28 нче сентябрь көнне Мәдәният йортында Бөрбаш авылы мәчете имамы, район мөхтәсибе, Татарстанның Баш казые Җәлил хәзрәт Фазлыевның юбилей кичәсе булып узды.Җәлил хәзрәтне хөрмәтләп авыл халкы,сыйныфташлары, шәкертләре республика, район кунаклары җыелган иде.”Алтын ачкыч” китабы авторы Гөлсинә Галимуллина, авылдаш шагыйрәбез Фәридә Шакирова белән очрашу юбилей кичәсенә ямь өстәде. Тулы зал, көчле алкышлар авылыбызның олы хөрмәткә лаек кешесе Җәлил хәзрәткә олы ихтирам хисе булып яңгырады.

Бәйрәм белән хөрмәтле хезмәттәшләр!

Сезне һөнәри бәйрәмегез белән чын күңелдән тәбрик итәбез. Сезгә сәламәтлек, иҗат һәм һөнәр уңышлары телибез. Бүгенге бәйрәмегездә сезгә нинди теләкләр, сүзләр генә теләсәк тә аз шикелле тоелыр. Бүгенге көндә сезгә карата эчкерсез, ихтирамлы, рәхмәтле хисләребезне бер нинди дә бүләк алыштыра алмас рәхмәт сүзе аша җиткерәбез хөрмәтле мөгаллимнәребез. Рәхмәт сезнең сабырлыгыгыз, зирәклелелегез, рухи дөньяга китергән юлыгыз өчен. Рәхмәт, мең рәхмәт.

Төшендердең фән серләрен
Син белем бирдең безгә.
Шәфкатьлелек орлыкларын
Салдың күңелебезгә...
 

Фән олимпиадаларының мәктәп туры нәтиҗәләре сайтның "Мероприятия" - "Одарённые дети, предметные олимпиады/ сәләтле бала" - "Олимпиады" бүлегенә урнаштырылды. Узган олимпиада нәтиҗәләре белән әлеге бүлектә таныша аласыз.

28 нче сентябрь көнне мәктәбебездә әхлак дәресләрен укыту буенча укытучыларның район семинары булып узды.5 нче классларда әхлак укытучысы Мифтахова Гөлнур Ильяс кызы тарафыннан “Яхшылык –үзе дога”дип исемләнгән ачык дәрес күрсәтелде.Әлеге чарада республика, район кунаклары катнашып тәҗрибә туплап, фикер алышып киттеләр.

1 нче октябрь көнне 7,9,10 нчы сыйныф укучылары Сабантуй җирендә агачлар утырттылар.Укучыларыбызның бу изге эшләре өчен рәхмәтебезне белдерәбез

Иртәнге линейкада дежур торган 8нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 11 нчы сыйныф танылды.”Иң чиста класс”-5 нче сыйныф, “Иң тәртипле укучылар ” - 10 нчы сыйныф билгеләнде, “Спорт сөюче класс”-11 нче сыйныф булды.

29 нче сентябрь көнне Балтач спорткомплексында укытучылар спартакиадасы булып узды. Безнең мәктәп укытучылары бу ярышта алдынгы урыннарны алдылар. Эстафетада Корбангалиева Миляуша,Базагутинова Динә, Зарипов Алмаз, Миннемуллин Айгиз – I урын, бадминтон ярышында Акбиров Рим- I урын,ераклыкка сикерү буенча Яббарова Альфира- I урын, мылтыктан ату буенча Миннемуллин Айгиз- II урыннарны алдылар. Барлык катнашкан укытучыларыбызны зур уңышлары белән котлыйбыз.

Иртәнге линейкада дежур торган 9 нчы сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 10 нчы сыйныф танылды.”Иң чиста класс”-6 нчы сыйныф, “Иң тәртипле укучылар ” - 11 нчы сыйныф билгеләнде, “Спорт сөюче класс”-11 нче сыйныф , “Иң шәфкатьле класс”-8 нче сыйныф булды.

24 нче сентябрь көнне укытучылар һәм укучылар “Миләттләр кроссы-2016” ярышында катнашып ел буена җитәрлек энергия һәм яхшы кәеф туплап кайттылар

29 нчы сентябрь көнне 5 нче сыйныф укучылары “Ромашка” ясле-бакчасында эшләүче тәрбиячеләрне һәм барлык хезмәткәрләрне бәйрәмнәре белән котлап кайттылар