"Язгы  алан"  үз  эшен  башлап  җибәрде. 20 - 27  март  аралыгына  кадәр  каралган  "Язгы  алан"  планы  белән  таныша  аласыз ( 2нче  биттә)

20нче март көнне Вахитов районы мәктәпләре арасында мини-футбол буенча турнир узды. Яшь категориясен исәпкә алып, гимназиядән 3 команда катнашты: 1) 7 сыйныф 2) 5 сыйныф 3) 4 сыйныф. Уен нәтиҗәләреннән күренгәнчә, күрсәткечләр түбәндәгечә: 5 һәм 7 сыйныфлар - II урын, 4нче сыйныфлар - III урын яулады. Спорсменнарыбызны мини-футболда  МАКСИ  уңышка ирешүләре белән котлыйбыз!

Бүген Казанның  № 13, №51,  №80нче   санлы  мәктәпләреннән, хореография училищесыннан, Н. Җиһанов  исемендәге  консерваториянең махсус  музыка мәктәбеннән 9нчы сыйныф укучылары, гимназиягә  килеп , математикадан үзләренең  сынап карау имтиханнарын  (ОГЭ)  тапшырды.

Иң   озын чирек   саналган   III  чирек,   ниһаять,  тәмамланды !  Укучылар  язгы каникулга  таралды.  Балаларның   язгы  ял  вакыты  быел   Нәүрүз  бәйрәмнәре якынлашкан  көнгә  туры  килде.  Сагындырган  каникул  18нче  марттан  алып,  28 мартка  кадәр  9  көн   дәвам   итәр  дип  көтелә.

Быел республика күләмендә XII тапкыр уздырылучы "Дулкыннар" бәйгесендә       Р. Вәлиев иҗатына мөкиббән укучыларыбызның нәфис сүзгә осталыкларын барлау барышында 9 Б сыйныфы укучысы Д. Фаекова республика күләмендә 2нче урынга лаек булды! Д.Фаекованы һәм аның укытучысы Э. Р. Хөснетдинованы уртак уңышлары белән котлыйбыз! Киләчәктә дә иҗади һәвәслекләрегезнең саекмавын теләп калабыз.

Бүген,  ягъни 16нчы  март  көнне, Тукай   исемендәге   гимназия   укучылары   Казан  шәһәренең  Идел  буе  районы  "Мәктәптән   тыш  тәрбия   үзәге"ндә  ( Камай  урамы, 13нче  йорт)   оештырылган  “Илебездә, телебездә, күңелләрдә Тукай  мәңгелек”  бәйгесенең  район  турында  катнашты. Район  күләмендә  узган  бәйгегә   фәкать  мәктәп   турын  уңышлы  узган  ИҢ  ЯХШЫ    СӘХНӘ  ҺӘМ  НӘФИС  СҮЗ  ОСТАЛАРЫ   гына  сайлап   алып  барылды. “Илебездә, телебездә, күңелләрдә Тукай мәңгелек” бәйгесенең  мәктәп  туры нигезләмәсе   район   нигезләмәсе  үрнәгендә  төзелде :   таләпләр һәм  номинацияләр   күчереп  алынды. Бу - район  бәйгесенә әзерләнүдә бернче адым  булды.  Укучылар 3  номинациядә :  "Тукай  әсәрләрен   сәхнәләштерү", " Тукай  шигырьләрен  сәнгатьле  башкару"  ,  " Тукайга  һәм сугышка багышланган   авторлык  шигырьләрен  башкару"   буенча   чыгыш  ясады.  5 А-5Б  сыйныфы  кызлары  катнашында  " Эш  беткәч,  уйнарга  ярый"  сәхнәләштерелгән  шигыре   максатка ярашлы  дип  табылды. Нәфис   сүз  башкаруда   5 Б   сыйныфы  укучысы  К. Гобәйдуллинага  тиңнәр  булмады : Г. Тукайның  " Ана  догасы"   шигырен   һәр  тамашачының күңел  кылларын  тибрәндерерлек  итеп  башкарды.  Авторлык   әсәрләрен  башкаруда 8  Б   сыйныфы  укучысы,  гимназия  үзидарәсе  президенты - Л. Шамеева   " Тукайга...", 4  Б   сыйныфы  укучылары  Э. Закирова  " Бөек   Тукай" , Л. Ибушева  "  Сугыш "  каләм  тибрәтүчеләр  арасында   "ИҢ-ИҢНӘР"е   булдылар. Бүген исә  район  бәйгесендә    мәктәп   данын  якладылар !

16нчы март көнне барлык башлангыч сыйныф укучылар үзләренең сыйныф җитәкчеләре белән күпсанлы тамашачылар соравы буенча дистәләгән кабат куелучы “Зөбәрҗәт шәһәре тылсымчысы”( “Волшебник Изумрудного города”) спектаклен карарга “Әкият” дәүләт театрына сәфәр тоттылар. Әлеге спектакль дуслык, тылсым һәм геройларның онытылмаслык могҗизалары турында. Кечкенә кыз Элли һәм аның дуслары белән бергә тылсым илендә булып кайту гимназиябезнең яшь тамашачыларына бик ошаган булса кирәк, чөнки якын киләчәктә алар бу әсәрнең "татарча премьерасын" гимназия сәхнәсендә тәкъдир итәргә җыеналар. 

Математика укытучысы Р. Р. Мингалиева 8 А һәм 8 Б сыйныфы укучылары арасында "Пифагор эзләре буйлап..." дип аталган математик викторина уздырды. Математика  укытучысы 8 Б сыйныфының  сыйныф  җитәкчесе  үзе булуына да карамастан, гаделсезлекләр күзәтелмәде. 8 А сыйныфы  викторинада  югарырак  күрсәткечләргә  ирешеп, гадел  шартларда  8  Б  сыйныфыннан  өстен  чыкты.  

10 март көнне 7Б сыйныфы укучылары, сыйныф җитәкчеләре белән берлектә, А.М.Горькийның әдәби-мемориаль музеена сәяхәт кылдылар. Язучы һәм җәмәгать эшлеклесе М. Горькийның тормыш юлы һәм иҗаты, аның күпкырлы эшчәнлегеге хакында тыңланган кызыклы экскурсия белән бергә, Ф. Шаляпинның тормыш юлы һәм иҗатына багышланган экспозиция белән дә танышу мөмкинлеге укучыларның белемнәрен арттыргандыр , дип ышанасы килә.М. Горькийның Казандагы тормышына багышланган күргәзмә укучыларның игътибарын аеруча җәлеп итте. Үз чорының хуҗалык кирәк-яракларын бүгенге көнгәчә үзендә саклаган подвал-пекарня укучыларны Горький яшәгән чорга алып кайтты булса кирәк: экскурсиядән алган тәэсирләре белән алар әле озак уртаклашты.