«Башлангычлар атналыгы» барышында 2 нче сыйныфта технологиядән ачык дәрес күрсәтелде.

Алар  -   IX  «Эрудит»  Халыкара  дистанцион математик олимпиадасы  җиңүчеләре!  5нче сыйныф укучылары  Мөбәрәкшин Нәфкать  1нче , Рәхимов Илзат 2 нче  урын яулап, җиңүче Дипломына лаек булдылар.

                 14 нче март көнне мәктәптә районның “Балкыш” халыкны социаль яклау үзәгенең гаиләгә һәм балаларга социаль ярдәм күрсәтү бүлеге белгечләре белән очрашу булды. Алар укучыларга үз-үзеңне төрле ситуациядә  яклый белү, начар гадәтләргә каршы тору, сәламәт яшәү рәвеше алып бару турында видеороликлар ярдәмендә аңлаттылар, буклетлар тараттылар.

Мәктәптә  башлангыч  сыйныфлар  атналыгы  дәвам итә. Ә бүген исә укучылар “Китаплар иленә сәяхәт" дип аталган  кичә кунаклары булдылар.

Китапханәче Энҗе Вазиховна укучыларны  китаплар хакында бик күп  мәгълуматлар белән таныштырды. Китаплар барлыкка килү тарихы исә бигрәк тә кызыклы иде.

Бу кичәдән балалар матур  уйлар белән таралды.

.

Мәктәбебезнең 25 укытучысы да "Школа цифрового века" проектында катнашып "1 сентября" нәшриятенең үз профильләренә туры килүче  электрон басмаларына язылдылар.  Проектта катнашып укытучыларның һөнәри белемнәре тагын да артыр дип ышанып калабыз.

Бүген мәктәптә "Аҗаган-2012" уены узды. Уенда азимут табуга бирем, мина эзләү, мылтыктан ату, граната ыргыту, аркан тартышу турлары үткәрелде. 5,8,9, 11 сыйныф укучыларыннан торучы "Патриот" командасы җиңде.

Аларны җиңүләре белән котлыйбыз!

Хөрмәтле хатын-кызларыбыз!

Сезне чын күңелдән 8 март - Халыкара хатын-кызлар көне белән тәбрик итәбез! Сезгә кояштай озын гомер, корычтай нык сәламәтлек, шомырт чәчәгедәй ак бәхетләр, авыр, ләкин мактаулы эшегездә зур уңышлар, гаиләгездә тынычлык-иминлек телибез.

Мәктәп администрациясе һәм ир-ат укытучылар.

Кабатланмас балачак иленең иң зур бәйрәмнәренең берсе – Әлифба бәйрәме.Чөнки  һәркемнең белем дөньясына беренче адымы Әлифбадан башлана. 1 сыйныфта  укучыларыбызның әлеге матур бәйрәме – мәктәбебездә әтиләр – әниләр катнашында узды.  Укучылар үзләренең белемнәрен , осталыкларын күрсәтеп әти – әниләрен шатландырып шигырьләр сөйләделәр, җырлар җырладылар. “Әлифба” һәм “Туган телнең”киңәшләрен тыңлап , аларга алга таба да тырышып укырга сүз бирделәр.

Сез үсә – үсә буйга җитәрсез,

Бәлки юлыгыз китәр еракка

Кайда йөрсәгез , кем булсагыз да

Онытмас сезне җан дус – Әлифба!                                         

6 мартта Юлбат урта гомумбелем бирү мәктәбендә информатика укытучыларының "Информатика һәм МКТ дан елдагы конкурсларны үткәрү методикасы" дигән темага район семинары узды.  Семинар кысаларында 8 сыйныфта "Компьютер графикасы. Растрлы һәм векторлы графика" дигән темага ачык дәрес һәм "Минем дустым-компьютер" дигән класстан тыш чара үткәрелде. Дәрес укыту стандартлары буенча интерактив такта мөмкинлекләрен кулланып алып барылды. Укучылар ачык чаралардан яңа белемнәр үзләштереп күңел күтәренкелеге  белән чыктылар.

Күренекле галим, тел белгече Әбрар Кәримуллинның иҗади мирасын өйрәнүгә багышланган фәнни-гамәли конференциянең "Милли-мәдәни мирас" номинациясендә III урын яулап Дипломга лаек булган 9 нчы сыйныф укучысы Хәмитова Әдиләне, аның фәнни җитәкчесе Галимуллина Дания Гайфетдиновнаны котлыйбыз!