Ана - балага җан өргән, якты дөнья бүләк иткән кеше. Бала өчен ул изгеләрдән-изге җан иясе. Шуңа да бала гомере буена ата-анага бурычлы, аның хакы үлчәнмәгән. Ана баланың шатлыгын да, кайгысын да үз йөрәге аша үткәрә. Ана өчен баланың алтыдагысы да, алтмыштагысы да сабый булып кала...

Бүген бакчабызда Әниләр көне уңаеннан "Әнием алтыным - минем иң якыным" исеме астында бәйрәм кичәсе булып узды. Бәйрәмдә нәниләр, беренче кечкенәләр, икенче кечкенәләр, уртанчылар төркемнәреннән ике Әни катнашты. Бәйрәм барышында Әниләр үзләре белән таныштырып,яратып эшләгән кул эшләрен тәгъдим иттеләр. Бәйрәм уеннар, икенче кечкенәләр, уртанчылар төркеме балаларының музыкаль чыгышлары белән үрелеп барды. Музыка җитәкчеләре Аухадиева Нурания Әюповна, Валиева Диләрә Илдусовна тырышлыгында әзерләнгән җыр, биюләр башкарылды, Әниләргә карата шигырьләр яңгырады. Исрафилова Миләүшә Корбангалиевна Әниләрне, Дәү Әниләрне якынлашып килүче Әниләр бәйрәме белән котлады һәм иң изге теләкләрен җиткерде. Бәйрәмдә катнашкан һәр Әнигә Мактау Грамоталары, балаларның үз куллары белән эшләгән бүләкләре тапшырылды.

Әниләр бәйрәме якынлашу уңаеннан "Уңган да соң, булган да соң безнең апаларыбыз" исеме астында бакчабызда эшләүче хезмәткәрләр тырышлыгында кул эшләренә күргәзмә оештырылды. Һәр хезмәткәр элеге күргәзмәдә теләп катнашты. Тегелгән, чигелгән, бәйләнгән; кәгазь, лента, табигать матераллары,бисер һәм башка бие күп төрле материаллардан ясалган эшләнмәләр күргәзмәдә үз урынын алды. 

Мәктәпкә әзерлек төркеме балалары Сафина Илзидә, Халимова Илиза I-дәрәҗә Диплом, Низамиев Булат, Хайрутдинова Камиля, Зарипова Чулпан II-дәрәҗә Диплом, Равилова Илсинә III-дәрәҗә Дипломнарга ия булдылар.  Тәрбияче Хуснулина Гүзәл Габдулхаевна, Каюмова Венера Аглиевна һәм конкурста катнашучыларны уңышлары белән чын күңелдән котлыйбыз, киләчәктә уңышлар теләп калабыз.

Төн буенча туктамастан,

Тышта ап-ак кар ява,

Капланып кырлар, болыннар,

Җир йөзе ап-аклана.

"Кар явадыр, кыш була!" - дип

Кычкыра бер яшь бала;

Үзен-үзе белми куана,

Кул чаба да шатлана.

               Нәҗип Думави

Икенче кечкенәләр төркеме балалары тәрбияче Фатихова Гүзәл Хәмзевна һәм физик тәрбия бирүче тәрбияче Аухадиева Нурания Әюповна белән берлектә саф һавада физик активлыкны үстерүче уеннар ярдәмендә балаларның сәламәтлеген үстерү, ныгыту буенча даими эш алып баралар. Саф һавада  булу, хәрәкәтле уеннар уйнау балаларның йөрәк-кан тамырларының, сулыш, мускул һәм организмының бөтен мөһим булган  системаларын ныгыта.

Биш елдан биш елга педагогларның квалификацион категорияләрен үстерү максатыннан аттестация үткәрелә. Өлкән тәрбияче Нурисламова Миләүшә Фәритовна аттестация үтү таләпләре белән педагогларны таныштыру, шәхси сайтны булдыру, кирәкле документларны әзерләү буенча тәрбиячеләргә аңлату эше алып барды.

18, 19 ноябрь көннәрендә районыбызда гражданнар оборонасы буенча өйрәнүләр бара. Бу өйрәнүләрдә безнең "Шатлык" балалар бакчасыннан  Исрафилова Миләүшә Корбангалиевна катнашты.

Балаларда әхлакый сыйфатлар, балаларның гаиләдәге хокуклары турындагы белемнәрен ныгыту, аларның ялга, уенга хокуклы булуларын аңлату, балаларга дус булырга кирәклеген төшендерү, аларда дуслык, әхлаклылык хисләре тәрбияләү, кеше бер-берсе белән нинди милләттән булуына карамастан, туганнарча аралашып яшәүгә хокуклы булу төшенчәсен бирү, бар кеше дә яхшы тормышка хокуклы, җирдәге тынычлык кешеләрнең үзләреннән торуын, бар халыклар да аңлашып, ирекле, тигез хокуклы булып, бер-берсе белән дус булып, аралашып яшәргә тиеш төшенчәләрен аңлауларына ирешү максатыннан 9-13 ноябрь көннәрендә “Безнең хокукларыбыз” атналыгы үткәрелде. Бердәм эшчәнлекләр барышында атналык тема буенча балалар белән әңгмәләр үткәрелде, әкиятләр укылды. Иллюстрацияләр, презентацияләр карап фикер алышулар алып барылды. Балаларның алган белемнәре "Безнең гаилә" - рәсемләү, "Минем өем" - кисеп-ябыштыру, "Мин ял итәм" - әвәләү эшчәнлекләрендә чагылды. 

Салкын, саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна,

Үзләре матур

Һәм салкын була.

Ә.Бикчәнтәева

Саф һавага чыгу һәм физкультура белән шөгылләнү  балалар өчен бик мөһим. Саф һавада йөрү һәм физкультура баланың сулыш юлларын чистарта, физик яктан активлаштыра, иммунитетын күтәрә.

Мәктәпкәчә яшьтәге балаларның физик үсешен ныгыту, үстерү иртәңге гимнастика, физкультура эшчәнлеге, хәрәкәтле, спорт уеннары, ярышлар аша алып барыла. Физик тәрбия эшчәнлеге атнага ике тапкыр залда, бер тапкыр саф һавада үткәрелә. һәр төркем балаларының яшь үзенчәлекләрен искә алып күнегүләр, төп хәрәкәтләр өйрәнелә, белгәннәре ныгытыла. Күнегүләрне ясаганда төрле предметлар (кубиклар, туплар, шалтыравыклар, ленталар, флагчыклар һ.б.) куллану балаларның игьтибарын җәлеп итә, кызыксынып, дөрес итеп эшләүгә этәргеч булып тора. Күнегүләрне эшләгәндә физик тәрбия бирү тәрбиячесе Аухадиева Нурания Әюповна балаларның төп торышны алып күнегүләрне дөрес эшләүләренә күп игьтибар бирә. Балаларның кул, гәүдә, аяк мускулларын ныгытуда, терәк-хәрәкәт аппаратының дөрес формалашып үсешендә, хәрәкәт активлыгын үстерүдә  төрле алым, ысулларны киң кулланып эшли.