Алдагы язмаларда укучыларыбызның “Әбиемнең сандыгы” исемле сәхнәләштерелгән әкиятләр һәм мәсәлләр бәйгесендә чыгыш ясаулары турында язып үткән идек. Ә бүген бәйгенең нәтиҗәләре билгеле булды.
5-6 нчы сыйныфлар арасында, “Зөһрә” татар халык әкияте белән, безнең гимназия укучылары беренче урын яуладылар.
Шундый матур әкият әзерләп, уңышлы чыгыш ясаганнары өчен укучыларга рәхмәт белдерәбез һәм алга таба да иҗади уңышлар телибез! Укучыларны әзерләгән җитәкчеләргә: Э.Р. Хөснетдинова, К.А. Жеранина, Ф.Ш. Мостафинага гимназия исеменнән зур рәхмәт белдерәбез!

Белгәнебезчә, 10 нчы декабрь бөтендөнья футбол көне. Әлеге дата тагын шунысы белән дә үзенчәлекле: безнең Казан шәһәрендә футбол буенча дөнья чемпионаты узачак.
Без үз чиратыбызда, гимназиядә футбол рухы “уятырга” тырыштык. 11-15 нче декабрьдә гимназиядә кызыклы старт ярышлары булып узды. Ә бүген исә беренче сыйныфлар көч сынашты.  Ярышларда физик әзерлекне генә яхшытып калмыйча, футбол уены осталыкларына да өйрәттеләр.
Ярышларда актив катнашкан сыйныфларга рәхмәт белдерәбез!

Бүген, 14 нче декабрь көнне, мөмкинлекләре чикләнгән кешеләргә багышланган декада кысаларында үткән, “Яхшылык җир буйлап атлый” исемле рәсемнәр күргәзмәсенә йомгак ясалды. Күргәзмә 11 нче декабрьдән алып 14 нче декабрьгә кадәр үткәрелде. Нәтиҗәләр түбәндәгечә билгеләнде:
Беренче урын – Шихалиев С. , 1 нче сыйныф.
Икенче урын – Шакирова Р. 1 нче сыйныф.
Өченче урын – Туктаров К. 1 нче сыйныф.
Афәрин, укучылар! Котлыйбыз сезне! Бәйгеләрдә актив катнашуыгыз өчен рәхмәт белдерәбез!

12 нче декабрь көнне илдә РФ Конституциясе көне билгеләп үтелә. Без дә, әлеге көнне күз уңында тотып, 6 нчы сыйныфлар белән сыйныфтан тыш чара үткәрдек. Укучылар Конституция турында белгәннәрен сөйләделәр, яңа мәгълүматлар тыңладылар, ә чара ахырында кызыклы биремнәр чиштеләр.
Илнең төп законнары беркетелгән әлеге документ турында сөйләшү, илнең символларын искә төшерү укучылар күңеленә хуш килде. 

Бүген, 13 нче декабрь көнне, математика, физика һәм информатика айлыгы кысаларында, 5 нче Б сыйныфында математика фәненнән ачык дәрес үтте. Математика дәресе мәсәләләр, мисаллар чишү белән үрелеп бара торган күңелсез дәрес дигән стереотип яши. Ә бүген без киресенчә бик кызыклы, мәгълүмати дәрес карадык. Укучылар мисаллар чишү белән беррәттән, “Күппочмаклык” темасына матур плакатлар да ясадылар. Кызыклы биремнәргә алданып, укучылар дәреснең үткәнен сизми дә калдылар.
Шундый яхшы ачык дәрес биргәне өчен Венера Максумовага рәхмәт белдерәбез!

Бүген безнең гимназиядә әдәби-кунакханә кичәсендә чираттагы очрашу кичәсе узды. Чарада берничә атна барган зур сәхнә әсәрләре бәйгесенә йомгак ясалды һәм К. Тинчурин исемендәге дәүләт драма һәм комедия театры артистлары белән очрашу узды. Безгә кунак булып К. Тинчурин театры артисткасы, Татарстан Республикасының атказанган артисты Зөлфия Наил кызы Вәлиева, К. Тинчурин театры артисткасы Гөлчәчәк Әсгат кызы Хафизова, К. Тинчурин театры музее директоры Рузалия Валиәхмәт кызы Чабатова килгәннәр иде.
Берничә атна дәвамында гимназиябез укучылары төрле сәхнә әсәрләре өйрәнделәр, костюмнар әзерләделәр. 12 нче дкабрьдә үткәрелгән әлеге чарада 1 нче - 10 нчы сыйныф укучылары арасыннан 250гә якын бала катнашты. Без үзебез өчен бик күп талантлы укучыларны ачтык. Бу чарада күп әкиятләр, Кәрим Тинчурин әсәрләре тамашачы игътибарына тәкъдим ителде. Укучыларыбыз бик күп әсәрләр белән якыннан таныштылар, ә кайберләрен яңа яктан ачтылар.
Бүген уздырылачак кичәгә жюри әгъзалары иң яхшы номерларны гына сайлап алды. Килгән кунакларга һәм укучыларга “Шалкан” “Зөһрә кыз” татар халык әкиятләре, 3 нче Б сыйныфы җитәкчесе Г.Ф. Шәмәрданованың авторлык әсәре “Ашказаны”, Р. Зәйдулланың “И минем яктыртучым” әсәрләре тәкъдим ителде. Ә килгән кунаклар һәр чыгыштан соң укучы-артистларыбызга мастер-класслар күрсәттеләр, киңәшләр бирделәр. Шундый җылы, гади, кызыклы, файдалы очрашу кичәдә булган һәркемнең күңеленә хуш килде.
Вакыт табып безнең белән очрашуга килгән һәм укучылар белән кызыклы әңгәмә корып, мастер-класслар күрсәткән өчен К. Тинчурин театры артистларына һәм хезмәткәрләренә гимназия исеменнән зур рәхмәт белдерәбез! 

Яңа ел бәйрәменә дә санаулы гына көннәр калып бара. Барлык кешеләр бу бәйрәмгә ныклап әзерләнәләр: йортларын, эш урыннарын, урамнанрны бизиләр. Без дә гимназиябезне тагын да ямьләндерү өчен аны бизәү эшенә керештек. Төрле төстәге гирляндалар белән гимназия алдын бизәдек. Ә укучыларыбыз шушы көннәрдә мәктәпнең эчке ягын бизәү эшенә керешәчәк.
Кадерле укучылар! Яңа ел бәйрәме кысаларында үткәрелүче башка чаралар белән дә кызыксынып, танышып барырга тырышыгыз!

Бүген, 12 нче ноябрь көнне, математика, физика һәм информатика айлыгы кысаларында, 9 нчы сыйныфларда “Сызыклы алгоритм. Мәсәлә чишү” темасына ачык дәрес үтте. Дәресне информатика укытучысы Резеда Рашатовна үткәрде. Укучылар, кызыклы мәсәләләр чиштеләр, алгоритмнар төзеделәр, информатика дөньясын өйрәнүне дәвам иттеләр.
Әлеге айлык кысаларында үткәрелгән ачык дәресләргә көтеп калабыз!

Бүген, 12 нче декабрь көнне, гимназиядә иң яхшы сәхнәләштерелгән әсәрләр конкурсы узды. 1 нче сыйныфтан алып 10 нчы сыйныфка кадәр төрле әкиятләр, Кәрим Тинчурин пьессалары тамашачыга тәкъдим ителде. Бу бәйге татар телен саклау үстерү, балаларда телгә, әдәбияткә кызыксыну уяту өчен оештырылды. Әлеге чарага укучылар матур костюмнар, чыгыш өчен кирәкле атрибутиканы әзерләделәр, репетицияләр ясадылар. Әлеге матур-матур чыгышлардан хөкемдарлар иң-иңнәрен сайлап алдылар. Ә сайланып алынган сыйныфлар иртәгә Кәрим Тинчурин театры артистларына үзләренең чыгышларын тәкъдим итәчәк.
Чарада катнашкан барлык укучыларга, укытучыларга гимназия исеменнән рәхмәт белдерәбез!

Математика, физика һәм информатика айлыгы кысаларында, гимназиядә төрле чаралар дәвам итә. Бүген, 12 нче декабрь көнне, әлеге айлыкка багышланган стена газеталары күргәзмәсе узды. Укучылар үзләрен кызыксындырган темаларны, ребусларны кызыклы итеп башка иптәшләренә тәкъдим иткәннәр иде.
Укучылар, мондый чаралар әле дәвам итәчәк, яңалыклар белән кызыксынып барыгыз!