14 март көнне район күләмендә үткәрелгән «Мин мастер» конкурсында мәктәбебезнең 6 нчы сыйныф укучысы Хәмидуллина Ландыш үз осталыгын күрсәтте. Бәйгедә барлык кызлар да билгеләнгән размер буенча сумка тектеләр. Ландышның остазы Гөлшат Равил кызы.

Бүген мәктәбебезнең 8-9 сыйныф укучылары Актаныш технология техникумына экскурсиягә бардылар. Биредә алар ресурс үзәгенең эшчәнлеге белән таныштылар.

14 нче март көнне, Богады мәктәбе базасында, башлангыч сыйныф укучылары арасында эзләнүле проект эшен яклау зона бәйгесе уздырылды. Мәктәбебез данын якларга 3 сыйныф укучысы Мирзасалихов Гомәр барды һәм 1 нче урынны яулады. Эзләнүле проект эшенең темасы - "Экологик иминлек". Гомәрне һәм укытучысы Эльвира Мияссәр кызын җиңүләре белән котлыйбыз!

Хәерле сәгатьтә кадерле ата-аналар, укучылар, укытучылар һәм безнең мәктәп яңалыклары белән танышып баручылар! Инстаграм социаль челтәрен куллану илебездә тыелу сәбәпле, без телеграммда мәктәбебезнең каналын булдырдык. Рәхим итеп кулланыгыз, каналыбызга язылырга онытмагыз: https://t.me/school_novoe_alimovo.

Байсар җирлегендә Байсар, Богады һәм Яңа Əлем мәктәпләренең хоккей буенча җыелма командалары арасында «Дусларча очрашу» ярышы уздырылды. Яхшы итеп ярышны оештырганнары өчен, Байсар мәктәп җитәкчелегенә һәм коллективына рәхмәт җиткерәбез!

Телефон довеерия (линия жизни, кризисная линия, горячая линия, линия помощи) — дистанционная служба экстренной психологической помощи, предназначенная для оказания моральной, эмоциональной или духовной поддержки широким слоям населения. На территории России этот термин применяется как к службе экстренной психологической помощи, так и к телефонным службам государственных организаций, которые собирают или предоставляют населению различную информацию. Сотрудниками службы телефонов доверия являются психологи, педагоги или специально обученные люди.

Авылдашыбыз, Татарстан Республикасының атказанган мәдәният хезмәткәре, шагыйрь, заманында "Агыйдел дулкыннары" әдәби берләшмәсен җитәкләгән Хәмит ага Миңнегалиевның тормыш юлы һәм иҗаты белән, укучыларыбызны авыл китапханәчесе Римма Риф кызы Имамова таныштырды.

"Ашыгыч ярдәм, янгын куркынычсызлыгы, полиция ярдәме кирәк булса кайда шалтыратырга?", шулай ук "Балалар өчен ышаныч телефоны" темаларына сыйныф сәгатьләре уздырылды.

9 нчы март көнне Актаныш район мәдәният йортында "Төрки йөзләр" дип аталган күргәзмә оештырылды. Чарада безнең мәктәптән 8-9 сыйныф укучылары да катнашты.

Мәктәптә Халыкара хатын-кызлар көне уңаеннан, "Ягез әле, кызлар!" бәйгесе уздырылды.