Һәр кеше тормышта килеп чыккан гадәттән тыш хәлләргә әзер булырга тиеш. Шул уңайдан, гимназиядә ата-аналар һәм укучылар өчен белешмәлекләр әзерләнде. Әлеге белешмәлекләрдә гадәттән тыш хәлләр вакытында үз-үзеңне тоту, саклану чараларын дөрес куллану, беренче медицина ярдәме күрсәтү турында мәгълүматлар тупланган.

Уважаемые учащиеся и их родители!

Железная дорога продолжает оставаться зоной повышенной опасности, где главным травмирующим фактором был и остаётся наезд подвижного состава и высокое напряжение в контактном проводе.

Просим ознакомится с брошюрами, памятками, фильмами, мультфильмами по профилактике непроизводственного травматизма:

Бүген хәтер һәм кайгы көне. 1941 елның матур, тыныч иртәсендә, көтмәгәндә,  илебезгә фашистлар Германиясе бәреп кергән. Бу көн илебез  тарихына иң кайгылы көннәрнең берсе булып кереп калган, кара хәрефләр белән язылган.

Бүген актлар залында “Хәтер һәм кайгы көне” исемле чара үткәрелде. Укучылар әлеге темага мультфильм карадылар, вожатыйлар белән берлектә әңгәмәдә катнаштылар.

Курчак театры үзгә бер дөнья. Анда без күрергә ияләнгән актерлар да, гади декорацияләр дә юк. Алар урынына театрда матур курчаклар, искитмәле матур тавышлар һәм сәхнә. Шуңа да без курчак театрын бик яратабыз.

Бүген укучылар Татар дәүләт “Әкият” курчак театрында “Су анасы” спектаклен тамаша кылдылар.

Матур курчаклар, декорацияләр укучыларга бик ошады.     

Лагерь  үз эшчәнлеген дәвам итә.Бүген укучылар Болак буе театрында күңел ачу тамашасында катнаштылар. “Юл йөрү кагыйдәләре” темасына рәсемнәр ясадылар.

Бүген лагерьга йөрүче укучылар К. Тинчурин исемендәге ял паркында күңел ачтылар. Өстәл уеннары, акыл эшчәнлеген яхшырта торан уеннар уйнадылар. Юл йөрү кагыйдәләрен искә төшерделәр, тамгалар ясадылар.

Лагерь тормышы бик күңелле. Көн саен укучылар вакытларын файдалы һәм мавыктыргыч итеп үткәрәләр.

Бүген укучылар Родина кинотеатрында “Лука” мультфильмын карадылар. Кызыклы сюжет, матур, яхшы күңелле геройлар укучыларның күңелләренә хуш килделәр.

Шулай ук укучылар “Татарстан – минем республикам” темасына әңгәмә уздырдылар.

Лагерьда җәйге эссе көннәрне ничек уздырырга? Әлбәттә Горький исемендәге ял паркына барырга кирәк. Кояштан качып, күләгәдә ял итәргә, төрле тренажерларда шөгыльләнергә, җырлый торган фотаннарда уйнарга мөмкин. Без нәкъ шулай эшләдек тә.

Шулай ук, “Иң матур милли кием” рәсем бәйгесендә ,“Татарстан – туган җирем” викториносында көч сынаштык.

Лагерь – үзе бер дөнья. Анда ял итәргә дә, вакытны файдалы һәм күңелле уздырырга да, файдалы мәгълүматлар алырга да мөмкин.

Бүген укучылар кинотеатрда мультфильм карадылар, рәсемнәр ясадылар, Г. Тукай иҗаты белән якыннан таныштылар.

Лагерь үз эшчәнлеген дәвам итә. Укучылар вакытларын бик кызыклы һәм файдалы үткәрәләр.

Бүген исә Россия көне уңаеннан кызыклы чаралар үтте. Укучылар әңгәмәдә катнаштылар һәм гимн башкардылар. Соңрак К. Тинчурин исемендәге паркта күңел ачтылар.