Бүген мәктәбебезнең 9 нчы сыйныф укучылары иң беренче имтиханнарын - татар теленнән бердәм республикакүләм тестны эшләделәр.

"Язгы мәрхәмәтлелек атналыгы" кысаларында бүген Казан шәһәрендә "Сообщество" ("Җәмгыять") исеме астында актив гражданнар форумы үтте. Әлеге форумда безнең мәктәп директоры Хәмидуллин И.И. та катнашты. Форум барышында җәмгыять, эшмәкәрлек һәм хакимият темалары буенча түгәрәк өстәлләр оештырылды.

Һәр атнадагыча бүген мәктәптә иртәнге линейка уздырылды. Дежур сыйныф чыгышын тыңлаганнан соң, узган атнада төрле чараларда катнашып, уңышка ирешкән укучыларны котлау өлеше үтте. Әлеге укучыларыбыз: 3 нче сыйныфтан Шәрәфиева А. һәм Фәизов Ф. "Йолдызлык - 2017" фестиваленең гала-концертында  "Авыл дэнс" бию коллективы составында чыгыш ясап, 2 нче урын яуладылар; "ЭКОЛОГиЯ" фәнни-гамәли конференциядә 8 нче сыйныф укучысы Әхмәтшина А. 3 дәрәҗәле Диплом, Сабиров С. (6 сыйныф) 2 дәрәҗәле Диплом белән бүләкләнделәр; 3 нче сыйныфтан Сираҗиева Г.га "Поиск" фәнни конференциясендә актив катнашканы өчен сертификат бирелде; Хикмәтуллина К. (6 нчы сыйныф) "Таланты Татарстана" республикакүләм балалар иҗаты бәйгесендә 3 нче урын алды. Барлык укучыларыбызны һәм аларның җитәкчеләрен чын күңелдән котлыйбыз!

Бүген мәктәбебезнең ветеран укытучысы - Саттарова Гүзәл Фәрит кызының күркәм бәйрәме, 60 яшьлек юбилее! Без барчабыз да аны туган көне белән котлыйбыз! Сезгә гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр Сезнең күңелеңне һәрчак яктыртсын, балкытып торсын. Таң җилләренең назлысы, җан тынычлыгы, чиксез бәхетләр, яхшы күтәренке кәеф юлдаш булсын Сезгә. Бөтен гомерегезне, көчегезне кешеләр бәхете өчен биргән гүзәл зат буларак эчкерсезлегегез, ихласлыгыгыз, ягымлылыгыгыз белән кешеләр күңелен яуладыгыз. Һәрвакытта да шулай шат, көләч йөзле, изге күңелле булып калыгыз. Алга таба да шатлыкта, куанычта, бәхеттә яшәргә язсын Сезгә!

23 апрель - Бөтендөнья китап һәм автор хокуклары көне. Шул уңайдан укучыларга мәктәп китапханәсенә экскурсия оештырылды. Китапханә җитәкчесе Сабирова Г.Х. китаплар турында мәгълүмат җиткерде, викторина оештырды.

Бүген мәктәбебез директоры Хәмидуллин И.И. Казан шәһәрендә үткән V Татарстан халыклары Съездында катнашып кайтты.

Апрель ае дәвамында ата-аналар өчен мәктәптә ачык ишекләр көне үткәрелеп килде. Әти-әниләр дәресләрдә кунак булды, җыелышларда катнаштылар. Бүген исә әти-әниләр 3 нче сыйныфта математика һәм физик тәрбия буенча ачык дәресләр карадылар.

Язгы мәрхәмәтлелек атналыгы кысаларында бүген мәктәптә "Спортчан Татарстан" исеме астында уеннар үткәрелде.

Бүген мәктәбебез укучылары: Әхмәтшина А. (8 сыйныф) һәм Сабиров С. (6 сыйныф) "ЭКОЛОГиЯ - 2017" исемле I регионкүләм фәнни-гамәли конференциядә җитәкчеләре Сабирова Г.Х. һәм Хәмидуллина М.С. белән берлектә башкарган проект эшләрен якладылар. Уңышлары да зурдан: Әхмәтшина А. 3 нче дәрәҗәдәге Диплом, Сабиров С.  2 нче дәрәҗәдәге Диплом белән бүләкләнделәр. Укучыларны һәм җитәкчеләрен әлеге зур уңышлары белән чын күңелдән котлыйбыз!

Мәктәбебезнең хими-биология укытучысы Сабирова Г.Х. бүген Казан шәһәрендз үткән татар мәгърифәтчесе, педагог һәм җәмәгать эшлеклесе Мөхлисә Буби исемендәге V нче республикакүләм педагогик укуларда булып кайтты.