Уку елы тәмамланган көннәр һәр елны укучылар һәм укытучылар өчен көтеп алган бәйрәм. Ә менә 9 нчы сыйныф укучысы Мифтахова Гүзәл өчен бу көн аеручы истәлекле. Мәктәп кичәсендә "Фәнгә гашыйк укучы" грамотасына лаек булган Гүзәл, олимпиадаларда уңышлы чыгыш ясаганы өчен район мәгариф бүлегенең рәхмәт хаты һәм истәлек бүләгенә лаек булды.
Молодец Гүзәл! Алга таба да сынатма, уңышлар юлдаш булсын үзеңә. 

Безнең 11 нче сыйныфлар

50 елдан очрашу

23 нче май көнне мәктәбебезнең “Аргамак” укучылар оешмасына президент сайлаулары үтте. Һәр класс алдан президентлыкка кандидатлар күрсәттеләр.  Аннан сайлау бюллетеньнары ясап, сайлау үткәрдек. Һәр укучы сайлау бюллетены алып, кайсыдыр кандидатка  үзенең яшерен тавышын биреп, сайлау урнасына бюллетеннарын салды. Нәтиҗәдә, иң күп тавыш белән  7 сыйныф укучысы Латыйпова Алсу “Аргамак” укучылар оешмасының президенты итеп сайланды.

24 нче май көнне  чыгарылыш сыйныф укучылары өчен “Соңгы кыңгырау” бәйрәме  булып үтте. Моңсу бәйрәм булса да, бик оешкан төстә, матур үтте бу бәйрәм.  Укучыларыбыз укытучыларга  шигъри юллар, матур җырлар һәм матур чәчәк бәйләмнәре бүләк итеп ,үзләренең җылы хисләрен белдерделәр, рәхмәт сүзләрен җиткерделәр

19 май көнне 4 сыйныф укучыларын  Татарстан варислар сафына кбул итү тантанасы булып үтте. Укучыларыбыз иптәшләре алдында   ышанычлы  варислар булырга - халкыбызның гореф – гадәтләрен, туган як табигатен  саклау,  туган җиребезгә игелекле шәхесләр булып үсәргә сүз бирделәр. Шушы матур сүзләрдән соң, 7 сыйныф укучылары аларга  галстуклар такты. Мәктәбебез директоры Гүзәл Галимулловна аларга матур киңәшләрен бирде, изге теләкләр теләде. Акыллы, тәртипле, ышанычлы яшьләр булып үсүләрен теләде.  Алда матурлыкка әйдәүче, аларга ак юл күрсәтүче әнә шундый  матур галстуклар тактык без укучыларыбызга. Алар бүгеннән Татарстаныбызның  ышанычлы варислары булып, киләчәккә атларлар

15 нче май көнне 10 сыйныф укучылары  Бөре елгасы буйлап җәяүле сәяхәт  иттеләр. Туган ягыбызның матур табигатен күзәтеп, тирә - як күрше авылларны барлап, андагы тарихи урыннарны күреп, үзләренчә рәхәтләнеп ял итеп, күңел ачып  кайттылар алар. 

Классларда бердәм экологик дәресләр үткәрелде