Без барыбыз да ел саен чәчәкле язны - май аен түземсезлек белән көтеп алабыз, чөнки язын иң матур һәм тантаналы бәйрәмне- Бөек Җиңү көнен каршылыйбыз. Бөек Ватан сугышы тәмамлануга 72 ел булды быел. Шул уңайдан мәктәбебездә, Кошман авылында һәм Кайбыч районында күп төрле бәйрәм чаралары үтте. Укытучыларыбыз район күләмендә узган бәйрәм тантанасында да катнаштылар: алар сугышка кадәрге чорны, авылларда күмәк хуҗалыклар оешкан вакытны сәхнәләштерделәр.

Татарстан Республикасының "Җиңү бакчасы" проекты кысаларында мәктәптләрдә алмагачлар утырту акциясе уздырылып килә. Әлеге чарада безнең мәктәп тә актив катнашты.

Бүген мәктәбебездә Балаларны яклау көне уңаеннан "Гадәттән тыш хәлләр вакытында үзеңне ничек тотарга?", "Беренче ярдәм күрсәтү" темаларына сыйныф сәгатьләре үтте, ТИН фәне укытучысы Гатауллин Д.Р. укучылар белән төрле спорт чаралары уздырды, мәктәптә эвакуация оештырылды.

Быел май аенда илебез Бөек Җиңүнең 72 еллыгын билгеләячәк! Әлеге зур, тантаналы бәйрәмгә әзерлек эшләрен безнең мәктәбебез инде күптән башлап җибәрде. Бөек Ватан сугышына киткән авылдашларыбыз, якташларыбыз хакында укучыларга күбрәк мәгълүмат җиткерү максатыннан мәктәптә әлеге темага багышланган китап күргәзмәсе оештырылды.

Иртәнге линейка вакытында уңышка ирешкән укучыларыбызны атап китү матур гадәткә керде. Бүген дә район һәм республика күләмендә үткән бәйгеләрдә катнашып, уңышларга ирешкән укучыларыбызга грамоталар, дипломнар тапшырылды. Алар: Сабиров С., Сабирова И., Насретдинов А., Хайретдинова Л., Шәмсетдинова К. Котлыйбыз!

Бүген мәктәп укучылары, укытучылар һәм хезмәткәрләр Россия күләмендә үтүче өмәдә катнашты: мәктәп янын һәм Түбән Кошман тирә-юнен чистарттылар.

Язның өченче аена аяк басабыз. Димәк, бакчаларда кызу эш вакыты җитте. Бүген мәктәп укучылары, укытучылар һәм мәктәп хезмәткәрләре көче белән бакчада кишер, чөгендер чәчелде, суган утыртылды.

Бүген Олы Кайбыч мәдәният йортында “Халкым хәзинәсе” фестивале узды. Әлеге фестивальдә Кошман  “Мизгел”е (составында мәктәбебезнең 6-7 нче сыйныф укучылар, Сабирова Г.Х., Кадыйрова А.С., Насретдинова А.А., Насретдинов И.Р. та бар) "Бәрәкәтле мич җылысы"дип исемләнгән этнографик йола-күренеш сәхнәләштерде. Чара вакытында мич чыгаручы кошманлылар һәм кирпеч сугучы осталар турында да мәгълүмат бирелде. Балалар мич турында табышмаклар, такмаклар,мәкальләр әйттеләр. Рәхимә әбинең мич чыгаруын ишетеп, икмәк сорап, кунакка мич иясе дә килгән иде. Әбекәй теләкләр теләп, соңыннан мичтә пешкән бәрәкәтле икмәк белән балаларны, күршеләрен һәм кунакларны сыйлады.

26 нчы апрель - татар халкының бөек шагыйре Габдулла Тукай туган көн. Әлеге күренекле шагыйрь барыбызга да балачактан ук таныш. Үзенең тирән мәгънәгә ия булган шигырьләре, әкиятләре аша ул һәрберебездә туган телебезгә карата мәхәббәт хисе тәрбияләгән шагыйребез! Шул уңайдан бүген мәктәптә Габдулла Тукайның тормыш юлына һәм иҗатына багышланган төрле чаралар уздырылды:  шагыйрьнең әсәрләренә карата рәсем конкурсы үткәрелде, бастырылган китапларыннан күргәзмә оештырылды, шигырь бәйрәме оештырылды. 

Татар халкының бөек улы - Габдулла Тукайның туган көне уңаеннан бүген Кайбыч районының Олы кайбыч авылында урнашкан Г.Кайбицкая музеенда "Шигырь бәйрәме" үтте. Әлеге чарада безнең мәктәптән Хәйретдинова Л., Насретдинов А. һәм Шәмсетдинова К. катнашты (җитәкчеләре - Кадыйрова А.С. һәм Сайранова Р.Т.). Барлык укучылар да Дипломнар белән бүләкләнде.