Бүген "Йолдызлык - 2017" фестиваленең район буенча финал этабы үтте. Безнең мәктәптән 6 нчы сыйныф укучысы Хикмәтуллина К. (җитәкчесе - музыка укытучысы Кадыйрова А.С.) җыр бәйгесендә 3 нче урынга лаек дип табылды. Шулай ук, мәктәбебезнең 3 нче сыйныфында укучы Шәрәфиева А. һәм Фәизов Ф. "Авыл дэнс" бию төркеме составында катнашып, 1 нче урынга чыктылар. Әлеге зур уңышлары белән чын күңелдән котлыйбыз!

Бүген 6 нчы сыйныф егетләре Сабиров С., Хайретдинов А. һәм Миңнуллин И. ЦВР "ЭКО" тарафыннан оештырылган "Авиамоделирование" бәйгесендә катнашып кайттылар. Уңышлары да бар: "Капкага авиамодельне кертү"дә Сабиров С. 2 нче урын, Миңнуллин И. 1 нче урын алдылар, "Авиамодельне очырту" номинациясендә Сабиров С. - 3, Миңнуллин И. - 1 урын.   Ә Кошман мәктәбе исә 3 нче урынга лаек дип табылды. Котлыйбыз!

Бүген мәктәбебезнең 5-8 нче сыйныф укучылары арасында "Сыйныфта татулык серләре" дип аталган Республикакүләм конкурсның мәктәп туры үтте. Укучылар үзләренең сыйныфлары, уңышлары белән таныштырдылар, визит карточкаларын күрсәттеләр.

Бүген 9 нчы сыйныф укучылары математика фәненнән сынап карау имтиханын тапшырып кайттылар.

Бүген мәктәптә "Аҗаган" уены үткәрелде. Әлеге уенда укучылар ике командага бүленеп катнаштылар: "Юнармеецлар" һәм "Десантниклар" командалары. Уен барышында командалар төрле ярыш-бәйгеләрдә көч сынаштылар: "разведка"га бардылар, карта аша төзелгән каршылыкларны үтеп, кирәкле мәгълүматларны таптылар, яралыларга беренче ярдәм күрсәттеләр, сазлык аша үттеләр, үзләрен сапёр һәм снайперлар буларак сынап карадылар. Шулай ук һәр командадан билгеләнгән пешекчеләр тәмле боткалар пешереп, уен ахырында барыбызны да сыйладылар. Ярышларда ике команда да бик актив катнашты. Җиңүче булып "Юнармеецлар" билгеләнде. Котлыйбыз!

9 һәм 10 март көннәрендә мәктәбебезнең ике укучысы: 3 нче сыйныфтан Насретдинова А. һәм 8 нче сыйныфтан Шәрәфиев А. ГТО нормативларын тапшыру өчен Тәтеш һәм Апаста булып кайттылар. Алар анда зур күрсәткечләргә ирештеләр.

Көннең яктылыгы кояшта,
күкнең матурлыгы йолдызларда,
җир йөзенең гүзәллеге хатын-кызларда.
Кадерле кызлар, хөрмәтле укытучы апалар, һәрвакыт мәктәпне чиста тотучы, безгә тәмле ашлар пешерүче апаларыбыз! Сезне 8 нче март-Халыкара хатын-кызлар көне белән котлыйбыз! Сезгә ныклы сәламәтлек, озын гомер, укуыгызда һәм эшегездә зур уңышлар телибез. Шушы бәйрәм көне, елмаеп баткан кояш матурлыгын, табигатьнең самимилеген өстәп, күңелләрегезгә шатлык, тәнегезгә сихәтлек, өегезгә иминлек алып килсен!

Бүген мәктәбебездә 8 март - Халыкара хатын-кызлар көне уңаеннан "Иң-иң яратканнарыбыз!" дип аталган бәйрәм кичәсе үткәрелде. Әлеге бәйрәм укучылар көче белән әзерләнде. Балалар үзләренең яраткан әниләренә, әбиләренә, укытучы апаларына, укучы кызларга һәм мәктәп хезмәткәрләренә багышлап матур шигъри юллар җиткерделәр, җырлар һәм биюләр башкардылар, килгән кунаклар - әниләр белән уеннар оештырылды. Бәйрәм ахырында һәр укучы әниләренә үз куллары белән ясаган бүләкләрен тапшырды.

Бүген иртәнге линейка вакытында "Тамчы-шоу" интеллектуаль уенында катнашып, җиңүгә ирешкән укучыларыбызга һәм аларны бу уенга әзерләгән укытучыларга грамота һәм дипломнар тапшырылды. Әлеге уңышлары белән чын күңелдән котлыйбыз!

Бүген мәктәбебезнең иң-иң булган укучылары: 6 нчы сыйныфтан Сабиров С., 7 нче сыйныфтан Саттаров А. һәм 8 нче сыйныфтан Әхмәтшина А. "Йолдызлар" командасы исеме астында Казан шәһәрендә ТНВ каналында үткән "Тамчы-шоу" интеллектуаль уенында катнаштылар. Катнаштылар гына түгел, ә зур уңышка - җиңүгә ирештеләр! Саба районы Шекше мәктәбеннән килгән "Ялкын" командасы белән барган уенда 3 балл өстенлек белән (34:31) беренчелеккә чыктылар! Без аларны әлеге җиңхләре белән ихластан котлыйбыз! Афәрин, укучылар!