Бүген 8 “Б” сыйныф укучылары барлык 4 нче сыйныф укучыларына “Сәламәт яшәү рәвеше” дип исемләнгән чара тәкъдим иттеләр. Башта укучылар бу темага караган кечкенә генә спектакль күрсәттеләр, ә аннары викторина сорауларына җавап бирделәр. Викторина табышмак, мәкальләр, файдалы ризык исемнәре белән бәйләнгән әдәби әсәрләр исемнәрен табудан торды. Дөрес җавап бирүчеләргә кечкенә генә бүләкләр дә бирелде. Балаларга әлеге чара бик күңелле һәм файдалы үтте.  

Туган телләр елына багышланган чараларга әзерлек инде  чирек башыннан ук башланып китте. Хәзерге вакытта әлеге юнәлеш буенча бик күп эшләр алып барыла. Укучылар, сыйныф җитәкчеләре, татар теле укытучылары ныклап мондый чараларга әзерләнәләр һәм үткәрәләр. Инде 5 “А” һәм 8 “Б” сыйныф укучылары татар әдипләренә багышланган стенгазеталарын әзерли дә башладылар. Алар Һади Такташ һәм Муса Җәлил иҗатларына багышланган.

Юлда балалар белән булган бәхетсезлек очраклары бик күп. Юл хәрәкәте кагыйдәләренә белмәү яки ихтирамсыз караш күпчелек юл һәлакәтләре китереп чыгара. Балалар арасында юл-транспорт травматизмын кисәтү буенча эшне оештыру мәгариф учреждениеләре педагоглары алдында балаларда социумда куркынычсызлык нигезләрен формалаштыру өлешендә торган төп бурычларның берсе булып тора.

25 нче гыйнвар көнне 7 “Б” сыйныфында “Знаток дорожных знаков” дип аталган сыйныф сәгате үтте. Биредә укучылар юл йөрү кагыйдәләре буенча белемнәрен янәдән яңарттылар, төрле табышмакларга җавап бирделәр, юл билгеләрен атадылар, ребуслар чиштеләр һ.б.

Табигый фәннәр декадасы кысаларында “Вторая жизнь упаковки” дип аталган кул эшләре конкурсы уза. Укучылар үзләренең кызыклы эшләрен тапшыра торалар. Алардан күргәзмә дә оештырылды. Биредә банка, коробкалар, хәтта бүтән кулланылышка яраксыз буяу кисточкаларыннан да эшләр җыелган.

Туган тел! Бу сүз һәркем өчен кадерле, газиз. Чөнки тел – тормыш чыганагы, белем чишмәсе. Аңардан да көчле, татлы, назлы, ләзззәтле тел бармы икән? Тел – ананың балага зур бүләге. Кешегә нәселнең, халкының асыл сыйфатларын иң әувәл тел тәме, тел кодрәте ярдәмендә ана бирә. Туган телне белү кирәк. Чөнки туган телдә синең әби – бабаларың, әти – әниләрең, халкың сөйләшкән һәм сөйләшә. Туган телгә хөрмәтле булганда гына кеше үз иленең, төбәгенең, гаиләсенең шәҗәрәсен, тарихын аңлый ала.

Нәкъ тә шуны без гимназиядә укучыларыбызга иңдерергә тырышабыз. 2021 нче ел да Татарстанда Туган телләр һәм халыклар бердәмлеге елы итеп игълан ителде. Шул сәбәпле бездә телнең байлыгын саклап калуга юнәлтелгән чаралар тагын да артты гына.

Бүген, 23 нче гыйнвар көнне дә, 8 “Б” сыйныфында “Татар телем – иркә гөлем” дип исемләнгән татар теле дәресе үтте.  Укучылар презентация карады, тактага чыгып эшләде, соңыннан сорауларга җавап бирелде, балалар үзләре дә кызыксынган сорауларын бирделәр.

Бүген гимназиядә янәдән “Күңелле стартлар” үтте. Спорт буенча көчләрен барлык 4 нче сыйныфлар сынашты. Төрле эстафета, скакалкада сикерү, аркан  тарту нәтиҗәләре буенча 1 нче урынны 4 “А”, 2 нче урынны бертигез баллар белән 4 “Б” һәм 4 “В” сыйныфлары яулады.

Укучыларыбыз яңадан-яңа җиңүләре белән безне гел шатландырып торалар. Мәсәлән, 8 “А” сыйныфы укучылары А. Илнур һәм С. Динар укучылар арасында үткәрелә торган  “СУМО” дип аталган робототехника буенча VIII шәһәр ярышларында катнаштылар. Алар урта яшь категориясендәге “Кегельринг-Квадро” номинациясендә җиңү дә яуладылар. Укучыларыбызны котлыйбыз!

"Финанс грамоталылыгының Онлайн-дәресләре" проекты Россиянең теләсә кайсы почмагындагы өлкән сыйныф укучыларына финанс белемнәренә тигез булу мөмкинлеге бирә, финанс базары профессионаллары белән «тере» аралашу мөмкинлеге бирә, финанс карарларын кабул итүгә җаваплы һәм грамоталы якын килү принципларын формалаштыруга ярдәм итә.

 Шуңа да бүген, 22 нче гыйнвар көнне,  сыйныф җитәкчесе белән берлектә  7 “Б” сыйныф укучылары  финанс грамотлылыгы буенча онлайн-дәрес тә катнашты.  Ул укучылар өчен гадәти булмаган, кызыклы үтте, чөнки күтәрелгән тема яшүсмерләр өчен актуаль.

22 гыйнвар көнне 9 “Б” сыйныфы укучылары белән профориентация буенча сыйныф сәгате үткәрелде. Биредә укучылар кызыклы тест аша үзләренең профессияләрен сайлауда төгәл нәтиҗәгә килгәннәрме, әле икеләнәләрме яисә бөтенләй бу этапка әзер түгелләрме икәнен белә алдылар. Моның нәтиҗәләре буенча психолог һәр укучыга  сәбәпләрен аңлатты, киңәшләрен бирде.

Туган тел ул -

Бездән соң да

Яшәр өчен туган тел.

Бүгенгедән киләчәккә

Дәшәр өчен туган тел.

2021 ел Татарстанда Туган телләр һәм халыклар бердәмлеге елы итеп игълан ителде. Шул тарафтан бездә бу елны күп кенә чаралар да оештырылачак. Бүген дә гимназиядә туган телләргә карата радиолинейка үткәрелде, чөнки 21 февраль  Халыкара Туган тел көне буларак билгеләп үтелә. Чыгыш татар һәм рус теле укытучылары тарафыннан  ике телдә дә  – рус һәм татар телендә барды. Биредә туган тел турында танылган әдипләрнең сүзләре, шигырь юллары сөйләнде, туган телнең буыннан-буынга тапшырылып килгән хәзинә икәне, аның күп гасырлык тарихы булганлыгы турында ассызыклап үтелде. Нәкъ тә әлеге радиоэфир белән бездә Туган телләр һәм халыклар бердәмлеге елы ачык дип белдерелде.