Әле беренче сыйныфта гына укыса да, Абдрахманов Әмир бик күп конкурсларда, ярышларда катнашырга өлгерә. 20 нче апрель көнне Балтач мәдәният йортында “Созвездие-Йолдызлык 2016”конкурсында, нәфис сүз номинациясендә уңышлы чыгыш ясап, грамота һәм истәлекле бүләккә ия булды, “Кил син тәүбәгә” видеоклибында катнашып Әмир Диния нәзрәте хәзрәт Камил Самигуллинның рәхмәт хаты белән бүләкләнде. Әмиргә зур уңышлар теләп калабыз.

Г.Тукай әсәрләренә илллюстрацияләр ясау конкурсына йомгак ясалды. 1нче урын-8 нче сыйныф укучысы Хәйретдинова Диләрәгә, 2 нче урын-5 нче сыйныф укучысы-Вәлиев Нуриманга, 3 нче урын-3 нче сыйныф укучысы –Г. Мәликәгә бирелде . Катнашкан барлык укучыларга алга таба да иҗат уңышлары телибез.

Тукай премиясе лауреатлары турында һәр класс мәгълүмат туплады һәм буклетлар ясады. 10 нчы сыйныф укучыларының хезмәте аеруча зур хөрмәткә лаек. Әлеге лауреатларның тормыш юлы һәм иҗаты тәрбия сәгатьләрендә өйрәнелде. Һәр сыйныф җитәкчесенә һәм барлык укучыларга зур рәхмәтебезне белдерәбез.

22 нче апрель көнне 6нчы сыйныф укучылары тарафыннан “Г.Тукай рухы яши безнең йөрәкләрдә” дип исемләнгән смотр концерты булды.Укучылар биюдә, җырда, нәфис сүздә үз осталыкларын күрсәтеп, тамашачыларны ял иттерделәр. Әлеге концерттан һәр укучы күтәренке кәеф белән таралды. Сыйныф җитәкчесенә һәм укучыларга зур рәхмәтебезне белдерәбез.

Иртәнге линейкада дежур торган 7 нче класс атналык эшкә нәтиҗә ясады. Нәтиҗәләргә килгәндә, “Иң яхшы укучы класслар” дип, 11 класслар танылды. “Шәфкатьле класс” номинациясе буенча 8 нче сыйныф .”Иң чиста класс”-7 нче сыйныф, “Спорт сөюче класс”-10 класс, “Конкурсларда актив катнашучы класс”-4 класс, “Иң тәртипле укучылар ” дип, 6 нчы сыйныф билгеләнде.

Район күләмендә “Хезмәтне саклау- балалар күзлегеннән” дип исемләнгән рәсем конкурсы уздырылды. Әлеге конкурста 5 сыйныф укучысы Газизуллин Кәрим һәм 3 сыйныф укучысы Галимов Әлфис, җитәкчеләре Хөсәенова Фирания Ханифовна катнаштылар һәм грамоталар белән бүләкләнделәр.

Г.Тукай әсәрләренә илллюстрацияләр ясау конкурсына йомгак ясалды. 1нче урын-8 нче сыйныф укучысы Хәйретдинова Диләрәгә, 2 нче урын-5 нче сыйныф укучысы-Вәлиев Нуриманга, 3 нче урын-3 нче сыйныф укучысы –Г. Мәликәгә бирелде . Катнашкан барлык укучыларга алга таба да иҗат уңышлары телибез.

19 нчы апрель көнне 7 нче сыйныфларда класс җитәкчесе Нуретдинова З.З. “Игелек орлыклары чәчегез, бәхет игеннәре игәрсез” дигән темага әңгәмә үткәрде. Әңгәмә барышында укучылар бүгенге көндә изгелек эшләүчеләр турында сөйләделәр, бигрәк тә чишмәләрне төзекләндерүчеләргә тукталдылар. “Әптек” чишмәсен төзекләндерүче шәхси эшмәкәр Галиуллин Илдар абыйга, Сәрдегән авылында “Нурзидә” чишмәсен төзеткән Хөсәенов Габделнур абыйга укучыларның рәхмәте чиксез.

Г.Тукай әсәрләрен укыган саен укыйсы килә. Алар җанны җылыта, күңелне яктырта, туган телгә мәхәббәт тәрбияли. Укучылар бүген Тукай әсәрләрен сәхнәләштерделәр.1 кл.-“Бала белән күбәләк”, 2 кл.-“Кызыклы шәкерт”, 3 кл. – “Эш беткәч, уйнарга ярый”, 4 кл.-“Кәҗә белән сарык”, 5 кл.-“Су анасы”. Укучылар бик булдырып уйнадылар. Аларны әзерләгән укытучыларга зур рәхмәтебезне белдерәбез.