7 март көнне Акчишмә башлангыч мәктәбендә “Әткәй, әнкәй – пар канатым” исеме астында әти-әниләр бәйрәме уздырылды.  Бу кичәдә әти-әниләргә концерт номерлары күрсәтелде, балаларның әтиләренә багышлап чыгарган шигырьләре яңгырады. Балалар әти-әниләренә, әбиләренә кулдан ясалган бүләкләрен тапшырдылар. Уеннар вакытында әти-әниләрнең осталыклары сыналды. Кичә бик күңелле узды.

       7 март көнне башлангыч класс кызлары өчен Күңелле старт уеннары оештырылды. Алар “Очкын” һәм “Ялкын” командаларына бүленеп  үзара көч сынаштылар. 1 очко өстенлек белән генә “Очкын” командасы җиңүче булды. Ярышлар бик мавыктыргыч һәм күңелле узды.

Җиһанга Яз килде. Яз ул – җанында сөю гөлләре үстергән, назлы, иркә сүзләр йөрткән асыл хатын-кызлар бәйрәменнән башлана.

        Сабыр һәм батыр йөрәкле, милләте, дине, газиз баласы өчен җанын да кызганмаучы изге зат ул – хатын-кыз.        

        Хөрмәтле, хатын-кызлар - әниләр, укытучы апалар, ветеран укытучылар, укучы кызларыбыз! Сезне 8 Март – Халыкара хатын- кызлар көне белән чын күңелдән тәбрик итәбез. Эшегездә, тормышыгызда, укуыгызда зур уңышлар, ак бәхетләр, нык сәламәтлек телибез.

      Яз сулышы Сезгә муллык , күңелләрегезгә сабырлык , тәннәрегезгә саулык китерсен . Теләкләрегез тормышка ашсын , өстәлләрегез  мул ,  көннәрегез ямьле булсын!

 Бөек Җиңүнең 70 еллыгана карата 9 нчы сыйныфта( класс җитәкчесе Аухадиева М.Р.)

  Март аенда “Бөек Җиңүнең 70 еллыгына  - 70 бишле” һәм “Бөек Җиңүнең 70 еллыгына  - 70  оя” акцияләре старт алды.

     Кадерле укучылар, әлеге акцияләрдә актив катнашыйк! 

      Бүген мәктәптә   шушы авыл җирлеге территориясендә яшәүче сугыш һәм тыл ветераннарына “ 1941-1945 елларда Бөек Ватан сугышында Җиңүгә 70 ел” юбилей медальләре тапшыру тантанасы узды . Олы дәүләт бүләген  Ташкичү җирле үзидарә башлыгы Ф.Х.Файзуллин һәм мәктәп директоры Р.Р.Кавиева  тапшырды. Алар  ветераннарга үзләренең ихлас матур теләкләрен җиткерделәр,  олы рәхмәтләрен белдерделәр.

     Тантаналы өлештән соң  укучылар көче белән әзерләнгән концерт программасы  күрсәтелде .  Сәхнәдән агылган җыр-моң өлкәннәрне ялкынлы яшьлекләренә алып кайтты.  Дәһшәтле сугыш еллары,  көтеп алынган җиңү күз алдыннан узгандай булды.

     Эчкерсез сөйләшүләр мул табын артына күчте .

  28 нче февраль көнне  чаңгычылар Арча стадионына ярышка җыелды. Бу көнне биредә елдагыча Фәнил Гарәфиев истәлегенә багышлап чаңгыда узышлар үткәрелде. Безнең мәктәп командасы беренчелекне бирмәде.Чаңгычы егет- кызларыбызны һәм аларның укытучылары Наил Фаилевичны чын күңелдән зур җиңүләре белән котлыйбыз! Киләчәктә дә зур уңышлар, нык сәламәтлек телибез.

В рамках мероприятий в честь 70-летия Победы советского народа   в Великой Отечественной войне , ученикам был показан фильм «Брестская крепость».  Фильм рассказывает о героической обороне Брестской крепости, которая приняла на себя первый удар немецко-фашистских захватчиков 22 июня 1941 года. 

26 нчы февральдә Арча шәһәрендә "Живая классика" IV Бөтенроссия  конкурсының  муниципаль этабы үтте. Конкурста 6-7 класс укучылары көч сынашты. Безнең мәктәптән Гатауллина Ф. катнашып  призлы урынга лаек булды.

        Поздравляем призеров республиканской олимпиады школьников по русскому языку и литературе  ученицу 9 класса Салимзянову Гулину (русский язык) и ученицу 11 класса Фахрутдинову Илюзу (русский язык и литература)(учитель  Фахрутдинова З.С.).