3 нче сыйныфта «Казан – универсиада 2013 нең башкаласы» - дигән темага класс сәгате укучылар өчен мавыктыргыч һәм файдалы үтте. Сыйныф җитәкчесе Низамиева Ф.Ф. презентация аша Казан каласында үтәчәк студент – спортчыларның олимпиа уеннары хакында сөйләде. Универсиаданың талисманы булган “Юни” исемле песи белән таныштырды. Эмблемасын күрсәтеп аның һәр элементы турында аңлатып үтте. Универсиаданың логотипына кергән тюлпан чәчәгенең татар халык орнаментының бер өлеше булуын; аның яшьлек, бәхет һәм җәй символын берләштерүен ишетү укучыларга аеруча кызыклы булды. Сыйныф сәгате югары дәрәҗәдә үтте.

Мәктәбебездә Белем бәйрәме күтәренке рухта узды. Быел мәктәбебезнең 1 сыйныфына 5 укучы тәүге адымнарын атлады. 6 укучы 11 сыйныфны тәмамлаячак. Бәйрәмдә район кунаклары, җирле җитәкчеләр, әти-әниләр дә катнашты. Үзләренең изге теләкләре белән алар бәйрәмгә ямь өстәделәр.

1 сентябрь - Белем бәйрәме белән барыгызны да котлыйбыз, эшегездә зур уңышлар телибез!

22 август көнне укытучыларның август конференциясе узды. Укытучыларыбыз Шакирзянова Ф.Г., Каримова Р.Р., Фаляхов З.В. мәгариф өлкәсендәге эшчәнлекләре өчен Мактау грамоталарына лаек булдылар.

Аларны чын күңелебездән уңышлары белән котлыйбыз, исәнлек-саулык телибез!

16-17 август көннәрендә Саба кадет интернат-мәктәбе һәм Килдебәк урта мәктәбе базаларында укытучыларның секция эшләре булып узды. Секция эшләрендә 2011-2012 нче уку елы буенча йомгаклау, методик берләшмәләрнең яңа уку елына планнары билгеләнде. Һәр фәннең төп проблемалары буенча алдынгы укытучыларның чыгышлары тыңланды. 

Барлык укытучыларыбызга  2012-2013 нче уку елына эшләрендә зур  уңышлар, саулык-сәламәтлек телибез!

Мәктәбебездә бакчада эш җәйге каникул дәвамында гөрләп бара. Укучылар да,  укытучылар да бакча хезмәтенә үзләренең көчләрен куялар. Хәзерге вакытта чүп утау, су сибү белән шөгыльләнәләр. Укытучылар коллективы суган, бәрәңге түтәлләрен чистарталар.

30 июньнән 20 июльгә кадәр  Гайфуллина Албина, Зайнуллина Ләйсән "Кояшкай" лагеренда ял итәчәкләр. Күңелле яллар сезгә. 
 

11 сыйныф укучыларыбыз бүген чыгарылыш кичәсен уздыра. Башта район үзәгендә районыбыз башлыгы  Миннеханов Р.Н. , мәгариф бүлеге һәм мәгълүмати методик үзәге хезмәткәрләре  исеменнән алдагы тормышларына юлламалар алсалар. Аннары туган мәктәпләре, мәктәп коллективы белән хушлашу кичәсе оештырылды.

Юлбат урта гомумбелем бирү мәктәбендә "Хыял" ял һәм сәламәтләндерү лагереның икенче атнасы да төгәлләнә. "Инглиз теле бездә кунакта" дип исемләнгән әлеге атна лагерь балалары өчен бик тә кызыклы, истә калырлык булды. Инглиз теле укытучыларыбыз әзерләгән мавыктыргыч программа: инглиз телендә җырлар, шигырьләр, кросвордлар һ.б. кызыклы уеннар. Андый җәлеп итәрлек мизгелләрне безгә үзе шул җирләрдә ял иткән укытучыбыз Рәмзия Гәбдрәүфовна бүләк итте.

Нәкъ Казан артында бардыр бер авыл Кырлай диләр...

Казан эчендәге "Шүрәле-Кырлай" паркын лагерь балалары өчен җанландыргыч урын булды.

Бүгенге көнебез  "Хыял" лагерена йөрүче балалар белән Казанга сәяхәткә бару. Төрле уеннар уйнау, аттракционнарга керү, табигать кочагында ял итү. Балалар Казаннан шатлыклы һәм кызыклы тәэсирләр белән кайттылар.

"Хыял" лагереның икенче көне матур кояш иртәсе белән башланып китте. Бүгенге көнебез Саба район үзәгенә  сәяхәт...