Бүген мәктәптә гомуми ата-аналар җыелышы уздырылды. Җыелыш барышында түбәндәге сораулар каралды:

"Укыту-тәрбия эшенең беренче яртыеллыгы нәтиҗәләре һәм алда торган бурычлар" -укыту эшләре буенча директор урынбасары Садриева Р.З., тәрбия эшләре буенча директор урынбасары Шафигуллина Л.Р.

“Компьютерга бәйлелек-замана чире ”дигән темага  чыгыш- Сабирова Г.Х.

"Спорт - сәламәт яшәү рәвешенең нигезе" дигән темага чыгыш - Гатауллин Д.Р.

Мәктәп директоры Хәмидулли Ильмас Илдар улы чыгышы .

Һәр елның 15нче феврале совет гаскәрләренең Әфган җиреннән чыгарылган көне буларак билгеләп үтелә. Әнә шул сугыш көннәреннән инде 28 ел вакыт узган. Һәркемгә мәгълүм — сугыш корбаннарсыз булмый. Безнең Татарстан җирлегендә туып-үскән менә дигән 257 егет тау-таш арасында җан биргән... Шушы сугыш кырында үзенең ирләрен, улларын, абый-энеләрен югалткан гаиләләр өчен Әфган сугышы беркайчан да тәмамланмаячак. Беребезнең дә бу кайгылы көннәрне онытырга хакы юк! Бүген мәктәбебез укучылары белән берлектә әлеге вакыйганы искә төшереп сыйныф сәгатьләре үтте, Олы Кайбыч авылында сугышчы-интернационалистларга куелган һәйкәлләргә чәчәкләр куелды.

Мәктәбебезнең яраткан кунагы - Кошман авылы кызы Насретдинова Л. безгә кабат дәрес укырга килде. Бүген ул 5 нче сыйныф кызлары белән бергә хезмәт дәресендә чигү эше белән шөгыльләнде. Лилия мәктәбебезгә яратып йөри, без дә аны һәрчак көтеп алабыз.

Бүген мәктәптә тарих һәм җәмгыять белеме укытучысы Вилданова Л.Х. укучылар белән "Парламент дәресе" үткәрде.

Бүген иртәнге линейка вакытында "Чаңгы юллары - 2017" ярышында җиңү яулаган укучыларыбызга грамоталар тапшырылды. Менә алар: 1-5 нче сыйныфлар арасында 1 урын - Миңнуллина Исламия, Сабиров Инсаф, 2 урын - Борһанова Талия, Мотыйгуллин Инсаф, 3 урын - Насретдинова Алия, Асадуллин Айзат; 6-9 нчы сыйныфлар арасында 1 урын - Салахова Илфия, Садриев Салават, 2 урын - Хәйруллина Айзилә, Шәрәфиев Айрат, 3 урын - Сәгдиева Ләйсән, Мотыйгуллин Фәнил. Укучыларыбызны котлыйбыз!

Укучыларыбызның иң нык яраткан фәннәре арасында, әлбәттә, рәсем (ИЗО) һәм хезмәт дәресләре беренче урында тора. Чөнки нәкъ менә шушы дәресләрдә алар рәхәтләнеп иҗади эш белән шөгыльләнә алалар. Менә бүген дә 5 нче сыйныф укучылары рәсем дәресендә төрле йортларның макетларын эшләү белән мәшгуль булдылар. Шулай ук, алар янына кунакка Насретдинова Л. дә килгән иде.

Бүген мәктәбебездә "Чаңгы юллары - 2017" дип аталган спорт-сәламәтләндерү чарасы үткәрелде. Әлеге чарада һәр мәктәп укучысы, укытучылар  һәм мәктәп хезмәткәрләре актив катнашты. Чаңгы ярышында зур күрсәткечләр күрсәтеп, җиңү яулаган укучыларыбызны чын күңелдән котлыйбыз!

Атна дәвамында мәктәптә химия фәне буенча төрле чаралар үткәрелеп килде. Бүген, исә, бу атналыкка йомгак ясау рәвешендә "Химик марафон" дип аталган интеллектуаль уен уздырылды. Уенда 8 нче сыйныф укучыларыннан торган ике команда: "Молекулалар" һәм "H2O" катнашты. Уен барышында "Молекулалар" командасы алдырып барса да, уен ахырына җыелган очколар тигезләште.

Химия атналыгы кысаларында бүген 8 нче сыйныфларда Сабирова Г.Х. әлеге фәннән ачык дәрес күрсәтте.

Химия атналыгы кысаларында бүген химия фәненнән имтихан бирүче  9 нчы сыйныф укучылары мәктәп күләмендә сынап карау имтиханы биремнәрен башкардылар.