3 апрель көнне "Казан арты" тарих- этнография музеенда, якташыбыз Кушлавыч авылында туган Әнәс Галиевка 95 ел тулу уңаеннан искә алу кичәсе уздырылды. Кичәгә язучының кызлары, сеңлесе -Татарстанның атказанган табибәсе Мәсхүдә ханым, туганнары, авылдашлары килгән иде. Кичәдә язучының шигырьләрен, повестьларынннан өзекләр укыдылар. Килгән кунаклар очрашудан якташ язучыбыз турында зур мәгълүмат, бай тәэсирләр белән таралыштылар.

В соответствии с приказом МО и Н РТ №1518/15 от 13.03.2015 г. «О проведении единого республиканского тестирования по предмету «Татарский язык» для обучающихся 9 классов общеобразовательных организаций Республики Татарстан, изучавших татарский язык как родной или государственный, в 2015 году,  2 апреля обучающиеся  9 класса приняли участие в тестировании по татарскому языку.

2 апрель - Халыкара балалар китабы көне уңаеннан Г.Х.Андрсенның әкиятләре буенча кызыклы викторина үткәрелде. Викторинада 3-4 класс укучылары актив катнаштылар, сорауларга җавап бирделәр, әкият геройлары турында фикер алыштылар, балалар язучылары һәм аларның әсәрләре белән таныштылар. Кичә ахырында китапханәче Рахматуллина Р. Р укучыларны яңа китаплар белән таныштырды, иң күп китап укыган укучыларны билгеләп китте.

О КОНКУРСЕ:

С 18 марта 2015 года по 30 ноября 2015 года проводится республиканский Конкурса =it-чемпион - 2015=.

Казан шәһәренең  Фатиха Аитова исемендәге татар телендә белем бирүче 12 нче гимназиясендә   Т.Миңнуллин истәлегенә багышланган  укытучыларның һәм укучыларның  II республика конференциясенең 2 туры булып узды. “Драматургия”.”Театр яктылыкка, нурга илтә!”..  номинациясендә  безнең укучылар 2 урынга лаек булдылар һәм әлеге конференциянең бүләкләү тантанасында катнаштылар.  Укучыларга бүләкләрне   Татарстан Республикасы Премьер – министры урынбасары – Татарстан Республикасы мәгариф һәм фән министры Фәттахов Энгель Нәвап улы, Татарстан дәүләт Советының мәдәният, фән, мәгариф һәм милли мәсьәләләр комитеты рәисе  Вәлиев Рәзил Исмәгыйл  улы , Г.Камал исемендәге Татар дәүләт академия театры директоры Якупов Ильфир Илшат улы тапшырды.

25 нче март көнне Шушмабаш урта мәктәбе базасында   “Преобразование обучения  в XXI веке : развитие культуры мышления “ темасына  сингапур укулары узды. Безнең укытучылар коллективы да укуларда катнашты.  Укулар  бик эчтәлекле  мавыктыргыч итеп оештырылган иде,  актуаль проблемалар күтәрелде .  Тренерлар материалны оста , аңлаешлы итеп җиткерделәр, бик зур рәхмәт.

     26 нчы мартта Г.Тукай исемендәге Ашытбаш урта мәктәбендә , мәдәният йорты белән берлектә,  “Әти, әни һәм мин-спорт сөюче гаилә” дигән    матур, эчтәлекле  бәйге узды.

Бәйрәмне мәктәп директоры Кавиева Рәмизә Рәисовна ачып җибәрде һәм үзенең матур теләкләрен җиткерде.

      Ярышта  5 гаилә көч сынашты. Гаиләләр бик җитез, тапкыр, оста, талантлы һәм , әлбәттә, спорт сөючеләр . Тату гаиләнең терәге булган әтиләр, гаиләнең учагын саклаучы әниләр һәм тормышка ямь өстәүче балалар бүген үзләренең бик матур чыгышларын күрсәттеләр.

       Җанатарлар да бик актив булды. Алар гаиләләргә көч-куәт бирделәр. Музыкаль тәнәфес вакытында матур җыр һәм биюләре белән сөендерделәр. Вакыт сизелми дә  узды.  Нәтиҗә ясар вакыт та җитте. Жюрига да нәтиҗә ясау кыен булгандыр бүген, чөнки гаиләләребез берсеннән-берсе уңган -булган, көчле иде.

  Нәтиҗәләр тәбәндәгечә:

-“Спорт сөюче гаилә” –Наратлык авылыннан Хабибуллиннар гаиләсе;

-“Иң җитез гаилә” –Ашытбаш авылыннан Гыйбадуллиннар гаиләсе;

-“Иң актив гаилә”- Ашытбаш авылыннан Файзрахмановлар гаиләсе;

-“Иң бердәм гаилә” – Ашытбаш авылыннан Каюмовлар гаиләсе;

-“Тамашачы мәхәббәте” – Ашытбаш авылыннан Сибгатуллиннар гаиләсе.

    Конкурста катнашучыларга  грамоталар һәм истәлекле бүләкләр тапшырылды.

    Гаиләләрне чын күңелдән котлыйбыз,  саулык-сәламәтлек, гаиләләренә иминлек телибез !

Мәктәп газетасының март саны дөнья күрде. Газетада мәктәптә уздырылган чаралар яктыртыла,  укучылар иҗаты урын алган. Шулай ук Бөек Җиңүнең 70 еллыгына багышланган сәхифә дә бар. Редколлегия: 5-7 нче  сыйныф укучылары.

23 нче мартта Казанда Яшьләрнең Каюм Насыйри исемендәге XIII төбәкара фәнни-тикшеренү укулары узды. Каюм Насыйри исемендәге укулар ТР Мәгариф һәм фән министрлыгы, Казан (Идел буе) федераль университеты, ТР Фәннәр академиясенең Шиһабетдин Мәрҗани исемендәге Тарих институты, Казан шәһәре Мәгариф идарәсе белән берлектә оештырыла.

      Фәнни-тикшеренү укуларының йомгаклау этабында Татарстан Республикасы һәм Россия төбәкләреннән яшь тикшеренүчеләр катнашты. Яшь белгечләр 17 төрле секциядә эшләде.Фәнни-тикшеренү эшләре университет галимнәре, күренекле җәмәгать эшлеклеләре, тел белгечләреннән торган мәртәбәле жюри тарафыннан тикшерелде һәм бәяләнде.

   Йомгаклау этабында  мәктәбебезнең  10 нчы сыйныф укучысы Мөхәммәтдинова Чулпан ( фәнни җитәкчесе Ибатуллина Н.Г.)  “ Туган якны өйрәнү” секциясендә һәм   11 нче сыйныф укучысы Кавиева Нәркизә ( фәнни җитәкчесе Әхмәтгалиева Ә.К.)  “Татар халык авыз иҗаты” секциясендә эшләде һәм фәнни-тикшеренү эшләрен якладылар.Кызлар  икесе дә Татарстан Республикасы Мәгариф һәм фән министрлыгының  I дәрәҗәдәге Дипломы белән бүләкләнде. 

   Мәктәбебезнең  5-8  нче класс укучылары Кырлайга “Нәүрүз” бәйрәменә кунакка барып кайттылар. Бәйрәмгә  әкият геройлары да килгән иде.Төрле халык әкиятләреннән өзекләр куеп, килгән тамашачыларны сәламләделәр. Балалар  белән бергә төрле уеннар уйнадылар, ярышлар оештырдылар. Карачкы ясау буенча мастер класс булды.

Тәмле карга боткасыннан авыз иттеләр. Җыр-бию тынып тормады. Балалар Г.Тукай музеенда да булдылар. Укучылар  бәйрәмнән күтәренке күңел белән кайттылар.