Бүген мәктәбебездә Бөек Җиңүнең 72 еллыгына багышланган җыр һәм строй смотры үткәрелде. Барлык сыйныф укучылары да әлеге бәйгегә тырышып әзерләнгәннәр иде.

Мәктәбебездә әти-әниләр өчен ачык ишекләр көне үтте. Бүген 8 нче сыйныф укучыларының әти-әниләре өчен ачык дәрес үткәрелде.

Бүген мәктәбебезнең музыка укытучысы Кадырова А.С. Яшел Үзән шәһәрендә узган II Регионара "Уйнагыз, гармуннар!" фестиваль-конкурсында катнашты һәм I нче урынга лаек булды. Айгөл Сәлимулла кызын чын күңелдән әлеге җиңүе белән тәбрик итәбез һәм эшендә зур уңышлар телибез!

Мәктәбебезнең башлангыч сыйныф укытучысы Сайранова Р.Т. һәрдаим үз сыйныфы белән ата-аналар катнашында ачык дәресләр үткәреп килә. Менә бүген дә 2 һәм 4 нче сыйныф укучыларының әти-әниләре шундый дәресләрдә кунак булдылар.

Мәктәбебез укучылары һәм укытучылары тырышлыгы белән без шактый гына күләмдә макулатура җыярга өлгердек. Әлеге чараның максаты: яшь буында табигатькә карата сакчыл караш булдыру.

Бүген мәктәбебездә "Татар халык ашларыннан хит-парад" дип аталган күңелле һәм "тәмле" чара оештырылды. Чараны укучылар һәм укытучылар ярдәме белән Кошман авылы китапханәчесе Сафиуллина Гөлия апа әзерләде. Әлеге бәйрәм чарасы вакытында укучылар төрле татар халык ашлары хакында мәгълүмат җиткерделәр. Һәр чыгыш саен өстәлебез тәмледән-тәмле ризыклар белән тулылана барды. Әлеге чара бик кызыклы үтте. 

1 нче апрельдә күп илләрдә Халыкара кошлар көне билгеләп үтелә. Бүген мәктәбебездә дә әлеге бәйрәмгә багышланган чара булып үтте. Укучылар кошларга багышланган шигырьләр, җырлар башкардылар, канатлы дусларыбыз турында күп мәгълүматлар тупладылар.

1 апрель – Көлке көне.  Ул дөньяның күпчелек илләрендә билгеләнә. Бу көнне кешеләр арасында бер-берсен алдау, шаярту гадәткә кергән. Мәктәптә шул уңайдан төрле күңелле уеннар уздырылды. Барыгызны да Көлке көне белән!

Бүген мәктәбебез укучылары Шәрәфиев А., Әхмәтшина А., Сабиров С. һәм Саттаров А. Кайбыч районының 26 яшьлеге һәм Бөек Җиңүнең 72 еллыгы уңаеннан үткәрелгән шахмат ярышларында катнашып, зур уңышка ирешеп кайттылар: Кошман мәктәбе командасына 1 нче урын бирелде. Барлык уенда катнашучы укучыларны һәм физик тәрбия укытучысы Насретдинов А.Л.ны чын күңелдән әлеге җиңү белән котлыйбыз!

1 нче апрель - Халыкара кошлар көне. Шул уңайдан биология фәне укытучысы Сабирова Г.Х. мәктәптә кошларга багышланган китаплар күргәзмәсе һәм рәсем конкурсы оештырды.