Мәктәп күләмендә 26 октябрь көнне янгын куркынычсызлыгы кагыйдәләрен өйрәнү максатында эвакуация үткәрелде. Мәктәп эчендәге укучылар, укытучылар, хезмәткәрләр оешкан рәвештә тиз арада бинадан куркынычсыз урынга чыктылар.Вәкил булып районның Гражданнар оборонасы начальнигы урынбасары Әхмәтшин Азат Фоат улы килде.Ул мәктәпнең бу юнәлеш буенча әзерлегенә уңай бәя бирде һәм үзенең киңәшләрен әйтте.

Өлкән сыйныф укучылары катнашында узган чара "Тукай һәм Көз" дип аталды. Г.Тукайның шигырьләрен сәхнәләштерү, көзге мода, сорау-җавап турлары концерт номерлары белән бергә үрелеп барды. Нәтиҗәдә сайланган жюри составы үз фикерен белдерде. Бәйрәм күңелле узды. 

Безнең  мәктәбебездә 20 октябрь  көнне башлангыч һәм урта сыйныфлар арсында “Уңыш бәйрәме” үткәрелде.  I-IV  сыйныфлар арасында бәйрәм  “Көзге әкият үзенең дусларын кунакка чакыра” дигән программа буенча узды. 

V-VII сыйныфлар арасында “Мисс – Көзге бал” бәйгесе үткәрелде. Программа кысаларында укучылар үзең белән таныштыру (шигъри яки музыкаль формада), өстәл яклау (шигырь яки җыр формасында), музыкаль номерлар арасында көч сынаштылар.Һәр сыйныф сыйныф җитәкчеләре белән берлектә бәйрәмгә ныклап әзерләнгән.Укучыларның чыгышлары бер-берсен кабатламый торган,үзенчәлекле итеп оештырылган иде. Бәйрәм концерт номерлары белән үрелеп барды. Һәр укучы күргәзмә өчен җиләк-җимешләрдән, яшелчәләрдән  төрле композицияләр ясап алып килде.Табыннар тәм-томнардан сыгылып торды.Бәйрәм соңында укучылар бию залында бик күңелле ял иттеләр, бәйрәмнән алган тәэсирләр белән уртаклаштылар.

Мәктәптә “Уңыш бәйрәме” нә әзерлек эше бара. 2 нче сыйныф укучысы Хузин Альмир әлеге бәйрәмдә  технология дәресләрендә эшләгән апплекация,  көзге чәчәкләрдән ясаган эшләнмәләрен күргәзмә итеп куярга уйлый. Аның көзге яфраклардан ясалган “Серле сандыгына” күпләр сокланып  карарлар.

       Унынчы октябрь көнне  Юлбат авылының  борынгы  зираты  (чирмеш  зираты) урыны фотога төшерелеп музейга куелды. Зират урынын,  Ихсан бабай әйтеп калдырган буенча, Гыйззетдинов Нуретдин абый (1935 елда туган) күрсәтте. Урыны Кабиров Васил Сәетовичлар янындагы тау өстендә борылышта.

Мәктәбебездә хореграфия түгәрәкләре нәтиҗәле эшләп килә.

Мәктәп яны тәҗрибә участогында көзге уңышны җыю буенча өмә узды. Кишер һәм чөгендердән мул уңыш җыелды.

Районыбызда 5-6 октябрь  көннәрендә  11 республика районнарын берләштергән "Ватан" конкурсы узды. Бу конкурста мәктәбебездән "Шатлык" бию коллективы, "Нәфис сүз" номинациясендә Әдилә Хәмитова, "Вокал-соло" номинациясендә Райнур Мансуров чыгыш ясады. Нәтиҗәдә 3 сыйныф укучысы Мансуров Райнур "Вокал-соло" номинациясендә 2 урынны яулады, ә калган катнашучылар Диплом белән бүләкләнде.

Аларны җиңүләре белән чын күңелебездән котлыйбыз!

Бүген укытучыларның һөнәри бәйрәме район күләмендә билгеләп үтелә. Спорт сараенда мөгаллимнәребез  төрле бәйгеләрдә узара көч сынаша, күңелле чараларда катнаша.

Әлеге бәйрәм аларның хезмәтләренә тагын да көч- дәрт өстәсен, яңа биеклекләргә рухландырсын.

Бәйрәмегез белән, хөрмәтле  хезмәттәшләр!