Мәктәбебез бакчасында укучылар җәй буе үстергән яшелчә уңышын алдылар. Димәк, кыш дәвамында өстәлләребездә витаминнар өзелмәячәк.

18 нче сентябрь көнне «Аргамак» укучылар оешмасының җыелышы булып үтте. Җыелышның көн тәртибендә  укучылар җәйге каникул чорындагы  эшчәнлекләренә, үзләренең нинди хезмәттә булуларын, ничек ял итүләрен ассызыклап үттеләр. Аннан педагог – организатор Гөлчәчәк Габделбарыевна  укучыларны мәктәп кагыйдәләре, укучыларга бердәм таләпләр белән таныштырды, укучыларга киңәшләрен бирде.   Мәктәптә тәртип саклау отрядлары белән , аларның эшчәнлеге нидән гыйбарәт булулары, укучыларның тәртипләре, кич чыгу мәсьәләләре хакында тәрбия эшләре буенча директор урынбасары  Раушания Урановна сөйләде. Укучыларга  ачык мисаллар китереп, бик яхшылап аңлатып үтте. Ә укучылар  барлык кагыйдәләрне  утәргә, куелган таләпләргә каршы килмәскә дип, бер тавыштан сүз бирделәр.

Укучылар оешмасы үзидарәсе утырышы класс старосталары белән берлектә үтте.  Утырышта  министрлар һәм старосталар педагог организатор Гөлчәчәк Габделбарыевна белән бергә  алда , уку елы дәвамында башкарыласы эшләр хакында фикер алыштылар.  Рулетка системасындагы эшләр, тимурчылык эше буенча сөйләшү алып бардылар. Айга бер министрлар утырышы, чиреккә бер укучылар оешмасының гомуми җыелышын үткәрергә, дәрестән тыш чараларда дустанә мөнәсәбәттә ,  бердәм һәм актив булырга дигән карарга килделәр.

Бу арада укучыларыбыз  бик тырышып  миләш җыя. Аларның һәрберсе билгеле бер күләмдә миләш җыеп, ашханәгә тапшыра.  Витаминнарга бай булган миләштән пешекче апалар  компот кайнаталар

11 сентябрь көнне классларда сәламәтлек сәгатьләре үтте. Сыйныф җитәкчеләре  үз сыйныфларында укучылар белән шушы тема астында әңгәмәләр үткәрделәр.  Сәламәт тәндә – сәламәт акыл булуы, үз сәламәтлеген турында нык кайгыртырга кирәклеге хакында аңлаттылар. Мондый  тәрбия сәгатьләренең укучыларыбыз өчен  бик файдалы булыр, чөнки һәр бала нинди дә булса бер фикерне  үз күңеленә салып куя, аның турында  уйлана

8 сентябрь көнне, мәдәният йортында  мәктәбебезнең  әти – әниләр җыелышы булып үтте. Җыелышта районның яшьләр бүлеге җитәкчесе Рөстәм Рафисович, авыл җирлеге башлыгы Сәйдәш Шәмсиевич, районның  балигъ булмаган балалар белән эшләүче инспекторы Ләйсән Маратовналар катнашты. Башта директорыбыз Гүзәл Галимулловна  әти – әниләрне мәктәп эшчәнлеге белән таныштырып  үтте. Аннан соң сүз авыл җирлеге башлыгы Сәйдәш Шәмсиевичка бирелде.  Ул  Бөрбаш авыл советы җирлегендә башкарылган эшләр турында белдереп үтте, сайлаулар хакында фикерләрен җиткерде. Рөстәм Рафисович та  әти – әниләргә сайлаулар буенча  район башкарма комитеты исеменнән  һәм шәхсән үз  исеменнән  бердәм фикерләрен җиткерде.  Халыкны дөрес фикер йөртеп,  сайлауларда  актив катнашырга өндәде. Ә  Ләйсән Маратовна әти – әниләрне балаларны төрле куркынычлардан саклау, кич чыгулар, балаларны ныклы  контрольдә тотулар хакында кисәтте. Барлык законнарны, тәртип, кагыйдәләрне ныклап аңлатты

9 сентябрь көнне мәктәбебезгә кунаклар килде. Алар районыбызның төрле авылларыннан, төрле тармакларда эшләп чыккан ветераннарыбыз. Ветераннар бу көнне   район башлыгы Рамил Рашитович  белән очрашты. Рамил Рашитович ветераннарны Балтач районында алып барыла торган нәтиҗәле эшләре  белән таныштырды. Өлкәннәребезгә булган хөрмәт хисләрен белдерде. 14 сентябрьдә булачак сайлаулар хакында да  сөйләп үтте, сайлауларда актив булырга, акыл белән , үзебез  лаеклы дип атаган шәхесләргә һәм  партияләргә тавыш бирүләрен сорап, сайлауларда көтеп калуларын  белдерде.  Аннан ветераннарыбыз хөрмәтенә укучыларыбыз коллективы  ял концерты тәкъдим итте. Калган вакыттларын ветераннарыбыз чәй табыны артында дәвам иттеләр. Бер – берсе белән аралашып, сөйләшеп утырдылар. Ветераннарыбыз мәктәбебезнең   матурлыгына, чисталыгына искиткеч соклануларын белдерделәр. Кунакчыл коллективыбызны, укучыларыбызны бик яратып киттеләр. Барысы да аерым – аерым олы рәхмәтләрен җиткерделәр. 

5 сентябрь көнне мәктәбебездә эвакуация булды.  Куркыныч хәлләр булган очракта, ничек, кайдан йөрү юллары турында кабат искәртү, исләренә төшерү өчен үткәрелде ул.  Эвакуация планнарын игътибар белән карарга, өйрәнергә кирәклегенә басым ясалды.  Куркыныч хәлләр булган очракта каушап калмаска, һәрвакыт әзерлекле, барлык кагыйдәләр өйрәнелгән булырга тиешлеге хакында кисәтелде

Шушы уңайдан 5 сентябрь көнне  авыл җирлеге советыннан  хисапчы Гильметдинова Асия апа килде. Халык белән эшчәнлектәге  яңа законнар белән таныштырды. Салым җыюлар хакында аңлатып үтте, гомүмән  алганда үзләренең эшләре нидән гыйбарәт булуы турында сөйләде.  Финанс өлкәсендә эшләргә кызыгучылар өчен  нинди фәннәрне яхшырак үзләштерергә, үзеңдә нинди сыйфатлар булдырырга, нинди уку йортларында  белем алырга  кирәклекне  укучыларыбызга аңлатып китте.