Мәктәбебездә химия атналыгы дәвам итә. Бүген һәр сыйныф укучылары да "Химиянең тормыштагы роле" темасына үзләренең коллаж һәм плакатларын тәкъдим иттеләр.

8 нче февраль - Яшь Герой-антифашист көне буларак билгеләп үтелә. Әлеге көнне безнең мәктәптә дә искә алдылар, аңа карата оештыручы-педагог һәм укучылар көче белән әзерләнгән чара оештырылды. Кичә вакытында Бөек Ватан сугышы чорында зур батырлыклар күрсәткән балалар турында аерым сөйләнелде. Алар арасында Валя Котик, Зина Портнова, Леня Голиков һәм Марат Казей бар.

Бүген мәктәбебез укучылары эзләнү отрядларының "Хәтер Маршы - 2017" дип аталган республикакүләм кышкы яшьләр сәфәренең чыгышын карау бәхетенә ирештеләр.

Мәктәптә химия атналыгы дәвам итә. Бүген химия укытучысы Сабирова Г.Х. 8 нче сыйныф укучылары белән берлектә башка сыйныф укучыларына төрле химик тәҗрибәләр күрсәттеләр.

Бүген мәктәптә химия фәне атналыгы башланып китте. Химия укытучысы Сабирова Г.Х. укучылар арасында әлеге кызыклы фәнгә багышлап ясалган презентацияләр конкурсын оештырды.

Бүген мәктәбебез укучылары Саттаров А., Хәйруллина А., Шәрәфиев А. 2001-2003 нче елларда туган укучылар арасында үткәрелгән бадминтон ярышында катнашып кайттылар. Шулай ук, Садриев С., Сафина А. һәм Хәйруллина Ә. пневматик винтовкадан ату буенча уздырылган сайлап алу ярышларында катнаштылар.

Укытучыларның Кышкы Спартакиадасы кысаларында Буада белем бирү учреждениеләрендә җитәкчелек итүчеләр арасында волейбол ярышларының зона өлеше үтте. Әлеге ярышта Кайбыч районы командасында мәктәбебез директоры Хәмидуллин И.И. та катнашты.

Буада узган укытучылар Спартакиадасында Кайбыч районының хоккей буенча җыелма командасы көндәшләрен җиңеп, 1 нче урынга чыкты! Әлеге командада безнең мәктәптән физик тәрбия укытучысы Насретдинов А.Л. капкачы буларак катнашты. Чын күңелдән котлыйбыз һәм киләчәк ярышларда зур уңышлар теләп калабыз!

Мәктәбебездә күңелле традиция буларак, февраль аеның беренче шимбәсендә Кошман мәктәбен төрле елларда бетереп чыккан укучылар, студентлар белән очрашу кичәсе уздырылып килә. Менә бүген дә, мәктәп үз укучыларын кабат үзенә җыйды. Төрле җирләрдә белем алучы студентлар һәм узган елгы чыгарылыш укучылары 8-9 нчы сыйныф укучылары белән берлектә кызыклы әңгәмәдә катнашты. Шулай ук алар арасында КВН үткәрелде.

Бүген мәктәбебездә "Без бергә!" республика балалар халык иҗаты фестиваль-конкурсының "Хореография" номинациясе буенча мәктәп этабы үтте. 5-9 нчы сыйныф укучылары үз көчләре белән әзерләнгән төрле халык биюләрен башкардылар.