Иртәнге линейкада дежур торган 7 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” - 11 нче сыйныф танылды.”Иң чиста класс”-8 нче сыйныф, “Иң тәртипле укучылар ” - 10 нчы сыйныф билгеләнде, “Спорт сөюче класс”-7 нче сыйныф , “Иң шәфкатьле класс”-9 нчы сыйныф билгеләнде.

Символлар өчен тавыш бирү Твоя-россия.рф сайтында 12дә тәмамланган иде инде. Аның нәтиҗәләре буенча Севастополь 428 018 тавыш белән беренче, ә 421 748 тавыш җыя алган Казан икенче урынга урнашкан иде.
Ләкин алдан ук әйтелгән шарт нигезендә төп җиңүчеләр онлайн тавыш бирү нәтиҗәләре буенча гына ачыкланмады. Кичен "Россия 1" телеканалында Үзәк банк тарафыннан оештырылган конкурсның җиңүче шәһәре туры эфирда игълан ителде. 19:00-20:00 сәгатьтә "Народная банкнота" махсус проекты дәвамында символлар өчен смс-тавыш бирү оештырылды.
Шулай итеп, төп ике җиңүче билгеле. Алар – Ерак Көнчыгыш һәм Севастополь. Кызганыч, Казан өченче урында.

11 нче сентябрь көнне дәрестән соң барлык укучыларыбыз мәктәп территориясен җыештырырга чыктылар.Укучыларыбыз һәм укытучылар тырышлыгы белән бөтен җирдә тәртип урнашты. Хезмәтләре һәм тырышлыклыры өчен һәр кемгә рәхмәтебезне белдерәбез.

Мәктәбебездә "Өлкәннәрне хөрмәтләү" айлыгы белән беррәттән "Хәтер" юнәлешендә дә эш тукталмый:  укучыларыбыз әби-бабайларга котлау открыткалары өләшә, ялгыз өлкәннәргә барып хәлләрен белеп, эшләрендә булыша, ә 11 -класс егетләре һәйкәл тирәсен тәртипкә китерә, коелган яфраклардан чистарта. Менә шулай  "Олыласаң олыны-олыларлар үзеңне " - девизы  белән эш оештырыла бездә.

13 нче октябрь көнне 5 нче сыйныфларда “Шәфкатьлелек бизи кешене” дип исемләнгән тәрбия сәгате булып узды. Укучылар кешедә булырга тиешле сыйфатлар белән таныштылар.Изгелекле эшләре турында фикер алыштылар.

Район күләмендә оештырылган ярышларда ераклыкка сикерү остасы,  хезмәттәшебез Яббарова Альфира Мансуровна район мактау грамотасына лаек булды. Аны зур җиңүе белән котлыйбыз, республика ярышларыннан да җиңү белән кайтуын теләп калабыз.

14 нче октябрь көнне беренче сыйныф укучыларының юл йөрү кагыйдәләренә багышланган “Кызыл, сары, яшел” дип исемләнгән музыкаль бәйрәмнәре булып узды. Бу бәйрәмдә ЮХИДИ хезмәткәре Садыйков Айрат Рафаэл улы һәм Лилия апалары укучыларыбызга киңәшләрен биреп, истәлекле бүләкләрен тапшырып киттеләр.

Укытучылар көне уңаеннан мәктәбебездә “Укытучымны котлыйм” акциясе уздырылды. Укучылар яраткан укытучыларын хөрмәтләп котлау открыткалары, чәчәк бәйләмнәре бүләк иттеләр. Шул уңайдан 5, 11 нче сыйныфлар бәйрәм концерты белән котладылар.

13 нче октябрь көнне башлангыч сыйныфларда әби-бабайларны хөрмәтләү тантанасы булып узды. Укучылар кадерлеләренә бәйрәм концерты, нәни куллары белән ясалган бүләкләрен бирделәр. Бәйрәм һәркемдә җылы хатирәләр калдырды. Бәйрәмнең икенче өлешендә әби-бабайлар оныклары белән тәмле чәйләр эчеп, ял иттеләр.

6,7,8 нче сыйныф укучылары ветеран укытучы Мәймүнә апа Габдулловна белән очрашты. Мәймүнә апа 35 ел Бөрбаш урта мәктәбендә физика фәнен укыта. Лаеклы ялга чыккач, әхлак дәресләрен алып бара. Очрашуда ул укучыларны үзенең хезмәт юлы белән таныштырды һәм аларның сорауларына җавап бирде ,балаларга үз теләкләрен җиткерде.