Остаханәбез көзге капиталь ремонттан соң яңарды, яктырды, җылылык режимы яхшырды. Укучылар өчен уңайлырык шартлар булдырылды. Коллектив зәвыклы интерьер шартларында эшләүгә шат.

    Көзге каникул көннәрен укучылар файдалы һәм күңелле үткәрделәр.Төрле түгәрәкләр эшләде, экскурсияләр оештырылды.

   11 нче ноябрь  көнне 8 нче һәм 11 нче сыйныф укучылары  сыйныф җитәкчеләре Фәләхова Ф.Г.  һәм Шакирҗанова Ф.Г. лар җитәкчелегендә  район үзәгендәге  бассейнга бардылар ,тренажер залында шөгыльләнделәр.Ә 12 нче ноябрьдә 7 нче һәм 11 сыйныфлар Галимуллина Д.Г. һәм Шакирҗанова Ф.Г. лар җитәкчелегендә  Лесхоз бистәсендәге   “Нарат”   боз сараена экскурсия оештырдылар. Рәхәтләнеп тимераякта  шудылар. Чарадан барлык укучылар да кәнагать  калды.

Көзге каникул көннәрендә 11 нче сыйныф укучылары 8ноябрь көнне рус теленнән, 9ноябрь көнне математикадан район үзәгенә барып, “пробный ЕГЭ” тапшырдылар.

Бүген 1 нче чирек нәтиҗәләре буенча мәктәбебездә ата-аналар җыелышы узды. Мәктәп администрациясе тарафыннан эшләнгән эшләргә анализ, алдагы чиреккә эш планы билгеләнде.

Хөрмәтле коллегабыз

Замир Вагыйзовичны

50 яшьлек юбилее белән чын күңелебездән  тәбрик итәбез!

Замир Вагыйзович сиңа озын гомер, нык сәламәтлек, гаилә бәхете, эшендә иҗади уңышлар телибез.

Хезмәттәшләрең.

5 ноябрь көнне районга Татарстан Президенты Миннеханов Р.Н. һәм президент аппараты җитәкчеләре килде. Алар районда республика "Бәләкәч" программасы кысаларында төзелгән балалар бакчасын ачу тантанасында катнаштылар. Аннары районның мәдәният йортында район активы белән очрашу булды. Очрашуда безнең мәктәптән директор  Хәнәфиева А.Ш., математика укытучысы Шакирҗанова Ф.Г. лар катнашты. Очрашуда Татарстан фән һәм мәгариф министры Гыйльметдинов А.Х. та катнашты.

Буген, 2 нче ноябрь, районыбызның иң булдыклы сыйныф житэкчелэрен РЦДТга "Ел сыйныф житәкчесе - 2011" бәйгесенэ жыйдылар. Безнең мәктәп данын математика һәм технология укытучысы Кәримова Равия Рафгалиевна яклап бик матур, оригиналь чыгыш ясады.  Укытучыбыз куп-кырлы талант иясе: шагыйрә дә, яхшы хужабикэ дэ, спорт сөюче дэ. Равия Рафгалиевна үз эшенең чын остасы булуын тагын бер раслады һэм лауреат исеменә лаек булды. Укытучыбызны чын кунелдән котлыйбыз, аңа исәнлек-саулык, гаилә тынычлыгы телибез.

28-31 нче октябрь көннәрендә безнең мәктәптән  Фәләхова Фәридә һәм Кәримова Гүзәл Биектау районының «Костёр» лагерында, Республика лидерлар укуының «9 нчы Адым» («9 ШАГ») сменасында булдылар. Лидер укуында өйрәнгәннәре остаз буларак эшчәнлекләрендә зур ярдәм булачак.

Һәр предметтан мәктәп олимпиадалары үткәрелеп, нәтиҗәләр ясалды. Район олимпиадасына баручылар билгеләнеп, алар белән әзерлек эшләре бара.

31 нче октябрь  көнне 3 нче, 4 нче сыйныф укучылары белән  сәламәт яшәү рәвешен пропагандалап, начар гадәтләр булдырмау максатыннан “Без – сәламәтлек дуслары” дигән класс сәгате үткәрелде. Чара укучыларның актив катнашуы белән үтте.