«Созвездие - Йолдызлык-2022» фестивалендә төп гомуми белем бирү мәктәпләре арасында 3 урын. Укучыларыбызга, аларны җыр-биюгә һәм музыка уен коралларында уйнарга өйрәткән остазларга, әти-әниләргә, оештыру вакытында ярдәм итүче барлык кешеләргә зур рәхмәт! Балаларның ачылган сәләтләре беркайчан да югалмасын!

18 нче февраль көнне үткәрелгән районкүләм "Говорим и поём по-английски" конкурсында Яңа Әлем мәктәбенең 8 сыйныф укучысы Авсахова Әлфия "Стихотворное произведение" номинациясендә 2 нче урынны, 2 сыйныф укучылары Муллахмәтова Әминә, Әгълетдинова Лиана, Сәетгараева Лениза "Песня-группа" номинациясендә 2 нче урынны яуладылар. Җитәкчеләре инглиз теле укытучысы Гыйльманова Динара Айдар кызы. Афәрин, кызлар! Алга таба да уңышлар теләп калабыз.

Татарстан Республикасы мәгариф һәм фән министрлыгы белән берлектә "Россия мәктәпләрендә кинодәресләр" проекты тормышка ашырыла. Укучылар, проект кысаларында, "Три солнца" фильмын карадылар.

Бүген зур экран артында "Татаркино" Яр Чаллы шәһәре филиалы, укучыларга патриотик тәрбия бирү максаты белән, "Крик тишины" фильмын күрсәтте. Барлык тамашачылар да, тын да алмый бирелеп киноны карадылар, Бөек Ватан сугышы елларының күпме кайгы-хәсрәт алып килгәнен, Ленинград блокадасы вакыйгаларын күз алдыннан кичерделәр... Фильмның төп герое - ятим калган зур йөрәкле кечкенә кыз Катяның батырлыклары, класс сәгатьләрендә анализланачак.

24 февраль көнне гимназия базасында районның башлангыч сыйныф укытучыларының "Мастер-класс" һөнәри бәйгесе булып узды. Бәйгедә безнең мәктәптән башлангыч сыйныфлар укытучысы Марданова Фәния Дөфәк кызы катнашып, 3 урынга ия булды. Коллегабызны уңышы белән чын куңелдән котлыйбыз, яңа уңышларга ирешүен теләп калабыз.

6 сыйныф укучысы Исламхуҗин Айназ, районда уздырылган "XXI гасыр Кулибиннары" яшь уйлап табучылар республика олимпиадасының муниципаль этабында, үзе эшләгән кондиционерны тәкъдим итеп, проект яклап кайтты. Айназга киләчәктә дә иҗади уңышлар телибез!

Бүген мәктәптә "Туган телем - иркә гөлем!" дип исемләнгән нәфис сүз бәйгесе үтте. Укучылар Резеда Вәлиева, Наҗар Нәҗми, Муса Җәлил, Галимҗан Гыйльман, Роберт Миңнуллин шигырьләрен сәнгатьле итеп укыдылар.

Сыйныф җитәкчеләренә, укучыларның мәктәп ашханәсендә тукланулары өчен түләгәндә "Аксиома" программасын куллану аңлатылды. 1 марттан ашханәдә туклану өчен түләү әлеге программа аша башкарылачак.

Хәрби-патриотик айлык кысаларында, мәктәптә уздырылган рәсем конкурсында катнашып, 8 нче сыйныф укучысы Сеньгина Аделина грамота белән бүләкләнде.

Хәрби-патриотик айлык кысаларында, 5-9 сыйныфта укучы малайлар арасында "Ягез әле егетләр!" дип аталган ярыш уздырылды. Əлеге бәйгедә укучылар 10нан артык ярыш төрендә үзләренең көчләрен сынадылар.