Мәктәп буенча “Балаларның иминлеген саклау” айлыгы бара. 3 нче һәм 4 нче сыйныф укучылары, класс җитәкчеләре Галимҗанова Л.Г. һәм Фәләхова Г.М.белән берлектә “Без- кечкенә пассажирлар” – дигән темага сыйныф сәгате үткәрделәр. Укучылар бу уенда бик теләп катнаштылар. Бирелгән сорауларга төгәл, дөрес җаваплар алынды. Сыйныф сәгате “Зәңгәр вагон” җыры белән тәмамланды. Укучылар үткән сыйныф сәгатеннән кәнәгать калдылар.

15 сентябрь Татарстан варислары туган көне уңаеннан "Шатлык" балалар оешмасында "Зур уен" уздырылды. Тантаналы төстә 6 нчы сыйныф укучылары варислар сафына алынды.

Мәктәптә  “Балалар иминлеге айлыгы” дәвам итә. Шул уңайдан 1 сыйныфта “Сәламәт булыйм дисәң, зарядкага бас иртән” дип аталган сыйныф сәгате, шулай ук “Юлың хәерле булсын, минем кечкенә дустым” дип аталган бәйге үткәрелде. Нәни дусларыбыз әлеге чаралардан кәнагать булып таралды.

15 сентябрь Татарстан варислары туган көне уңаеннан "Саба дулкыннары" радиосында бәйрәм чыгышлары булды. Анда районыбызның бер төркем активистлары балалар оешмалары эшчәнлеге, җәйге ялларын ничек уздырулары турында чыгыш ясадылар. Мәктәбебездән Резеда Рахимуллина, Фәридә Фәләхова "Сәләт-Саба" лагерында күңелле һәм файдалы ял итүләре, яңа дуслар табулары турында сөйләделәр. Гөлсинә Раяновна, ветеран остаз буларак, районыбызның барлык остазларын, ветеран вожатыйларны бәйрәм белән  тәбрик итеп, иң изге теләкләрен юллады.

   Мәктәптә республика һәм район нигезләмәләре (“Ватан” , “ Все краски мира-2011” конкурслары) буенча эш алып барыла. Конкурсларда һәр класс укучылары катнашулары  турында  фикерләрен җиткерделәр. Әлеге чаралар сыйныф җитәкчеләре белән берлектә алып барыла.

Укучыларыбызга уңышлар теләп калабыз!

Юлбат урта мәктәбендә 2011-2012 нче уку елы буенча еллык отчетлар тутыру буенча эш бара.

Хореография, уен кораллары, шахмат, вокал, актерлык осталыгы түгәрәкләре  тулы көченә эшли башлады.

Юлбат урта мәктәбе I сыйныф укучылары тулы көченә яңа дәүләт стандартлары белән эшли башлады. Уку елының беренче көннәре балаларның иминлегенә багышланып кызыклы дәрес - чаралар үткәрү белән башланды. Юл билгеләре өйрәнү, куркынычсызлык кагыйдәләрен белү һәр бала өчен кирәкле. Шул максаттан I сыйныфта бик күп дәресләр үткәрелде, сыйныфтан тыш чаралар узды. Һәр бәйрәм - дәрес I сыйныф укучылары өчен  кызыклы  яңалыклар алып килде.  Дәрестән балалар күп мәгълумат туплап таралды. 

Юлбат урта гомуми белем бирү мәктәбендә балаларның иминлеген тәэмин итү айлыгы кысаларында 3 сентябрь “Куркынычсызлык көне” итеп билгеләп үтелде. Алдан төзелгән план нигезендә “Терроризм - угроза обществу” дигән темага плакатлар күргәзмәсе оештырылды. Укучылар өчен махсус эшләнеп, “ Террор акты вакытында дөрес хәрәкәт итү тәртибе” дигән буклетлар таратылды.

   Сыйныф сәгатьләрендә башлангыч сыйныфлар “Урамда һәм транспортта хәтәр урыннар”, “Йортта һәм мәктәптә иминлек” дигән темага сөйләшү үткәрделәр.

Юлбат урта мәктәбенең барлык предмет укытучылары "КМ- мәктәпләр" региональ ресурслар региональ челтәре белем базасы тарафыннан үткәрелгән анкета сорауларына җавап бирделәр.  Анкеталар  укытучыларның ни дәрәҗәдә ноутбук мөмкинлекләреннән файдалануын ачыклау максатыннан тутырылды.

Саба районы Юлбат урта мәктәбе исеменнән барыгызны да Белем бәйрәме белән чын күңелдән котлыйбыз. Барыгызга да иминлек, гаилә тынычлыгы, эшләрегездә зур уңышлар телибез.

1 сентябрь – Белем бәйрәме, Юлбат урта мәктәбендә,  бик күңелле, күтәренке рухта  һәм оештырылган дәрәҗәдә үтте.Быел 1 сыйныфка  барлыгы 7 бала укырга керде. Класс җитәкчеләре Рәйхана Хәнәфияовна. Белем бәйрәменә , шулай ук, бик күп вәкилләр  дә килгән иде: Марсель Магъфурович, Фәрит Мәҗитович, полиция хезмәткәре – Ленар Аубакиров, Талип Рашитович, Илфат Шакурович. Килгән кунаклар, укучыларның әти – әниләре барлык балаларга да изге теләкләрен җиткерделәр.