18 гыйнвар көнне Юлбат урта гомуми белем бирү мәктәбе базасында химия- биология укытучыларының  ресурс үзәк планы буенча семинары  үткәрелде.                                 

Семинар барышында түбәндәге чаралар план нигезендә оештырылды.

1)    “Матдәләр арасында генетик бәйләнеш” темасы буенча күнегүләр чишү методикасы. I категорияле  химия-биология укытучысы Хаҗиева А.Р.

2)    “Биологиядән БДИ биремнәре чишү” темасы буенча күнегүләр чишү методикасы. I категорияле  химия-биология укытучысы Хаҗиева А.Р.

3)    Химия-биология буенча 2011 елгы БДИ эшләренә һәм хаталарга анализ.

4)    “Биологиядән БДИ әзерләү буенча тәҗрибә уртаклашу” дигән темага түгәрәк өстәл артында сөйләшү.

2 нче яртыеллыкның 3 нче чирек башланып  китте. Укучыларны укуларында зур уңышлар укытучыларыбызга авыр хезмәтләрендә яңа үрләр телибез.

14 январь көнне Юлбат мәктәбендә 2 чирек һәм яртыеллык нәтиҗәләре буенча  ата-аналар җыелышы үткәрелде. Җыелышта ата-аналар белән анкета сорауларына  да җавап бирделәр.

10 январьда Юлбат урта мәктәбенең  "Хыял" сәламәтләндерү лагереның эшчәнлеге төгәлләнде. Укучылар лагерьга бик теләп йөрделәр. Укытучыларның БДИ ларга әзерлек максатыннан үткәрелгән консультацияләре  файдалы узды. Сәламәтләндерү максатыннан оештырылган хәрәкәтчән уеннар укучыларга  бигрәк тә ошады.

Кышкы каникул көннәрендә Икшермә мәктәбендә шахматчылар лагере эшләде. Биредә Марат Закиров җитәкчелегендә уку-күнегү җыеннары, Тимур Нәгыймуллин  җитәкчелегендә мастер-класслар үткәрелде.Әлеге лагерьда безнең мәктәптән дә укучылар катнашты. 7 нче сыйныф укучысы Кәримова Гүзәл шахмат буенча үткәрелгән блиц турнирда I урын һәм тиз шахмат  төрендә дә I урынга  лаек булды. Котлыйбыз, Гүзәл! Уңышлар сиңа!

"Хыял"  лагеренда бүген 8 сыйныф укучылары белән  Информатика һәм МКТ дан, интерактив тактадан файдаланып, Викторина үткәрелде. Укучылар бәйгедә бик теләп катнаштылар, бәйгенең җиңүчеләре дә билгеләнде.

"Хыял" лагере кысаларында Саба "Елка"ларына сәяхәт укучыларда онытылмаслык күңелле мизгелләр калдырды.

"Хыял" кышкы лагеренда бүген "Иң күп китап укучыны" бүләкләделәр, "Викторина" сорауларына җавап бирделәр һәм "Нарат" боз сараена сәяхәткә бардылар.

Бүген мәктәптә күтәренке рухта 1-6 сыйныфларның Яңа ел кичәләре үткәрелде. Кичә укучылар катнашында матур җырлар, дәртле биюләр белән үрлеп барды. Кичәгә Кыш бабай, Кар кызы, Аҗдаһа, Шүрәле, Убырлы да килгән иде. Күңелле кичәне Куян кызлары алып бару бәйрәмгә тагын да ямь өстәде.

Юлбат урта гомуми мәктәбе "Хыял" (кышкы) сәламәтләндерү лагереның эшчәнлеге бүгеннән башланып китте. Иртәнге гимнастика, массакүләм мәдәни чаралар, хәрәкәтле уеннар, отрядлардагы эшчәнлектән соң балалар Саба бассейнына барып  күңелле ял иттеләр.