Бүген район күләмендә "Иң яхшы яшь янгын сүндерүчеләр отряды - 2017" исеме астында бәйге уздырылды. Әлеге ярышта безнең мәктәптән "Ялкын" дружинасы да катнашты (составында: 7 нче сыйныфтан Гирфанова А., Гирфанова Л., Саттаров А., Хәйруллина И., 8 нче сыйныфтан Салаватуллина А.). Бәйге барышында укучылар үз отрядлары белән таныштырдылар, иҗади чыгыш ясадылар, практик биремнәр үтәделәр.

Мәктәбебезнең 6, 7, 8 нче сыйныф укучылары 15-16 май көннәрендә Республика контроль эшләрен башкарды: 6 нчы сыйныф - рус теле һәм математика, 7 нче сыйныф - рус теле һәм математика, 8 нче сыйныф - химия һәм тарих фәннәреннән.

Ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көнен билгеләп үтәбез. Гаилә гомер-гомергә яшәешнең башлангычы булды. Ул  – кешенең төп терәге, җәмгыятьнең рухи сәламәтлеге чыганагы.  Гаилә – ул җылылык, мәхәббәт, ышаныч учагы. Әлеге матур бәйрәм уңаеннан бүген мәктәбебездә "Гаилә - тормыш нигезе" исемле чара үткәрелде. Әлеге чараны Сабирова Г.Х. җитәкчелегендә ел дәвамында "Семьеведение" программасы буенча дәрестән тыш шөгыльләнгән 6 нчы сыйныф укучылары әзерләде. Алар чара барышында үзләренең гаиләләренә багышлап ясалган проект эшләрен дә тәкъдим иттеләр. Шулай ук бүген сыйныфларда "Гаилә дәреселәре" дә уздырылды.

«Союз организаций потребительской кооперации Татпотребсоюз» на базе "Казань Кампус" совместно с РДМОО "ШТК" и  Образовательным центром "Хогвартс" организует республиканскую программу «Школьный Кампус-Казань для абитуриента» (далее Школьный Кампус).

Настоящий Порядок определяет условия проведения программы для учащихся 8,9,10 классов общеобразовательных муниципальных учреждений районов РТ и регионов РФ в период:

1) с 4 июля по 18 июля 2017 года;

2) с 20 июля по 3 августа 2017 года;

3) с 6 августа по 20 августа 2017 года.

Цели программы: Проведение курса интенсивной подготовки  к ЕГЭ и ОГЭ от проверяющих экспертов школьникам 8,9,10 классов из сельской местности, совмещенного с посещением ВУЗов, профессиональной ориентацией и оздоровительно-развлекательной программой в городе Казань.

Бүген "Салават күпере" спорт һәм сәламәтләндерү комплексында Кайбыч муниципаль районы Кубогына бадминтон ярышлары үтә. Әлеге ярышта безнең укучыларыбыз да актив катнаша: 7 нче сыйныфтан Саттаров А., 8 нче сыйныфтан Шәрәфиев А., Хайретдинов И., Әхмәтшина А., Гиниятуллина К., Хәйруллина А.

Бүген мәктәбебезнең 6 нчы сыйныф укучылары Сабиров С. һәм Миңнуллин И. Тәтеш шәһәрендә үтүче Республикакүләм техника иҗат фестивалендә булып кайттылар. Алар анда авиа - һәм судомодельләштерү юнәлешләре буенча көч сынаштылар. Әлеге чарада барлыгы 500 дән артык укучы катнашты.

Бүген мәктәбебез укучылары: Насретдинова А. һәм Садриев Г.(3 нче сыйныф), Насретдинов А. һәм Борханова Т.(5 нче сыйныф) районда үткәрелгән "Куркынычсыз тәгәрмәч" ("Безопасное колесо") бәйгесендә катнашып кайттылар. Алар анда юл-йөрү кагыйдәләре, беренче ярдәм күрсәтү буенча биремнәр башкардылар, велосипедта төрле каршылыклар аркылы үтү буенча осталыкларын күрсәттеләр. Шулай ук "Без авыл балалары" командасы астында агитбригада чыгышын оештырдылар.

Ата-аналар һәм укучылар игътибарына!

Тиздән укулар тәмамланачак, димәк, укучыларның көтеп алган озын җәйге ялы җитә. Җәйге каникул чорында балаларның ялын файдалы һәм күңелле үткәрү максатыннан, күп кенә ял һәм сәламәтләндерү лагерьлары үз эшләрен башлап җибәрәчәкләр. Әлеге лагерьлар турында тулырак мәгъүматны сез безнең мәктәп сайтына түбәндәге сылтама аша кереп карый аласыз: https://edu.tatar.ru/kaybitcy/kushmany/sch/page3288445.htm

9 май - җиһаныбызда олы тантана - Бөек Җиңү көне! Олы ихтирамыбызга лаек ветераннарыбыз – яу кырларында дошманга каршы сугышкан, тылда көнне төнгә ялгап эшләгән, үсмер килеш тормыш арбасына җигелүгә мәҗбүр булган өлкән буын вәкилләре! Кадерле әби-бабаларыбыз! Хөрмәтле якташлар! Быел без 72 нче тапкыр Җиңү бәйрәмен тантаналы төстә билгеләп үтәбез. Йөрәкләребездә сезгә карата рәхмәт һәм хөрмәт хисләре кабат яңара, без сезнең тиңдәшсез батырлыгыгыз, фидакарь хезмәтегез белән чын күңелдән горурланабыз! Алдагы көннәребез тыныч-имин үтсен!

Җиңү көне,күктән күзем алмыйм,
Күгәрченнәр уйный очынып.
Зәңгәр күктә ап-ак канатлары
Көмеш кебек китә чагылып.

Җиңү көне җиңел бирелмәде,
Җыр җырланмый шөһрәт-дан өчен.

Йөрәк җылый һәрбер солдат өчен,
Егермеләп миллион җан өчен.

Быел без Бөек Җиңүнең 72 еллыгын каршы алабыз. Бөек Ватан сугышының дәһшәтле һәм канкойгыч 1418 көне һәм төне кешелек хәтереннән мәңге чыкмас. Бу көрәштә илебезнең миллионлаган намуслы һәм батыр ул-кызлары җирдә тынычлык  һәм бәхет өчен гомерләрен бирделәр. Барлык каһарман сугышчыларны - әби-бабайларыбызны искә алу максатыннан бүген Кошман авылында "Үлемсез полк" акциясе үтте.