2016 елдан башлап укучыларны Бөтенроссия тикшерү эшләре көтә. Ел азагында төгәл фәннәр буенча уңыш һәм уңышсызлыкларын күзәтү өчен, укучылар андый эшләрне ел саен язар дип ниятләнә. Бу хакта ТАССка РФ Мәгариф һәм фән министрлыгыннан хәбәр иткәннәр.
"Тикшерү эшләрен оештыру башлангыч мәктәп сыйныфларында башланачак, аннары шундый ук эшләрне башка укучылар да язачак. Хәзерге вакытта төгәл фәннәр исемлеге аныклана, әмма өстенлек математика белән рус теленә бирелә, - дип хәбәр иттеләр ведомствода. - Алга таба тикшерү эшләре узачак предметлар исемлеге киңәячәк".
Даими контроль эшләр үткәрү балаларга имтиханнарга ияләшергә, алга таба дәүләт имтиханнарында стрессларын киметергә мөмкинлек бирәчәк, дип саныйлар РФ Мәгариф һәм фән министрлыгында. Моннан тыш, мондый тикшерү эшләре укучыларның реаль белем дәрәҗәсен билгеләргә, фәннең билгеле бер өлкәләрендә уңыш һәм уңышсызлыкларын күзәтергә булышачак. "Шул рәвешле, укытучылар үз эшләренә төзәтмәләр кертә ала", - диләр министрлыкта.
Бөтенроссия тикшерү эшләре аттестат алу яки БДИ тапшыруга йогынты ясый алмый. Алар эчке бәяләү, укыту программаларын җайга салу өчен генә кирәк, дип нәтиҗә ясыйлар министрлыкта.

2 ноябрь көнне мәктәбебез районда үткән көзге  ярминкәдә катнашты. Укучылар һәм укытучылар көче белән үстерелгән яшелчәләр, бал һәм төрле җиләк - җимешләрдән  кайнатмалар  алып бардык ярминкәгә.   

1 ноябрь көнне һәр класста әти – әниләр өчен җыелышлар үткәрелде. Әти – әниләргә класс җитәкчеләре балалары хакында сөйләделәр, каникул чорында балаларны куркыныч хәлләрдән саклау һәм аңлату өчен, балаларының иминлеген һәм сәламәтлеген саклау өчен инструктажларга куллар куйдылар.  Мәктәп һәм әти – әниләр бердәм булып эшләгәндә  уку һәм тәрбия өлкәсендәге эшләрнең   нәтиҗәсе уңай булыр. Мәктәбебез укучыларының  әти – әниләре  җыелышларда һәрвакыт  актив катнашалар, мәктәп тормышы, балаларның  анда яшәеше белән бик кызыксыналар. Җыелышларда үзләренең теләкләрен белдерәләр, күңелләрендә булган  фикерләрен уртага салып сөйләшәләр.

10 сыйныф укучысы Хисаметдинова Ралия республика күләмендә үткән кул көрәше ярышларында катнашып,җиңү яулап кайтты. Ул әлеге ярышларда  II  урынны алып, диплом белән бүләкләнде. Әфәрин, Ралия, алда да зур уңышлар, зур җиңүләр сиңа.  Гел шундый тырыш , көчле,  акыллы  кыз булып кал! Шулай матур уңышларың белән   киләчәктә мәктәбебез  данын  тагы да югары күтәрсәң иде.

Россиякүләм Интернет челтәрендә куркынычсызлык дәресләре кысаларында 29 һәм 30 октябрь көннәрендә мәктәбебездә класс сәгатьләре үткәрелде

Бүген башлангыч сыйныф укучылары "Математик сабантуй" да булдылар. Укучылар ике командага бүленеп ярыштылар: кроссворд чиштеләр, тапкырлауга мисаллар, кызыклы мәсьәләләр эшләделәр, сан кергән әйтемнәр, мәкальләр әйттеләр. "Квадрат" һәм "Пифагор" командаларындагы укучыларны дуслык берләштерде. "Математик сабантуй" һәр укучыга бик ошады.

Тәрбиячеләр Һәм башлангыч сыйныф укытучылары өчен федераль дәүләт белем бирү стандартларына нигезләнеп, 28 нче октябрь көнне башлангыч сыйныф укытучылары Рамилә Шамиловна һәм Динә Мәүлитовналар  ачык дәресләр күрсәттеләр.  Тәҗрибә уртаклашу, бердәм  системалы эш алып бару максатыннан үткәрелгән әлеге ачык дәресләргә районыбызның барлык башлангыч  мәктәпләреннән һәм балалар бакчаларыннан тәрбиячеләр һәм укытучылар килде.  Дәресләр ныклы әзерлек белән бик оешкан төстә үтте. Дәрес карага килгән укытучылар һәм тәрбиячеләр соңыннан бергәләп фикер алыштылар, һәркем үзенә  кирәкле һәм отышлы  моментларны  үз эшендә файдаланырга кирәклеккә төшенде һәм аны үз тәҗрибәләрендә дә кулланырга кирәклеген үзләштереп киттеләр. Балалар бакчалары тәрбиячеләре һәм башлангыч сыйныф укытучылары үзләре дә  бердәм булып эшләгәндә  тәрбия өлкәсендәге эшнең нәтиҗәле булуын,  мондый  дәресләрнең файдалы һәм кирәкле булуын    белдереп  киттеләр, рәхмәтләрен сүзләрен  җиткерделәр .

Тәрбиячеләр Һәм башлангыч сыйныф укытучылары өчен федераль дәүләт белем бирү стандартларына нигезләнеп, 28 нче октябрь көнне башлангыч сыйныф укытучылары Рамилә Шамиловна һәм Динә Мәүлитовналар  ачык дәресләр күрсәттеләр.  Тәҗрибә уртаклашу, бердәм  системалы эш алып бару максатыннан үткәрелгән әлеге ачык дәресләргә районыбызның барлык башлангыч  мәктәпләреннән һәм балалар бакчаларыннан тәрбиячеләр һәм укытучылар килде.  Дәресләр ныклы әзерлек белән бик оешкан төстә үтте. Дәрес карага килгән укытучылар һәм тәрбиячеләр соңыннан бергәләп фикер алыштылар, һәркем үзенә  кирәкле һәм отышлы  моментларны  үз эшендә файдаланырга кирәклеккә төшенде һәм аны үз тәҗрибәләрендә дә кулланырга кирәклеген үзләштереп киттеләр. Балалар бакчалары тәрбиячеләре һәм башлангыч сыйныф укытучылары үзләре дә  бердәм булып эшләгәндә  тәрбия өлкәсендәге эшнең нәтиҗәле булуын,  мондый  дәресләрнең файдалы һәм кирәкле булуын    белдереп  киттеләр, рәхмәтләрен сүзләрен  җиткерделәр .

 28 нче октябрь көнне волонтёр укучыларыбыз “Мин сәламәт тормыш сайлыйм” девизы астында авылыбыз халкына, тирә-юньдәгеләргә  буклетлар таратырга чыктылар. Алар барлык кешеләргә начар гадәтләргә юл куймау, сәламәт  яшәү  рәвеше  алып барулар турында мәгълүматлар  биреп, әйләнә – тирәдәге яшь буынга да шулар турында үгет – нәсыйхәтләр бирүләрен үтенделәр. 

 Елдагыча башлангыч сыйныф укучыларына  югары класслардан  вожатыйлар  билгелә. Вожатыйлар атна саен үзләренә билгеләнгән  эзтабарлар янында булалар. Алар бергә  кызыклы уеннар уйныйлар, бер – берсенә әкиятләр, шигырьләр сөйлиләр, биеп, җырлап та алалар. Шуңа да эзтабарлар вожатый апаларын  ашкынып көтеп торалар. Аларга  шулай бергә – бергә күңелле.  Менә шул максаттан әйдаманнар бергә җыелып фикер алыштылар.  Эзтабарлар белән ничек аралашырга, нинди уеннар уйнарга икәнлеге хакында сөйләшеп, үзләренең эшчәнлекләрен планлаштырдылар.