Гимназиядә табигать фәннәре айлыгы дәвам итә. 24 нче гыйнвар көнне, Ахмадиева З.А. җитәкчелегендә, 8 нче сыйныфларда “Син анатомияне беләсеңме?” исемле викторина үткәрелде. Укучылар “Активистлар”, “Кайнар йөрәкләр”, “Кардиа” исемле төркемнәргә бүленеп үзләренә девизлар уйладылар.
Беренче турда төркемнәр сорауларга җавап бирделәр, икенче турда ребуслар чиштеләр, өченче турда табышмакларда кайсы орган турында сүз барганын белергә тиеш иделәр.
Укучылар барлык биремнәрне дә кызыксынып башкардылар. Жюри членнары Хөснетдинова Э.Р. һәм Терентьева О.В. урыннарны түбәндәгечә билгеләде:
1 нче урын – “Активистлар”,
2 нче урын – “Кайнар йөрәкләр”,
3 нче урын – “Кардиа”.
Җиңүчеләрне котлыйбыз һәм чарада катнашучыларга рәхмәт белдерәбез!
 

22 нче гыйнвар көнне, табигать фәннәре айлыгы кысаларында, 5 нче сыйныфлар нәни укучыларның сыйныф сәгате вакытында чыгыш ясадылар. Чараны әзерләүче җитәкче Гөлназ Наилевна “Сәламәт яшәү рәвеше” темасын сайлаган иде. Чыгышлар вакытында театральләштерелгән өзекләр күрсәтелде, дөрес туклану, физик күнегүләрнең мөһимлеге һ.б. турында сөйләнде. Ә бәйгедә актив катнашкан укучыларга медальләр тапшырылды.
Шундый кызыклы, мәгълүмати чара үткәргәннәре өчен 5 нче сыйныф укучылары һәм аларның җитәкчеләренә рәхмәт белдерәбез! Укучыларны узачак чараларда актив катнашырга чакырабыз!

20 нче гыйнвар көнне “Чишмә” отряды, Харитонова А.Е. җитәкчелегендә, гимназия территориясенә җимлекләр элделәр. Әлеге хезмәт җимешләре “Кошлар өчен иң яхшы җимлек” бәйгесендә катнашып, номинацияләргә ия булганнар иде. Хәзер инде бу матур, үзенчәлекле җимлекләр мәктәп ишегалдын бизәп, кошарга салкын кышны үткәрергә ярдәм итә.
2 нче сыйныф укучылары һәм аларның сыйныф җитәкчеләренә, җимлекләрне урнаштырганнары өчен рәхмәт белдерәбез. 

Гимназиябез укучылары бик яратып музейларга экскурсиягә йөриләр. Мәсәлән, 19 нчы гыйнвар көнне 7 нче сыйныф укучылары, Янурова А.А. җитәкчелегендә, “Россия – минем тарихым” исемле мультимедияле паркта булып кайттылар. Әлеге парк зур бөтенроссия мәгърифәт проектының региональ варианты. Укучылар 1 нче номерлы павильонда урнашкан “Рюриков” һәм “Романов”лар турында экспозицияләрне карадылар. Укучыларны сугышларның чынбарлыктагы кебек экранлаштырылуы таң калдырган.
Тарихи музейларның берсендә, Ахмадиева З.А. җитәкчелегендә, 8 нче сыйныфлар да булып кайтты. Алар В.И. Ленин музей-йортында Ульяновларның тормыш-көнкүреше, аларның гаиләсе, шәхси әйберләре белән танышты. Укучыларга В.И. Ленинның тормышыннан кызыклы фактлар һәм берничә бүлмәне җылыта алырлык зур мич бик ошаган.
Тарихи музейларда узган экскурсияләр укучыларны үткәннәр белән танышыра, тарихи шәхесләр турында кызыклы фактлар ача. Мондый кызыклы чаралар соңгысы булмас дигән теләктә калабыз.

Бүген, 18 нче гыйнвар көнне, “Иң яхшы җимлек” бәйгесенә йомгак ясалды. Берсеннән-берсе яхшы бик күп җимлекләр тапшырылды. Балалар Анжелика Евгеньевна белән иң яхшы җимлекләрне сайлап алып, аларга номинацияләр бирделәр. Алар түбәндәгечә билгеләнде:
Милли стильдәге җимлек: Золин С. 4 нче В сыйныфы, Золина Е. 2 нче В, Садыков Р 3 нче Б сыйныфы.
“Әкияти йортлар”: Шәймарданов К 5 нче Б сыйныфы, Гайнетдинова Д 5 нче Б сыйныфы, Безруков М. 8 нче Б сыйныфы, Садыков И. 4 нче Б сыйныфы.
Иң күләмле җимлекләр: Кадырова К 1 нче В сыйныфы, Гыйниятуллин А. 2 нче А сыйныфы, Рахматова М. 4 нче Б сыйныфы.
Иң төсле җимлекләр: Шамсутдинов К. 5 нче Б сыйныфы, Дерябина Д. 1 нче А сыйныфы.
“Урман җимлекләре”: Сибгатуллин И. 1 нче Б сыйныфы, Шарипова З. 2 нче Б сыйныфы.
Шулай ук 2 нче А сыйныфы укучысы Массаров М. ны аерым билгеләп үтәсе килә. Бик оригеналь, туңдырма рәвешендәге әлеге җимлек аерым номинациягә лаек. Без аны “Кошларга кышкы бүләк” дип атадык.
Бәйгедә катнашкан укучыларга һәм аларның әти-әниләренә рәхмәт белдерәбез.Бүген, 18 нче гыйнвар көнне, “Иң яхшы җимлек” бәйгесенә йомгак ясалды. Берсеннән-берсе яхшы бик күп җимлекләр тапшырылды. Балалар Анжелика Евгеньевна белән иң яхшы җимлекләрне сайлап алып, аларга номинацияләр бирделәр. Алар түбәндәгечә билгеләнде:

Милли стильдәге җимлек: Золин С. 4 нче В сыйныфы, Золина Е. 2 нче В, Садыков Р 3 нче Б сыйныфы.
“Әкияти йортлар”: Шәймарданов К 5 нче Б сыйныфы, Гайнетдинова Д 5 нче Б сыйныфы, Безруков М. 8 нче Б сыйныфы, Садыков И. 4 нче Б сыйныфы.
Иң күләмле җимлекләр: Кадырова К 1 нче В сыйныфы, Гыйниятуллин А. 2 нче А сыйныфы, Рахматова М. 4 нче Б сыйныфы.
Иң төсле җимлекләр: Шамсутдинов К. 5 нче Б сыйныфы, Дерябина Д. 1 нче А сыйныфы.
“Урман җимлекләре”: Сибгатуллин И. 1 нче Б сыйныфы, Шарипова З. 2 нче Б сыйныфы.
Шулай ук 2 нче А сыйныфы укучысы Массаров М. ны аерым билгеләп үтәсе килә. Бик оригеналь, туңдырма рәвешендәге әлеге җимлек аерым номинациягә лаек. Без аны “Кошларга кышкы бүләк” дип атадык.
Бәйгедә катнашкан укучыларга һәм аларның әти-әниләренә рәхмәт белдерәбез.

Бүген, 17 нче гыйнвар көнне, гимназиядә һәр сыйныфта сыйныф сәгатьләре узды. Җитәкчеләр сыйныф тормышына якын булган, үзләрен борчыган теманы сайлаган иде. Мәсәлән, “Гаиләдәге проблемалар һәм аларны чишү юллары”, “Минем мәктәбем – минем горурлыгым” һ.б. Ә 8 нче сыйныфта, Земфира Әхтәмовна җитәкчелегендә, “Бу минем хокукларым. Ә бурычларым?” темасына сыйныф сәгате узды. Укучылар гражданнарның төп бурычларын искә төшереп кенә калмадылар, ә Республика, Федерация Конституцияләрен дә искә төшерделәр. Шулай ук, укучылар Россия тарихына да мөрәҗәгать иттеләр. В.И. Ленин вакытыннан алып бүгенге көнгә кадәр чорга анализ ясадылар.
Үткәрелгән сыйныф сәгатьләре укучылар өчен файдалы булгандыр дигән теләктә калабыз!

Беренче татар гимназиясендә,15 нче гыйнвардан алып, волейбол уены секциясе күнекмәләре башланып китте. Укучы малайлар һәм кызлар әлеге чарага бик сөенделәр. Иң беренче эш итеп укучыларны волейбол уенының кагыйдәләре белән таныштырдылар һәм тупны дөрес бер-береңә бирергә, сугарга өйрәттеләр. Волейбол ятмә белән бүленгән уен кыры гына түгел, ә кагыйдәләре, уенчылары булган үзе бер сәнгать. Шуңа күрә һәр күнекмәгә вакытында йөрергә һәм чыныгырга кирәк.
Әлеге секциягә укучыларны чакырып калабыз һәм спорт ярышларында зурдан-зур уңышлар телибез!

15 нче гыйнвар көнне гимназиягә Иннополис Университеты STEM-центры хезмәткәрләре килде. Алар 4-6нчы сыйныф укучыларын 20-21 нче гыйнварда узачак робототехника буенча мастер-класска чакырдылар. Әлеге мастер-класста бер төркемдә эшләргә һәм үз роботыңны булдырырга өйрәтәчәкләр.
Мастер-класска язылу өчен dod.innopolis.ru. сайтына кереп теркәлергә кирәк. Ә чараның кайда узачагы теркәлгәннә соң билгеле булачак. 

Бүген, 16 нчы гыйнвар көнне, табигать фәннәре кысаларында, 10 нчы сыйныфларда химия фәненнән ачык дәрес узды. Дәрес “Этил спирты һәм аның кеше организмына тәэсире” темасына бирелде. Химия һәм биология укытучысы Валиева Г.Н. этанол үзлекләре турында сөйләде һәм күрсәтмәлелек материаллары кулланды.
Укучылар төрле тәҗрибәләр башкардылар. Майларны, аксымнарны суда һәм этанолда таркаттылар, үз организмнары өчен үлемгә китерә торган микъдарны билгеләделәр. Шулай ук, бакыр чыбык белән тәҗрибәләр башкардылар.
Укучыларга да, укытучыларга да ачык дәрес бик ошады. Методистлар дәрескә югары бәя бирделәр. Укучылар әлеге кызыклы дәресне әле бик озак хәтерләрендә сакларлар. 

Кыш күп кешеләрнең яраткан ел фасылы булса да, кошлар өчен бу авыр вакыт. Кышлаучы кошлар алдында, ничек итеп азык табарга, дигән сорау килеп баса. Шуңа бәйле рәвештә гимназиябезнең Харитнова А.Е җитәкчелегендәге "Чишмә" экологик отряды кошларга җимлек ясау буенча бәйге игълан итте. Шуны әйтергә кирәк: бүгенге көндә без күп җимлекләр җыеп өлгердек. Алар арасында агач, картон, пластиктан ясалганнары да бар. Ә аларның матурлыкларын күрсәгез! Укучыларның һәм аларның әти-әниләренең бик тырышып эшләгәнлекләре күренеп тора. Афәрин!
Кадерле укучылар, бу эшкә иҗади якын килергә, вакытны файдалы үткәрергә теләсәгез, иң матур җимлек ясарга әле вакытыгыз бар. Тырышлыгыгыз белән кошларны гына куандырып калмыйча, мәктәп ишек алды да бизәр идегез. Ашыгыгыз, бәйге нәтиҗәләре 15 гыйнварда билгеле булачак.