә бәйрәме дә бәхетле булуның һәм үзара аңлашып яшәүнең кыйммәтен тагын бер мәртәбә искәртү өчен тәгаенләнә. Мәктәптә дә бу көнне билгеләп үттеләр, сыйныфларда сөйләшүләр, түгәрәкләрдә чаралар оештырылды.

    Хөрмәтле Фирдания Габделхаковна!

   Сезне ихластан олы бәйрәмегез- 50 яшьлек юбилеегыз белән котлыйбыз.

  Сезгә озын гомер, нык сәламәтлек, гаилә иминлеге телибез.

Сабыр да син, гади, кешелекле,

Кылган  эшең — бары изгелек.

Шатлыкларда үтсен синең көннәр

Бәхетләрең булсын гомерлек.

Юлларыңда киртә очраса да,

Тирән упкыннарга юлыкма.

Һәрчак сиңа ярдәм итәрлек

Хезмәттәшләр барын онытма.