Район мәктәпләре арасында  фән олимпиадалары дәвам итә. 21 ноябрь  көнне  олимпиада биология фәненнән үткәрелде. Мәктәбебездән   әлеге сынауга Мөбәрәкҗанов Айрат, Рахимов Илзат, Рахимуллина Чулпан, Габдрахманов Зөлфәтләр катнашты.   Әлеге укучыларның уңышлары сөенерлек. Ә  җиденче сыйныф укучысы Мөбәрәкҗанов Айрат (укытучысы Хаҗиева Альфира Рифкатовна) II нче призлы урын алуга иреште.

        Укучыларыбызга  алдагы  сынауларда зур  уңышлар телибез!

21 ноябрь  көнне  Биектауда "Заказанские  научные чтения / Казан арты фәнни укулары", "Человек и природа  в Заказанье . Иске-Казанский  историко-культурный  и природный комплекс: проблемы изучения.,сохранения  и использования  объектов  историко-культурного и природного наследия" дигән темага фәни практик конференция булды. Культура  елы уңаеннан үткәрелгән региональ конференциядә мәктәбебезнең тарих укытучысы Сафин Илдар Фатхуллович  катнашты.

21 нче ноябрь көнне башлангыч сыйныф укучылары "Законнар кайда туа?" дигән тема астында законнар иленә сәяхәт иттеләр. Бурычлар һәм хокуклар белән укучылар бик теләп таныштылар. Аларга төрле биремнәр бирелде. Укучылар "Белем шәһәрендә", "Биремнәр тукталышы" нда, "Кагыйдәләр шәһәрендә", "Бәхетле балачак илендә" булдылар. Һәр укучы биремнәрне үтәүдә катнашты, үз фикерләрен җиткерергә омтылдылар.

Сегодня ученики 11 класса приняли участие в  апробации итогового сочинения по русскому языку. В ней участвовали  8 одиннадцатиклассников. Выпускники отрабатывали экзаменационную технологию, познакомились с порядком, процедурой написания, правилами поведения.

ТИН укытучысы Мөбәрәкҗанов Р.Р. укучыларны, кышкы чорда куркынычсызлыкларын тәэмин итү максатыннан, ТРның Министрлар кабинеты тарафыннан булдырылган "Правила охраны жизни людей на водных обектах" (23.04.2009)  кагыйдәләре белән таныштырды.

Чиләбе шәһәрендә үткәрелгән Рус шашкасы ярышларында  Татарстанны ң җыелма командасы Россия күләмендә  III  урынга лаек булды. Ә леге Команда составында мәктәбебез горурлыгы Гүзәл Кәримованың булуы да куанычлы. Аларны зур уңышлары белән котлыйбыз.

Бүген мәктәбебездә класс сәгатьләрендә, Парламент дәресе - 2014 кысаларында, укучыларда гражданлык активлыгы тәрбияләү, хокукый культура булдыру, РФ нең дәүләт идарәсенең закон чыгару органнарының роле, урыны турында һәм шушы максаттан үткәреләчәк республика конкурслары турында сөйләшүләр алып барылды.

14 ноябрь көнне саба районы балалар иҗат үзәгендә 14 ноябрь көнне саба районы балалар иҗат үзәгендә Кәрим Тинчурин исемендәге Татар дәүләт драма һәм комедия Театры артисты Рөстәм Гайзуллин белән очрашу булды. Бу очрашуга безнең мәктәптән өстәмә белем бирү педагогы Зилә Ильгизовна җитәкчелегендә театр түгәрәгенә йөрүче укучылар катнашты. Рөстәм Гайзуллин укучыларга театр дөньясы турында күп мәгълүмат бирде. Төрле образларга кереп, укучылар үзләренең актёрлык осталыкларын сынап карадылар, башка мәктәп укучылары белән аралаштылар, фикер алыштылар. Безнең мәктәп укучылары өчен бу очрашу аеруча кадерле булды, чөнки Рөстәм Гайзуллинның әнисе Юлбат авылы кызы. Без аңа иҗат уңышлары, гаилә бәхете, сәламәтлек телибез һәм алга таба да шундый очрашулар көтеп калабыз.

13 ноябрь көнне "Саба дулкыннары" телерадиокомпаниясендә "Мәктәпләр тормышы" чыгышында безнең мәктәп тапшыруы булды. Аны Рахимуллина Резеда белән Ганиев Ришат алып бардылар. Шулай ук ​​тапшыруда Гайфуллина Альбина, Каюмова Ясминә катнашты.Чыгышлар аралыгында Сәйфуллин Миңсур, Мансуров Райнур, Галләмова Алсу, Вәлиев Илгизәр, Рәхимуллина Резеда, мәктәбебезне тәмамлап чыккан Хаҗиев Айсаф җырлары яңгырады.

Мәктәбебезнең 10 нчы сыйныф укучысы Гүзәл Кәримова 7-9 ноябрь көннәрендә Татарстан беренчелегенә үткәрелгән рус  шашкасы  буенча ярышларда катнашып,  III урынга лаек булды. Гүзәл диплом, медаль һәм акчалата премия белән бүләкләнде.  Гүзәлне алга таба да зур ярышлар көтә. Ул 12-16 ноябрь көннәрендә Татарстан җыелма командасы составында Чиләбе шәһәрендә  үткәреләчәк  Бөтенроссия ярышларында катнашачак. Гүзәлгә зур уңышлар телибез!