Быел чыгарылыш сочинениесен (иншаны) укучылар декабрь аеның беренче чәршәмбесендә (3 нче декабрь көнне) язачаклар. Бу турыда Россия мәгариф күзәтчелегенең Белем бирү сыйфатын бәяләү идарәсе башлыгы урынбасары Людмила Каврева белдерде. Сочинение язу ике этаптан торачак. Аның беренчесе - декабрь аеның беренче чәршәмбесе. Ә сочинениене кабаттан бирү көне буларак февраль аеның беренче чәршәмбесе (4 нче февраль) билгеләнгән. "Нинди дә булса сәбәпләр килеп чыгып, укучылар беренче этапта сочинение яза алмый калырга мөмкиннәр, шуңа күрә чыгарылыш сочинениесен язу 2 этапта оештырылган.

Мәктәбебезнең “Аргамак” укучылар оешмасында  бу уку елында  класслар арасында  аерым номинацияләр буенча  –иң яхшы укучы класс, иң тәртипле класс,  иң чиста класс, иң күңелле тәнәфес оештыручы класс, спорт сөюче класс,  конкурсларда актив катнашучы класс, шәфкатьле класс исемнәре астында вымпеллар бирү  башланып китте. Атна буе  президент һәм министрлар  бу юнәлештә эшчәнлек алып бара, күзәтә һәм  атна ахырында бергәләп нәтиҗә ясап, дүшәмбе линейкада  классларга вымпелларны тапшыра.  Вымпеллар бирелгән классларга баллар бирелә. Уку елы ахырында кем җиңүче булыр икән, сынап карыйк! 

29 нчы сентябрь көнне   мәктәбебезгә Казаннан  районның  халыкны эш белән тәэмин итү үзәге белән берлектә эшчәнлек алып баручы психология фәннәре кандидаты Трифонова Татьяна  Александровна килде. Ул югары сыйныф укучылары белән  профориентация эше алып барды. Татьяна Александровна укучыларга  профессия сайлау, һәр профессиянең үзенчәлеге турында сөйләде. Үзеңә профессия сайлаганда барлыкка килергә мөмкин булган ялгышлар турында аңлатып китте һәм укучыларга тест эшләтте.  Татьяна Александровна укучылар белән бик матур аралашты, аның  әңгәмә – консультациясе укучыларыбызга бик файдалы булды.  Әңгәмә ахырында тәрбия эшләре буенча директор урынбасары Раушания Урановна  укучыларыбыз исеменнән  шундый  кызыклы һәм кирәкле чара үткәргәне өчен Татьяна Александровнага рәхмәт сүзләрен җиткерде.

Мәктәп күләмендә  фәнни олимпиадалар башланып китте. Олимпиадалар график нигезендә дәресләрдән соң һәр фәннән аерым үткәрелә. Мәктәп күләмендә җиңүче булган укучыларыбыз районкүләм олимпиадаларга әзерләнә башлыйлар. Җиңүчеләребезгә район күләмендә үткән олимпиадаларда да зур җиңүләр, зур уңышлар телибез. 

Хөрмәтле тәрбиячеләребез! Сезне бәйрәмегез белән котлыйбыз.

Рәхмәт сиңа, тәрбияче апам,

Ничә еллар безне үстердең, 

Бар көчеңне кызганмыйча,

Күпме гомереңне уздырдың.

25 нче сентябрь көнне 5 нче сыйныф укучылары ветеран  спортчы Шакиров Наил  Нури улы белән очраштылар. “ГТО нормаларын уңышлы тапшыру -  безнең бурычыбыз” темасына  үткәрелгән тәрбия  чарасында  ветераныбыз укучыларда   спортка  мәхәббәт уятырга тырышты.

10 нчы сыйныф укучылары, авылыбыз  сулыкларының составын тикшерү максатыннан, чишмәләргә юл тоттылар. 

Мәктәбебезгә һич уйламаганда , укучыларның җыелышы көнне Балтач тыюлыгы үзәгендә эшләүче экологлар килде. Алар безне тагын бер уңышыбыз белән котларга килгәннәр икән.  Узган уку елы ахырында “Марш Парков – 2014” конкурсына җибәрелгән Гафарова Гөлгенәнең  иҗат эшләрен алар республика күләменә җибәргән булганнар һәм   Гөлгенәгә Казаннан  грамота һәм истәлекле бүләк килгән. Менә шундый  матур эшләребез белән  безне  Хаҗиев Рамил абый тагын бер куандырып, алда безне тагы да зур эшләргә өндәп китте. Укучыларыбыз белән моңарчы булган бердәм хезмәттәшлеккә рәхмәтләрен җиткерде

20нче сентябрьдә, зур оешканлык белән, милләтләр кроссы узды. Укучыларыбыз бик теләп катнаштылар.