21 октябрь көнне бакчабызда район күләм яшь мөдирләр семинары булып узды. Семинарның көн тәртибенә мөдирләрне эш тәртибе, документларны тәртипләп алып бару, өлкән тәрбиячеләрне мәктәпкәчә белем бирү оешмаларында тәрбия һәм белем бирү өлкәсендәге эшчәнлекне оештыру сорулары куелды.Семинарны Саба районы мәгариф бүлегенең әйдәп баручы белгече Гумерова Луиза Мажитовна эшчәнлек тәртибе таныштырып башлап җибәрде. Мәктәпкә әзерлек төркеме балалары кунакларны музыкаль сәламләү белән каршыладылар һәм хәерле эш көннәре теләделәр. Семинарның эше беренче кечкенәләр төркемендә танып белү, сөйләм телен үстерү, иҗади-сәнгать өлкәләрен интегральләштереп бердәм белем бирү, мәктәпкә әзерлек төркемендә танып белү эшчәнлекләрен күзәтү белән дәвам итте. Логопед Валиева Гөлнара Ринатовна мәктәпкә баручы балаларның сөйләм телендә булган кимчелекләре һәм аларны бетерү өстендә алып барылган эш, эш алымнары белән таныштырды. Шәмәрдәннең "Салават күпере" балалар бакчасының өлкән тәрбиячесе Кабирова Фәйрүзә Хатипьяновна методик эшчәнлекне оештыру, алып бару турында сөйләде. Исрафилова Миләүшә Корбангалиевна мөдирләрнең эш доукментларын алып бару тәртибе белән тирәнтен таныштырды. Мөдирләр һәм өлкән тәрбиячеләр мәктәпкәчә тәрбия һәм белем бирү оешмаларныда  нәтиҗәле эшчәнлекне оештыру  буенча үзара фикер алыштылар.

Беренче кечкенәләр төркеме балалары тәрбияче Сафиуллина Әлфия Камилевна, тәрбияче ярдәмчесе Мухлисуллина Гөлия Хәмитовна белән берлектә килгән кунакларга "Куянкай бездә кунакта" темасына ачык эшчәнлек күрсәттеләр. Балалар куянкайны зур һәм кечкенә, күп һәм берәү дә юк төшенчәләре белән таныштырып, төсләрне аера белергә ярдәм иттеләр. Куянкайның кишер, кәбестә яратуын белеп аңа кышка күчтәнәч биреп җибәрделәр. Балалар кечкенә генә булсалар да тәрбияченең соравына аңлап җавап бирәләр, уеннарда теләп катнашалар.

Мәктәпкә әзерлек төркеме балалары тәрбияче Хуснулина Гүзәл Габдулхаевна белән берлектә "Без яшь лаборантлар" темасы астында танып белү өлкәсендә бердәм эшчәнлек күрсәттеләр. Төз һәм шикәр комының үзенчәлекләрен белән танышу буенча тәҗрибәләр үткәрделәр. Төсе, тәме, исе, формасы буенча аермалыкларын чагыштырып, нәтиҗәләр ясадылар.

"Икмәк - тормыш нигезе" атналыгы барышында һәр төркемдә балаларга тәрбиячеләр икмәкнең өстәлгә килгәнче нинди юллар үтүен аңлаттылар. УМК кулланма рәсемнәре, презентацияләр ярдәмендә игенчеләр хезмәте белән таншытырдылар. Башка бик күп хезмәт ияләренең хезмәте кергәнен аңлаттылар, ипине кадерләргә кирәклеген төшендерделәр. Атна ахырында әти-әниләрнең балалар белән берлектә "Икмәк ил байлыгы" темасына ясап алып килгән китапчыкларыннан күргәзмә оештырылды.

Бүген бакчабызның зурлар, мәктәпкә әзерлек төркеме балалары Әүхәдиева Нурания Әюповна җитәкчелегендә Саба районының оешуына 85 ел тулу, балалар арасында балалар һәм татар халык җырларын, биюләрен башкару, нәфис сүз, халык уен коралларында уйнаучыларны ачыклау уңаеннан Саба районы Башкарма комиететы мәдәният бүлеге, Шәүкәт Биктимиров исемендәге район мәдәният йорты белән берлектә оештырган "Бәхет иле - балачак" район күләм конкурсында катнаштылар. "Туган ягым" шигыре белән - нәфис сүз,"Милләтләр дуслыгы" исемле композиция белән - бию, "Саба" җыры белән - җыр номинацияләрендә чыгыш ясадылар һәм  финалга үттеләр. Конкурста катнашкан һәр балага, җитәкчеләре Нурания Әюповнага киләчәктә зур уңышлар теләп калабыз.