Бүген мәктәбебездә укучылар өчен Цирк кунаклары үзләренең күңелле һәм мавыктыргыч тамашасын күрсәттеләр.

Бүген район мәктәпләренең 5-11 нче сыйныф укучылары арасында чаңгы ярышы булып үтте. Ярыш эстафета формасында оештырылды. Һәр мәктәптән 2 егет, 2 кыз катнашындагы командалар ярышты. Әлеге чарада безнең мәктәптән 8 нче сыйныф укучылары Сәгдиева Л., Сәләхова И., Садриев С. һәм Шәрәфиев А. катнашты.

Бүген мәктәбебезнең 3 нче сыйныфында Вилданова Д.Р. математика фәненнән ачык дәрес күрсәтте. Дәрес "Турыпочмаклы параллелепипед" темасына үткәрелде.

Бүген 5 һәм 7 нче сыйныф укучылары сыйныф җитәкчеләре белән бергә "Кайбыч" шугалагына бардылар. Укучылар тимераякта яратып шуалар.

Мәктәбебездә ай саен чыгып баручы "Көмеш каләм" газетасын укучыларыбыз көтеп ала. Әлеге мәктәп газетасын "Көмеш каләм" түгәрәген җитәкләүче Сайранова Р.Т. белән бу түгәрәккә йөрүче укучылар бергәләп иҗат итә. Аларга киләчәктә иҗади уңышлар теләп калабыз!

Бүген мәктәбебезнең 2,4,6,7 нче сыйныф укучылары "Салават күпере" спорт һәм сәламәтләндерү комплексына бассейнга бардылар. 2 нче сыйныф укучылары бассейнда аерым программа буенча атна саен бушлай шөгыльләнәләр.

Бүген 5 нче сыйныф укучылары белән берлектә хезмәт дәресен укырга дип мәктәбебезгә Насретдинова Л. килде. Алар кәгазьдән киселгән кар бөртекләре белән кар бабай ясадылар. Лилия - безнең мәктәбебезнең даими кунагы. Укучыларыбыз да аның дәресләргә килүен көтеп алалар.

Мәктәбебез укучылары канатлы дусларыбызга үз куллары белән ясалган җимлекләр куйдылар.

Кайбыч районы белем бирү учреждениеләре арасында үткән "Яңа елга әзерлек" буенча конкурста безнең мәктәп II нче урынга лаек булды! Әлеге уңышка ирешүдә барлык укучыларның, укытучыларның, мәктәп хезмәткәрләренең һәм әти-әниләрнең өлеше зур. Барчагызга да зур рәхмәтебезне белдерәбез!

Бүген мәктәбебезнең 1, 2, 4 һәм 6 нчы сыйныф укучылары сыйныф җитәкчеләре белән бергә "Кайбыч" шугалагында булып кайттылар.