Укучылар дәрестән тыш вакытларда мәктәп яны тәҗрибә участогында эшләргә дә вакыт табалар. Бу көннәрдә алар бик тырышып утырту өчен җир әзерләү белән мәшгуль: казыйлар, черемә кертәләр, тырмалыйлар. Бары тик хезмәт куеп кына зур уңыш җыеп алырга мөмкин икәнен һәр бала да белә.

Хөрмәтле Дания Гайфетдиновна!

Туган көнең-юбилеең белән
Чын күңелдән сине котлыйбыз.
Сәламәтлек, шатлык-куанычлар,
Күңел тынычлыгы телибез.
Юлларыңа ак бәхетләр яусын,
Шатлык балкып торсын йөзеңдә.
Кайгы-хәсрәт баш очыннан узсын —
Шул теләкләр бездән үзеңә.

Юлбат мәктәбе коллективы.

 9 май-Җиңү бәйрәме уңаеннан авылыбызда Бөек Ватан сугышы каһарманнарына куелган һәйкәл янында митинг оештырылды. Бәйрәм мәдәният хезмәткәре Мубаракзянова С.С. тарафыннан алып барылып укучыларның, авыл үзешчәннәренең чыгышлары белән үрелеп барды.

3-4 май көннәрендә КФУ тарафыннан физика һәм математика фәннәре буенча интернет-олимпиадалар үткәрелде. Бу олимпиадада 7 сыйныф укучылары: Кәримова Гүзәл, Гумеров Азат, Ганиев Ришат һәм Төхбәтуллин Фәннүрләр катнаштылар. Олимпиада кысаларында фәннәр буенча булган белемнәрен сынадылар. Алга таба да аларга укуларында уңышлар,  фәнне үзләштерүдә биек үрләр яулауларын телибез.

2 нче сыйныф укучысы Хузин Альмир регионара фәнни-эзләнү конференциядә катнашу максатында озак еллар ат караучы булып эшләгән, хөрмәткә лаек булган Нәфисә апалар гаиләсендә булып, үзенең чыгышы өчен мәгълүмәт туплады.  Үзе әзерләгән сорауларның барсына да җавап таба алганына, атлар карау тарихы белән танышуына, истәлекле фотолар туплый алуына чиксез куанды ул.

Хөрмәтле укытучылар , укучылар!

  Сезне 1 май- Яз һәм хезмәт бәйрәме белән котлыйбыз! Сезгә эшегездә, укуыгызда зур уңышлар, саулык-сәламәтлек, күңел күтәренкелеге, бәхет, шатлык телибез.

Мәктәп коллективы.

26 нчы апрель көнне район күләмендә фән олимпиадаларында җиңү яулаган укучылар Саба район мәдәният сәхнәсендә тәбрикләү тантанасында катнаштылар. Безнең мәктәптән 9 нчы сыйныф укучысы Фәләхова Фәридә татар теленнән 1 нче урын (укытучысы Галимуллина Д.Г.), химиядән 2 нче урын (укытучысы Хаҗиева А.Р.), Фатхриева Альбина физкультурадан 2 нче урын  (укытучысы Фәләхов З.В.), Кәбирова Сиринә  экологиядән 3 нче урын (укытучысы Хаҗиева А.Р.) алганнары өчен район мәгариф бүлегенең Грамоталары белән бүләкләнделәр.

          Җиңүчеләрне котлыйбыз, алга таба да уңышлар телибез!

   Мәктәбебездә “Шигъри яз – Тукай язы” дип исемләнгән татар теле һәм әдәбияты атналыгы бара. Атналыкның беренче көнендә укучыларга бөек шагыйрь Г.Тукай иҗаты буенча  әдәби викторина сораулары тәкъдим ителде.  Шагыйрь әсәрләренә карата укучылар ясаган иллюстрацияләрдән күргәзмә оештырылды.  Шулай ук Г.Тукай тормышы һәм иҗатына кагылышлы кызыклы мәгълүматлар да күргәзмәдә урын алды.

Мәктәбебезнең  7 нче сыйныф укучысы  Кәримова Гүзәл Раил кызы шушы көннәрдә  “Орленок” – Бөтенроссия  балалар  үзәге лагеренда  булып кайтты. Гүзәл  лагерьда  да  үзенең тырыш, актив укучы  икәнен күрсәтте. Лагерьлар  арасында    үткәрелгән   шашка ярышында   I урын, шахмат ярышында   II  урын   алды.  Лагерлар   арасында   үткәрелгән   иң-иңнәр  арасында   иң актив  укучы грамотасына ия булды. Гүзәлне чын күңелдән  уңышлары   белән  котлыйбыз, алга  таба да уңышлар  телибез!

26 апрель  көнне, Казан  милли  эзләнү технология университеты кысаларында үткән “Вперёд в прошлое -2012 !”бәйгесенең  “Моё открытие ”  номинациясе җиңүчеләре ,” Вперёд  - в прошлое.  Историко – архитектурное  наследие Отечества” дип аталган йомгаклау конференциясендә катнаштылар. Алар арасында  5 нче сыйныф укучысы Галлямова Алсу Фирдинатовна да бар иде. Ул “Тенеки көмешчесе” дип аталган проект эше белән ,   уңышлы чыгыш ясады һәм   җиңү яулап   I  урынга лаек булды. Ул диплом һәм кыйммәтле бүләк белән бүләкләнде.