Еллар үткән, ара ерагайган саен, Тукаебыз безгә якыная, кадерлерәк була бара. Аңа булган чиксез ихтирам безнең күңелләрдә онытылмаслык урын ала. 10 нчы сыйныф укучылары Габдулла Тукайның тормыш юлын һәм иҗатын чагылдырган “Габдулла Тукай-кеше һәм шагыйрь”, “Г.Тукай иҗатында тәрбия темасы”, “Г.Тукай –күптөрле шәхес”, “Г.Тукай әсәрләре буйлап сәяхәт” һ.б темаларга рефератлар яздылар. Аларга зур рәхмәтебезне белдерәбез.

9 сыйныфларда бердәм Тукай дәресләре узды. Укучылар бөек шагыйребезнең тормыш һәм иҗат юлын хәтерләрендә яңарттылар, “Тукайлы балачак” фильмын карадылар, шигырьләрен, әкиятләрен тыңладылар.

Бөек татар шагыйре Габдулла Тукайның илебез һәм дөнья мәдәниятенә гаять зур өлеш кертүче, аның тууына 130 ел тулуны билгеләп үтү йөзеннән, татар теле укытучысы Венера Надиловна һәм һәм класс җитәкчеләре Гөлнара Тәлгатовна, Нурания Садыйковна 8, 10 сыйныф укучыларына «Тукайлы балачак” фильмын тәкъдим иттеләр. Соңрак, “Тукай турында хатирәләр» дигән темада викторина үткәрделәр.

7 сыйныфларда бердәм Тукай дәресләре узды. Укучылар бөек шагыйребезнең тормыш һәм иҗат юлын хәтерләрендә яңарттылар, “Тукайлы балачак” фильмын карадылар, шигырьләрен, әкиятләрен тыңладылар.

20 нче апрель көнне башлангыч сыйныфлар укытучысы Л.А.Шафигуллина бердәм Тукай дәресләре уздырды. Укучылар бөек шагыйребезнең тормыш һәм иҗат юлын хәтерләрендә яңарттылар, “Тукайлы балачак” фильмын карадылар, шигырьләрен, әкиятләрен тыңладылар.

19 нчы апрель көнне 2 нче сыйныф укучылары белән "Нәрсә ул изгелек" дигән темага бәхәсләр клубы үткәрелде. Укучылар игелекне ничек аңлаулары, нинди яхшылыклар эәләргә мөмкин булуы турында үз фикерләрен җиткерделәр. Әңгәмә азагында "Бар кеше изгелек кылса, яктырыр иде дөнья,"-дигән нәтиҗәгә килделәр.

Чәчәкләр, хуш исле чәчәкләр – 
Яраннар, күкчәчәк, ясминнәр,
Никадәр гүзәллек, нәфислек, 
Алардан сибелә саф хисләр.
Болай да кыска гомерне өзмик
Кыскартмыйк чәчәкләр гомерен
Алсу нәфис чәчәкләрнең дә
Кешеләрнең дә белик кадерен.

Гөлләр - тормыш яме диләр. 
Әйе, бу сүзләр белән без – 8 класс укучылары да килешәбез.
Гөлләр дә сабый бала кебек бит: аларны карарга, тәрбияләргә кирәк. Вакытында су сибәргә, яфракларын сөртергә кирәк булса, су бөркергә, төпләрен йомшартырга, хәтта алар белән сөйләшергә дә кирәк була.Чөнки алар да кешеләр кебек бит, тәрбияләгәнне яраталар! Гөлләрне яхшы гына тәрбияләсәң, алар безне матур чәчәкләре белән куандыралар, кәефләребезне күтәрәләр, классыбызгә ямь бирәләр. Алар чәчәк аткан вакытта тәрәзә төпләре аллы-гөлле болынга охшап кала. Әйтерсең лә салават күперенең төсләрен җыеп болынга чәчкәннәр! 

3нче сыйныф укучылары "Язгы Изгелек" атнасын мәктәпнең уен бүлмәсен матурлау белән башлап җибәрделәр. Һәр уенчыкның үз урынын булдырдылар, бүлмәдәге гөлләрне яңарттылар.

Әйе, яз җитү белән кошлар кайта- күктә, агач башларында яңадан тормыш башлана. Гаҗәеп матур бу тормыш. Кошлар безнең ярдәмгә бик мохтаҗ. Без аларга ярдәм итеп,кошларны гына түгел,үзебезнең табигатебезне дә саклыйбыз.Кошлар урман,кырларыбызны ,басуларыбызны корткычлардан саклый.Матур итеп сайраулары белән дөньяны матур аһәңгә күмә. Без рәхәтләнеп кошлар сайравын тыңлыйбыз.Аларны саклыйк,кайгыртыйк һәм үзебезнең кулдан килгәнчә ярдәм итик.Безнең мәктәп укучылары да кошларга сыерчык оялары, җимлекләр ясап , аларны ашатып, күзәтеп торалар
Кошларга ярдәм итик, аларсыз бит дөньяның бер чите китек!!!

3 нче сыйныф укучылары 1нче сыйныф укучыларына Г.Тукай шигырьләре ятларга, әкиятләренә рәсемнәр ясарга ярдәм иттеләр.