1нче октябрь Халыкара өлкәннәр көне итеп билгеләп үтелә. Шул уңайдан, мәктәбебезгә  төрле елларда хезмәт  куйган ветеран укытучылар һәм техник хезмәткәрләр чакырылды.

       Өлкәннәребез өчен мәктәп коллективы тарафыннан концерт  номерлары  әзерләнде.  Кичәнең икенче өлеше  чәй өстәле артында дәвам итте. Килгән кунаклар бүгенге мәктәбебезнең  матурлыгына сокландылар.  Үзләренең рәхмәт сүзләрен җиткерделәр. Әлеге очрашу аларның күңелләрендә озак еллар сакланып калыр.

1 октябрь – өлкәннәр көне. Шушы уңайдан мәктәбебездә өлкәннәрне котлау, кунакка чакыру  максатыннан открыткалар  таратылды. Юлбат урта гомумбелем бирү  мәктәбендә әлеге чара 3 октябрь көнне уздырылачак.

Сәламәтлек ташламасын Сезне,

Һәр көнегез үтсен шатлыкта.

Яшәү яме, тормыш матурлыгы

Насыйп булсын Сезгә картлыкта.

Без, Юлбат урта мәктәбенең 5-6 сыйныф укучылары, технология укытучысы Мөбәрәкҗанов Р.Р. җитәкчелегендә   28 сентябрь көнне Лесхозның агач эшкәртү комбинатында экскурсиядә булдык. Анда  урман һәм агач эшкәртүчеләрнең һөнәрләре белән таныштык. Экскурсия файдаллы һәм күңелле узды.

 Хөрмәтле яшь парлар Фәргать Тәлгатович  - Диләрә Илгизовна! 

Сезне чын күңелдән   Юлбат урта мәктәбе  коллективы исеменнән гомергә бер генә килүче иң матур бәйрәмегез – туй көнегез белән чын күңелдән тәбрик итәбез!

      Гомер юлыгыз гүзәл гөлләр, матур эшләр белән бизәлсен. Ә Сез шул юлдан кулны – кулга, иңне-иңгә куеп мәңге бергә атлагыз! Сәламәтлек,татулык,сабырлык,тугрылык иң якын юлдашларыгыз булсыннар. Гаиләгез шат сабыйлар тавышына күмелсен һәм һичкайчан сүнмәсен. Әти-әниләрегезне, туганнарыгызны якын итеп, үз итеп яшәгез!  Дусларыгыз тормышта таянырлык булсын.

     2 нче, 3 нче сыйныф укучылары “Көзге балл” бәйрәмен түземсезлек белән көтәләр. Әлеге бәйрәмгә җыр һәм шигырьләрен укучылар ятлап әзерләп куйдылар инде. Ә хәзер “Көзге яфраклар композициясе” дигән күргәзмәгә әзерләнәләр. Экскурсия вакытында җыеп кайткан төрле төстәге яфраклардан әзерләнгән эшләнмәләр әлеге күргәзмәгә менә дигән экспонат булачак.

В целях  формирования эстетических идеалов и развития речи, ученики 8 класса под руководством учителя русского языка и литературе Галявиевой М.М. провели урок русского языка на природе. Тема урока «Сочинение по картине В.В.Мешкова «Золотая осень в Карелии»». Для более глубокого понимания чувств художника ученики любовались природой своего  края, сравнивали с пейзажем Карелии. Оценивали колорит, палитру цветов, всеми любимую и самое необычное время года - осень!

 27 нче сентябрь  көнне, “Җиребезне чүпләрдән арындырыйк” акциясе кысаларында, Татарстан Республикасының барлык гомуми белем бирү йортларында “Чисталык дәресләре” үтте.Безнең Юлбат урта гомуми белем бирү мәктәбендә дә һәр сыйныфта төрле темаларга карата дәресләр, тәрбияви чаралар, эшлекле уеннар, кызыклы викториналар оештырылды.

Шимбә, ягъни 22 нче сентябрь көнне, дәресләрдән соң,   мәктәбебездә укучыларны  физкультура белән даими шөгыльләнүгә тарту, сәламәт яшәү рәвешен пропогандалау максатыннан “Татарстан кроссы – 2012” үткәрелде. Кросста барлык сыйныф укучылары, укытучылар, техперсоналлар  катнашты. Кроссның озынлыгы 2013 елда Казанда  узачак универсиада хөрмәтенә 2013 метр итеп билгеләнде.

Бүген,  22 сентябрь көнне,  Юлбат урта мәктәбе районда үткәрелгән ярминкәдә  катнашты.   Сатуда  мәктәп-тәҗрибә участогында үстерелгән яшелчә һәм җиләк-җимешләр  тәкъдим ителде.  Бу ярминкәдә укучылар һәм укытучыларның да  өлеше зур булды.

Безнең  мәктәптә башлангыч сыйныф укучылары дәрестән соң төрле төрдәге эшчәнлек белән шөгыльләнәләр. Күңелле грамматика, инглиз телен уеннар аша, хәрәкәтле уеннар, төрле юнәлештәге проект эшчәнлеге, рәсем сәнгате , оригами, китаплар иленә сәяхат, мин туган илемне яратам,серле шахмат дөньясы тематикалары буенча үткәрелгән дәресләр укучыларга төрле яклап үсәргә ярдәм итә. Укытучылар дәресләрне мавыктыргыч һәм кызыклы итеп үткәрәләр. Укучылар бу дәресләрдән күп мәгълүмат алып чыгалар.