29нчы октябрьдә Татарстан Республикасында "Россия укучылары хәрәкәте" (РУХ) Бөтенроссия иҗтимагый-дәүләт балалар һәм яшьәр оешмасының региональ бүлегенең пилот объектларына әверелгән мәктәпләрдә оешманың туган көнен бәйрәм итү һәм хәрәкәт сафларына тантаналы басу чарасы үтәчәк. Бу хакта киләсе чараларга багышланган пресс-конференциядә Татарстан Республикасы мәгариф һәм фән министры Лариса Сулима сөйләде.
"Безнең оешманы гамәлдәге очучы-космонавт Сергей Рязанский җитәкли. Һәм без аны Казанга - "Россия укучылары хәрәкәте"нең региональ бүлегенә чакырган беренче регион булдык. Ул мәгариф хезмәткәрләренең август киңәшмәсе вакытында килде. Һәр хәрәкәтнең үз лидеры, кумиры булырга тиеш, ә Сергей Рязанский - замана яшьләре үрнәк алырлык кеше. Татарстанда оешма Россия регионнары арасында беренчеләрдән булып ачылды, 29нчы октябрьдә безгә бер яшь тула", - диде Лариса Сулима.
"Россия укучылары хәрәкәте" яшүсмерләрне дүрт юнәлеш буенча җәлеп итүне күздә тота: шәхси үсеш (шул исәптән иҗади, һөнәрләрне, сәламәт яшәү рәвешен популярлаштыру), гражданлык активлыгы (ирекле экологлар, мәдәният белгечләре, социологлар һ.б.), мәгълүмати (яшь журналистларны укыту, РУХ турында мәгълумати материалларны булдыру һәм тарату һ.б.), һәм хәрби-патриотик юнәлеш, аны күбесенчә "Юнармия" региональ хәрби-патриотик хәрәкәт тәкъдим итә.

28 нче октябрьдә башлангыч сыйныф укучыларының ата-аналар җыелышы булды. Беренче чирек нәтиҗәләре белән таныштырылды, инструктажлар үткәрелде. 

Татарстанда, Мәскәү өлкәсендә, Чечен Республикасында 9нчы сыйныф укучылары тапшырачак рус теле имтиханының телдән бирү өлешенең ике моделенә апробация ясалды.
Татарстан Республикасында сынаулар 10 Казан мәктәбендә уздырылды: аерым предметларны тирәнтен өйрәнүле 54нче гомум белем бирү мәктәбе, аерым предметларны тирәнтен өйрәнүле 146нчы гомум белем бирү мәктәбе, татар телендә белем бирүче 155нче гимназия, 137нче гомум белем бирү мәктәбе, Казан Идел буе университеты каршындагы 2нче гимназия, 5нче лицей, аерым предметларны тирәнтен өйрәнүле 68нче татар-рус гомум белем бирү мәктәбе, 69нчы гомум белем бирү мәктәбе, аерым предметларны тирәнтен өйрәнүле 141нче татар-рус гомум белем бирү мәктәбе һәм 161нче рус-татар гомум белем бирү мәктәбе.
Беренче модель буенча имтихан санак артында махсус программалар һәс аудиогарнитура кулланып үткәрелә. Имтихан барышында укучы биремнәргә телдән җавап бирә. Бу җаваплар язылалар һәм белгечләргә тикшерү өчен җибәреләләр.
Икенче модель укучының комиссия әгъзалары белән сайланган темага сөйләшүен күздә тота. Шул ук вакытта аудиториядә имтихан тапшыручының сөйләм сыйфатына бәя бирүче бәйсез эксперт утыра.
Һәр мәктәптә дә параллель 9нчы сыйныфларда ике модельгә дә сынау уздырылды.
Апробация нәтиҗәләрен экспертлар иң кулай модельне сайлау максатыннан анализлаячак, киләчәктә аны камилләштерү һәм бөтен Россия буенча сынап карау көтелә.
 

27 нче октябрь көнне мәктәбебездә башлангыч сыйныф укучылары социаль яклау бүлекчәсе хезмәткәре Корбанова Энҗе Васыйл кызы белән очраштылар. Очрашуда Энҗе апалары үз һөнәре белән таныштырды. Балаларда хезмәт тәрбиясе, профориентация буенча күзаллау булдырды.

Көзнең соңгы көннәре үтеп барганда мәктәбебездә “Көзге балл” кичәләре дә оештырылды. 8- октябрь көнне 8-11 класслар арасында нәфис сүз, рәсем конкурсы, көз кызы, егетләр һәм кызлар командасы арасында КВН ярышлары булып узды. Ә соңыннан укучылар үзләре пешергән ипи, үзләре ясаган салатлар белән сыйланып, повар апалары пешергән кабак бәлеше белән чәй эчтеләр. Бәйрәм укучыларыбызга бик ошады

26 нчы октябрьдә башлангыч сыйныф укучыларының "Сөмбелә" бәйрәме узды. Көзне озату бәйрәмендә укучылар бик теләп катнаштылар. Иң элек "Көз" турында татар телендә һәм рус телендә шигырьләр сөйләделәр. Икенче өлешендә "Көз кызлары" үзләренең һөнәрләрен күрсәттеләр. Шулай ук көзге букетларга, рәсемнәргә конкурс оештырылды. Ахырда инде көзге уңыштан авыз иттеләр.

Профориентация юнәлешендә бу атнада күп төрле эшләр башкарылды. 27- октябрь көнне 11-классларның тәрбия сәгатендә классташлары Илзирәнең әнисе Наилә апа һәм Алсуның әти-әнисе Исмәгыйль абый белән Гөлсинә апалар катнашты. Әти-әниләр укучыларга үз һөнәрләре, гаиләләре турында сөйләде, киңәшләрен бирде. Әлеге чара укучыларга бик ошады.

28-октябрь көнне 10-11 класс укучылары Казан Аграр Университетынан килгән доцент Сабирзянов А. М. белән очрашып , “Ничек студент булырга” дигән темага беседада катнашты. Үзләрен кызыксындырган сорауларга җавап алды һәм университет турында презентация белән танышты