Алдагы көннәрне берсендә нәфис сүз осталарына конкурс үткәрдек. Балалар бик матур шигырьләр өйрәнеп килгәннәр. Һәммәсе яттан, матур итеп сөйләп күрсәттеләр.  Ахырдан бергә – бергә, кемнең иң оста сөйләүче, иң озын шигырь сөйләүче, иң  матур шигырь өйрәнүче  буларак  нәтиҗәләр дә ясап үттек, аларга бүләкләр дә өләштек

3 нче июнь көнне лагерь балалары белән су буена  походка киттек. И “тәмле” көн булды бу. Нәрсәләр генә ашап сыйланмадык, хәтта  учакта коймак та пешереп ашатты апалар.  Бик  рәхәтләнеп ял итеп, күңелле уеннар уйнап кайттык. Походка бару, бик ошады безгә.

Бүген көлке көне ясадык лагерьда. Балалалар  кызык итеп сөйләп , сәхнәләштереп  тә күрсәтеп мәзәкләр  көне үткәрделәр. Рәхәтләнеп көлдек, ял иттек.  Аннары көлке көнен дәвам итеп бик кызык кино да карадылар. Көлке көне бик ошады аларга. Соңыннан, әзерләнеп килгән балаларга бүләкләр дә бирдек.

Лагерның алдагы көннәре тагы кызыклы һәм күңелле бәйрәмнәр белән дәвам итте. Бантиклар көне үткәрдек без. Һәр бала  үзенчә , төрледән – төрле бантиклар тагып, алардан берсеннән – берсе матур чәчәкләр ясап тагып килгәннәр. Бу көнне  лагерыбыз гөлбакча иленә әйләнгән кебек булды, чөнки балаларыбыз  матур чәчәкләргә әйләнгәннәр иде.

28 нче май көнне лагер ачу тантанасы булып үтте. Балалар концерт программасы әзерләп, берсеннән – берсе матур җырлар, биюләр, шигырьләр әзерләделәр. Ул көнне табигать кочагында бәйрәм ясап, рәхәтләнеп җырладылар, биеделәр, бик матур концерт куйдылар.

"Соңгы кыңгырау" бәйрәме көнне дә спортчы кызларыбыз безне кабат сөендерде. Каратэ ярышларыннан  кызларыбыз -  Корбанова Чулпан  һәм Абдрахманова Алия  зур җиңуләр белән кайттылар. Әлеге ярышларда Чулпан  II урынны яулаган булса, Алия  III урынга лаек  булган. Кызларыбыз  медаль  һәм мактау грамоталары белән бүләкләнгәннәр.  Әфәрин, кызлар!

26 майдан мәктәбебездә балалар өчен җәйге ял лагеры эшли башлады. Балалар бик теләп лагерьга йөри башладылар. Беренче көнне отрядларга бүленеп, эш башлап җибәрдек. Отрядларга исемнәр сайлау, эш бүленешләре, отрядларны бизәү хакында фикер алыштылар.  Тәрбияче апалар лагерьның эш планнары белән таныштырдылар.