Бүген бакчабызда озак еллар эшләүче Абубакирова Дания Хакимовнаның 55 яшьлек юбилее булып узды. Дания Хакимовнаны котларга Саба районы мәгариф бүлегенең әйдәп баручы белгече Гумерова Луиза Мажитовна килде һәм озак еллар бер урында намуслы хезмәт иткәне өчен Мактау Грамотасы һәм истәлекле бүләк тапшырды.

Дания Хакимовна!!!

Гомерең хәзинәсенә

Өстәлде тагын бер ел,

Монайма еллар үтә дип,

Елмай син - бәхетле бул!

Котлы булсын бәйрәмең,

Тыныч булсын күнелең,

Шатлык-сөенечләр белән

Тулы булсын гомерең!

Гамьле еллар, амьле көннәр

Телибез чын йөрәктән!

Һич кичекми чынга ашсын

Безнең күркәм теләкләр!

Һәр кешенең, балаларыбызның сәламәтлеген саклау һәм ныгыту һәр шәхес өчен, тулаем җәмгыять өчен зур әһәмияткә ия. Балаларыбызның сәламәтлеге - ул киләчәк буыннарның сәламәтлеге.Шул максаттан чыгып балаларны кече яшьтән спорт төрләре белән таныштыру, сәламәт яшәү рәвеше алып бару, физик культура, спорт белән шөгыльләнергә теләк уяту, балаларда хәрәкәт активлыгына ихтыяҗ формалаштыру, сәламәтлекләренә карата игътибарлык, сак караш тәрбияләү буенча күп кырлы эш алып барыла. Кыш ап-ак җәймәсе белән җир өстен каплагач физик тәрбия бирү җитәкчесе Аухадиева Н.А. зурлар, мәктәпкә әзерлек төркеме балаларын чаңгыга алып чыга.Чаңгыда басып тору, йөрү, шуып бару алымнарын өйрәтә. Саф һавада чаңгыда йөрү яшь организымга бик файдалы, чөнки гәүдәнең барлык мускулатурасы, сулыш алу органнары актив хәрәкәттә. Балалар чаңгыга чыгуны көтеп алалар, теләп шөгыльләнәләр.

Бүген бакчабызда гимназиянең 5 Б класс кызлары "Хуш киләсең, Яңа ел!" темасы астында концерт номерлары белән чыгыш ясадылар. Кызларның чыгышларын уртанчылар, зурлар, мәктәпкә әзерлек төркеме балалары җылы кабул иттеләр. Кызларның күмәк биюләре, җырлаулары, нәфис сүзгә оста булулары сокландырды. Сыйныф җитәкчесе Мирасова Алсу Илдусовна, укучы кызларга матур чыгышлары өчен рәхмәтебезне җиткерәбез. Киләчәктә тырышып укуларын, уңышларга ирешүләрен теләп калабыз.

Кошлар җир йөзендә иң күп таралган тереклек иясе. Хәзер аларның бик күп төре бар. Татарстанда җәй көннәрендә 200 дән, ә кышын 40 төрдән артык кош очратырга мөмкин. Кошлар очарга җайлашкан. Шуңа күрә аларны кырыс Антарктидада да, биек тау кыяларында да очратырга мөмкин. Кошларның иң кечкенәсе – колибри, ә иң зур кош – Африка тәвә кошы(страус). Алар иң оста йөгерүчеләр. Ә иң көчле кошлар – бөркетләр. Үсемлек орлыкларын таратуда канатлы дусларыбыз зур өлеш кертәләр.Алар миләш, шомырт, кара җиләк кебек күп төрле үсемлекләрнең сусыл җимешләрен чүпли-чүпли бер урыннан икенче урынга күчерәләр, зарарланмаган орлыкларны читкә тараталар. Имән чикләвеген дә башка урынга күчерә алалар. Кышкы салкын көннәрдә кошлар өчен җимлекләр, оялар элергә кирәк! Кошларны куркытырга, алар бала чыгарганда, ашатканда шауларга, ояларын туздырырга, йомыркаларга, кошчыкларга тияргә ярамый. Тәрбияче Фәсхиева Гөлгенә Тәлгатовна уртанчылар төркеме балаларын кошлар, аларның яшәү рәвеше белән таныштырды.

Кыш җиттеме – кошлар өчен

Без ашханә ачабыз:

Җимлекләр ясап эләбез,

Кошларны ашатабыз.

Килегез, кил, кошкайлар,

Сез бит безнең дускайлар.

Җимлеккә сез куныгыз,

Көн дə кунак булыгыз.

Уртанчылар төркеме балалары тәрбияче Саматова Ләйлә Исмагиловна белән берлектә кошларга җимлек элделәр.

Балаларда кошларга сакчыл караш мәрхәмәтлелек, кайгыртучанлык тәрбияләү, ярдәм итәргә теләк тудыру, аларны рәнҗетмәскә кирәклеген төшендерү; кошлар турында белемнәрен баету, ныгыту, өлкәннәр ярдәмендә җимлекләр куярга өйрәтү, аларга кешеләрнең ярдәме бик әһәмиятле булуын аңлату; тышкы билгеләренә (төсе, зурлыгы), үз-үзләрен тотышларына карап, кышлаучы һәм күчмә кошларны аерып күрсәтә белү күнекмәләрен үстерү максатыннан 7-12 декабрь көннәрендә "Бездә кышлаучы кошлар" атналыгы үткәрелә. Атна темасы буенча төркемнәрдә балалар белән күзәтүләр, әңгәмәләр алып барылды. Алган белемнәрен балалар кисеп ябыштыру, рәсемләү, әвәвләү эшчәнлекләрендә кулландылар. Мәктәпкә әзерлек төркеме балалары тәрбияче Гүзәл Габдулхаевна белән берлектә кагәзьдән конструкцияләү эшчәндегендә "Бездә кышлаучы кошлар" темасына ала каргалар  ясадылар.

Балаларны саф һавага алып чыккач хәрәкәт активлыгын үстерү буенча күп кырлы эш алып барыла. Хәрәкәтле, спорт уеннары, ярышлар, эстафеталар үткәрелә. Икенче кечкенәләр төркеме балалары белән Нурания Әюповна "Капкага тупны керт", "Самолетлар", "Ябалак һәм кошлар" уеннарын уйнатты.  Уеннар барышында балалар тупны төз атуда, җитезлектә көч сынаштылар, игътибарлылык, сигнал буенча хәрәкәт итү күнекмәләре ныгытылды.

Кыш, кар үзенчәлекләре турында балаларның белемнәрен тирәнәйтү;табигатьтә ел фасыллары буенча барган үзгәрешләр турындагы белемнәрен системалаштыру;кышкы табигатькә хас билгеләр турындагы белемнәрне ныгыту;җәнлекләрнең, кошларның кышка ничек җайлашуы турындагы белемнәрне арттыру;кышкы салкын көннәрнең кошлар, хайваннар, кешеләр өчен иң авыр вакыт булуын ачыклау; балаларны әдәби әсәр аша кышның тасвирланышы белән таныштыру; серле табигать күренешләренә соклану хисләре һәм мәхәббәт уяту; балаларда шигырь юллары аша кышкы табигатькә соклану хисләре, мәхәббәт тәрбияләү;табигатькә сак караш, экологик бәйләнешләрне күрә белү сыйфаты тәрбияләү максатыннан 30 ноябрь - 4 декабрь көннәрендә "Ак ефәктәй кыш килде" атналыгы үткәрелде. Йомгаклау чарасы итеп уртанчылар, зурлар, мәктәпкә әзерлек төркеме балалары белән шигырь бәйрәме үткәрелде, балаларның ясалган эшләреннән күргәзмә оештырылды.

Йомшак су, йөгерек су!

Син мине чиста ю!

Бер тап та калмасын.

Битләрем аллансын,

Кулларым агарсын.

Тешләрем тазарсын..

Авызым елмайсын,

Колгым тыңласын,

Йомшак су, йөгерек су!

Һәммәсен чиста ю!

                 Җ.Тәрҗеманов