10 нчы март көнне Зур гаилә уеннары проекты кысаларында уздырылучы “Без бергә” күңелле старт уеннарының муниципаль этабы узды. Безнең гимназия данын Мансуровлар гаиләсе яклады. Бәйгенең кагыйдәләре буенча гаиләләр ГТО нормаларын үтәргә, күңелле старт уеннарында катнашырга тиешләр иде.
Бу бәйге чыннан да гайләләрне берләштерә, бер йодырык итеп туплый. Бер-береңә ярдәм итү, уртак көч белән җиңүгә ирешү катнашучыларның төп теләгенә әверелә.
Бәйгедә актив катнашкан өчен, гимназия исеменнән Мансуровлар гаиләсенә зур рәхмәтебезне белдерәбез! Алга таба да уңышлар һәм гаилә бәхете, тигез тормыш телибез!

Бүген, 6 нчы март көне, 1 нче сыйныфларда “Спасибо, книга первая моя!” темасына әлифба һәм азбука бәйрәмнәре узды. Нәни укучылар хәрефләр турында матур шигырьләр сөйләделәр, әлифба һәм азбука турында җырлар җырладылар, татар халык әкиятләрен сәхнәләштерделәр. Бәйрәмне карарга әти-әниләр, әби-бабайлар, укытучылар, мәктәп администрациясе килгән иде. Бик матур, күңелле балалар бәйрәме һәркемнең күңеленә хуш килде.
Кадерле укучылар! Әлеге беренче китап башка китапларга ачкыч булсын, сезне яңа үрләргә алып керсен, белем дөньясы белән таныштырсын дигән теләктә калабыз! Сезгә киләчәктә сәламәтлек, укуыгызда зур уңышлар телибез!

Бүген, 2 нче март көнне, Вахитов районының 131 нче номерлы лицеенда, “Дни науки” исемле IV фәнни-гамәли шәһәр конференциясе үтте. Әлеге чарада гимназиянең 6 нчы сыйныф укучысы Сөләйманова С. катнашып призер титулына лаек булды.
Сөләйманова С.  әлеге җиңү белән тәбрик итәбез! Алга таба да фәнни уңышлар телибез!

Бүген, 1 нче март көнне, гимназия укучылары гомум белем бирү оешмалары арасында үткәрелүче “Озын тәнәфес” исемле бәйгедә катнашып шәһәр турына үттеләр.
Укучылар өчен зур сәхнәгә чыгу яңалык түгел. Алар инде “Пирамида" күңел ачу үзәге һәм К. Тинчурин исемендәге драма һәм комедия театры сәхнәсендә чыныгу алган укучылар.
Төрле милләт  биюләре, лирик җырлар, спектакльдән өзекләр концертның бизәге булдылар.
Әлеге чарага үзеннән өлеш керткән укытучыларга, укучыларга гимназия исеменнән рәхмәт белдерәбез! Шәһәр этабында уңышлар телибез!

28 нче февраль көнне, “Яшел төс” ЮИД командасы “Безопасное колесо – 2018” район бәйгесендә чыгыш ясады. “Беренче ярдәм күрсәтү” этабында Чернышёв Ф. 2 нче урын яулады.
Укучыларыбызны һәм аларның җитәкчеләрен уңышлы чыгыш ясаулары белән тәбрик итәбез! Алдагы бәйгеләрдә уңышлар телибез! 

Бер ай дәвамында гимназиядә һөнәрләргә багышланган чаралар үткәрелде. Бүген шундый бәйгеләрнең берсе – “Иң яхшы эшче һөнәр” презентацияләр бәйгесенә нәтиҗәләр ясалды. Нәтиҗәләр түбәндәгечә билгеләнде:
“Иң стильле бизәлеш” номинациясендә 10 нчы сыйныф укучылары һәм 4 нче сыйныф укучысы Фәттәхова А. җиңү яуладылар.
“Иң үзенчәлекле презентация” номинациясендә 5 нче А сыйныфы укучысы Ломов А. һәм 6 нчы Б сыйныфы укучысы Әхәтова А. җиңүче дип табылдылар.
“Иң төгәл эшләнеш” номинациясендә 5 нче Б сыйныфы укучысы Габдрахманова А. һәм 5 нче В сыйныфы укучысы Кононова П. җиңү яуладылар. 

Спорт - кешенең сәламәтлеген кайгыртучы гомерлек иптәше. Спорт гимназия укучыларының  да иң якын дусты. Алар бик теләп, яратып төрле бәйгеләрдә, ярышларда катнашалар. Әлеге актив эшчәнлек үзенең җимешләрен дә бирә.
6 нчы сыйныф укучысы Ведерникова Д. спорт өлкәсендә системалы уңышлары өчен 1 нче разрядка ия булды. Бу зачет кенәгәсе һәм тамганы Татарстан Республиканың спорт комитеты тапшырды. Мондый югары бәягә, бары тик, күп бәйгеләрдә актив катнашып, призлы урыннар яулаган укучылар гына лаек була.
Афәрин, Диана! Сине гимназия исеменнән уңышларың белән тәбрик итәбез, алга та да уңышлар телибез!

Гимназиябез укучылары төрле-төрле бәйгеләрдә, чараларда, ярышларда катнашып торалар. Менә күптән түгел генә хәйрия концерты шаулап узды. Ә бүгенге көндә укучылар “Озын тәнәфес” дип исемләнгән концертка әзерләнәләр.
Кече сыйныфлар шаян бию әзерлиләр, ә югары сыйныфлар спорт, кытай биюләре, төрле халык җырлары, спектакльләрдән өзекләр өйрәнәләр.
Укучыларыбызга һәм аларның җитәкчеләренә уңышлар телибез! Сезгә уңышлы чыгыш ясарга язсын!

Бүген, 21 нче февраль көнне, Ватанны саклаучылар көненә багышланган спорт бәйгесе узды. Чарада хәрби спорт уеннары үткәрелде. Ярышта 8-10 нчы сыйныф егетләре көч сынашты. Һәр сыйныф чарага җитди әзерләнгән иде. Егетләр ярышның соңгы минутына кадәр бөтен көчләрен биреп көрәштеләр. Бәйгедә урыннар түбәндәгечә билгеләнде:
1 нче урын – 10 нчы А сыйныфы;
2 нче урын – 9 нчы А сыйныфы;
3 нче урын – 8 нчы А сыйныфы.
Шулай ук, автомат сүтеп-җыю ярышында мәктәп рекорды да билгеле булды. Әлеге титулга Хәбибуллин Ч. лаек булды. Моның өчен аңа, ни бары, 24,5 секунд вакыт кирәк булды.
Чараны оештыручыларга һәм катнашкан егетләргә, гимназия исеменнән рәхмәт белдерәбез!
Гимназиядә хезмәт куючы барлык ир-атларны һәм белем алучы ир-егетләребезне, якынлашып килүче, Ватанны саклаучылар көне белән тәбрик итәбез! Сезгә сәламәтлек, бәхет-шатлык, алдагы тормышыгызда удышлар телибез!

Бүген, 21 нче февраль көнне, Халыкара Туган тел көне билгеләп үтелә. Әлеге зур датаны безнең гимназиядә дә искә алдылар. Шул уңайдан, 5 нче сыйныфлар арасында, интеллектуаль викторина уздырылды. Укучылар туган тел турында төрле кызыклы сорауларга җавап биреп, үзара көч сынаштылар. Бәйгенең җиңүчесе итеп 5 нче В сыйныфы билгеләнде.
Шундый кызыклы, кирәкле чара үткәргәннәре өчен 5 нче сыйныфларга һәм аларның укытучыларына рәхмәт белдерәбез! Барыгызны да гимназия исеменнән Туган тел көне белән тәбрик итәбез!