17 нче март  көнне  укучылар үзидарәсенең  чираттагы үтырышы булып үтте. Класс старосталары белән берлектә алар  мәктәп һәм классларда эшләнгән эшләргә нәтиҗәләр ясадылар.   Ярыш шартлары экранында  билгеләнеп барган баллар  хакында фикер алыштылар.  Укучылар оешмасы  җыелышын  үткәрүгә эзерлек эшләре алып бардылар

15 нче март көнне  Рафиков призына узган  татарча көрәш  бәйгесендә безнең көрәшче  егетләребез командасы да катнашты.  Ахмәтҗанов Хәниф, Мөхәммәтҗанов Муса, Фәхертдинов Рүзәл, Кадыйров Алмаз, Нуретдинов Нияз, Сәләхетдинов Рәдисләрдән торган  көрәшчеләребез  тагын матур нәтиҗәләргә ирешеп кайттылар. Бу бәйгедә Кадыйров Алмаз II урынны яуласа, Фәхертдинов Рүзәл   III урынга лаек булган. Әфәрин, егетләр!

14- март көнне Балтач мәктәбендә “Шаги в науку-2014” республика фәнни-гамәли конференциясенең йомгаклау туры булып узды. Республикабызның төрле төбәкләреннән килгән укучылар  белән бергә безнең мәктәбебездән  бу конкурста тарих, география, биология, информатика фәннәре буенча укучылар матур гына чыгыш ясады.  Иң зур мактауга лаек булган укучыларыбыз 9 – класстан Мифтахова Гүзәл һәм Асадуллина Диләрәләр. Кызларыбызның  “Информацион технологияләр һәм программалаштыру” секциясендә эшләре иң яхшы дип  бәяләнеп, I – дәрәҗә диплом һәм истәлек бүләгенә лаек булды.  Кызларыбыз һәм аларның укытучылары Мифтахов Фуат Раифовичны бу җиңүләре белән котлыйбыз, алга таба да зур уңышлар телибез.

11 мартта ТР Дәүләт Советында мәдәният, фән, мәгариф һәм милли мәсьәләләр комитеты утырышы үтте. Көн кадагына педагогик кадрларны әзерләү һәм яңабаштан әзерләү мәсьәләләре чыгарылды. Доклад белән ТР Премьер-министры урынбасары – мәгариф һәм фән министры Энгель Фаттахов чыгыш ясады. “Педагогик югары уку йорты яки колледж тәмамлаган студентның мәктәпкә укытырга әзерлекле булып килүе мөһим. Иң беренче чиратта, бу – фәнне белү, заманча технологияләр һәм методиканы, психологик алымнарны куллана алу. Шулай да хезмәт хакын күтәрүгә дә карамастан, укытучылар составын яшәртү процессы акрын бара”, - дип ассызыклады ул. Шулай ук муниципалитетларда 1402 педагог  җитми, нигездә, бу – физика һәм математика укытучылары. Тагын бер проблема – югары уку йортларында татар телендә дә белем бирә алырдай белгечләр әзерләү.

7 сыйныф укучылары  8 март бәйрәменә багышлап бик матур концерт куйдылар. Концерт башланганчы мәктәбебез директоры Гүзәл Галимулловна барлык әниләрне, әбиләрне, апаларны, гүзәл кызларны бәйрәм белән котлады. Аларга булган барлык җылы хисләрен , матур теләкләрен җиткерде. Аннан укучыларыбыз әниләренә әзерләгән бүләкләрен тапшырдылар.  Менә шундый матур мизгелләр белән башланып китте концерт.  Матур биюләр, шат җырлар , шигырьләр белән уралып барган бәйрәм концертыннан һәркем  күңелләренә рәхәтлек алып, шат хисләр белән таралды. Бик күңелле , бик матур булды бу көн.

Район күләмендә үткәрелгән хоккей ярышында  10, 11 сыйныф егетләреннән торган командабыз   икенче урында калды. Молодцы, егетләр!

Интернет! Интертат! Мәгълүмат! Яз! Ярату! Шушы сүзләрне кертеп өч-дүрт куплетлы шигырь язган авторны эзлибез.

Бәйгегә килгән барлык әсәрләр газетабыз битендә урын алачак. Ә иң яхшы дип табылган шигырьләр авторларын, гадәттәгечә, бүләкләр көтә. Беренче урынны яулаучыларга Казан театрларына һәм Милли музейга ике кешелек билет тапшырылачак.

Бәйгенең җиңүчеләре берничә номинациядә билгеләнәчәк:

Мәктәбебездә эшләп чыккан, лаеклы ялда булган укытучы апаларыбызны  да  бәйрәм белән котладылар укучыларыбыз. Аларга да матур котлау открыткалары ясадылар. Һәркайсының өйләренә барып котлап  кайттылар. Ветеран укытучыларыбызның бик күңелләре булды

7 март көнне  егетләребез  иртән эшкә килгәндә укытучы апаларны, мәктәптә эшләүче барлык  апаларны  бәйрәм белән котлап каршы алдылар.  Матур котлау открыткалары ясап, аңа изге теләкләрен яздылар. Талгын музыка астында котлау открыткаларын  бүләк итеп, матур теләкләрен теләделәр. Менә шундый күңелле мизгелләрдән башланды бәйрәм

“Аргамак” укучылар оешмасы  укучылары радио тапшыру аша да  бәйрәм белән тәбрикләделәр. “Җырлы бүләк”  тапшыруы аша  барлык укучылар исеменнән  күңелләрендәге   матур хисләрен  шигырьләр, җырлар   белән  җиткерделәр .  Бу көнне мәктәбебез  заллары бәйрәм  рухыннан яңгырап торды. Һәркемнең  күңелендә сөенеч, йөзендә шат  елмаю иде